Yehovanı izzələndirməkdə insanlara kömək edək
1 Bütün yer üzünün insanlarına vacib xəbər çatdırılır: “Allahdan qorxun! Ona izzət verin! Çünki Onun hökmünün vaxtı gəldi. Göyü, yeri, dənizi və su bulaqlarını Yaradana səcdə edin!” (Vəhy 14:6, 7). Bu xəbərin bəyan edilməsində iştirak etmək şərəfinə layiq görülmüşük. Yehovadan qorxmaq və Ona ibadət etmək üçün insanlar Onun haqqında nəyi bilməlidirlər?
2 Onun adı. Bu gün xalqların ibadət etdikləri bir çox saxta tanrılardan fərqləndirmək üçün, insanlar yeganə həqiqi Allahın adını çəkmək imkanına malik olmalıdırlar (Təs. 4:35; 1 Kor. 8:5, 6). Əslində, Müqəddəs Kitabı yazanlar Yehovanın izzətli adını 7 000 dəfədən artıq istifadə etmişlər. Allahın adını başqalarına layiqincə tanıtmaq üçün fərasətli şəkildə vaxt seçməli olsaq da, bu adı heç zaman gizlətməli və ya onu istifadə etməkdən qaçınmalı deyilik. Allah istəyir ki, Onun adını bütün insanlar bilsinlər (Məz. 83:18, YD).
3 Onun şəxsiyyəti. Yehovanı izzətləndirmək üçün, insanlar Onun necə Allah olduğunu bilməlidirlər. Biz onlara Allahın üstün məhəbbətini, müdrikliyini, mükəmməl ədalətini, qüdrətli gücünü, həmçinin mərhəmətini, lütfkarlığını və başqa gözəl xüsusiyyətlərini tanıtmalıyıq (Çıx. 34:6, 7). İnsanlar həmçinin faydalı olan Allah qorxusunu, Ona ehtiram bəsləməyi öyrənməli və həyatlarının Yehovanın lütfündən asılı olduğunu dərk etməlidirlər (Məz. 89:7).
4 Allaha yaxınlaşmağın üsulu. Yaxın vaxtlarda, Allah mühakimə edən zaman xilas olmaq üçün insanlar Yehovanın adını imanla çağırmalıdırlar (Rom. 10:13, 14; 2 Salon. 1:8). Bunun üçün Allahın adını və xüsusiyyətlərini bilmək kifayət etmir. Buna görə də, Yehova ilə sıx münasibətlər inkişaf etdirməkdə və bütün ürəkləri ilə Ona güvənməkdə insanlara kömək etməliyik (Sül. məs. 3:5, 6). Onlar öyrəndiklərini tətbiq etsələr, səmimi dua ilə Allaha üz tutsalar və həyatlarında Onun yardımını hiss etsələr, imanları böyüyərək, Yehovaya yaxınlaşmaqda onlara kömək edəcək (Məz. 34:8).
5 Gəlin, Allahın adını sə’ylə bəyan edək, həmçinin Allaha güvənməkdə və Ondan qorxmaqda insanlara kömək edək. Bu cür davranaraq, Yehovanı tanımaqda və Onu ‘qurtuluş Allahı’ kimi izzətləndirməkdə çox insanlara kömək etmiş olarıq (Məz. 25:5).