Allahın sözünü cəsarətlə söyləməyə davam edin
1 Məsihçi xidmətçiləri kimi, təbliğ etdiyimiz xoş xəbərə bütün insanların qulaq asmayacaqlarını bilirik (Mat. 10:14). Lakin kiminsə mənfi rə’yinin bizi xoş xəbəri yaymaqdan çəkindirməsinə yol vermirik (Sül. məs. 29:25). Allahın sözünü cəsarətlə söyləməyə davam etməkdə bizə nə kömək edir?
2 Həvari Pavel dərk edirdi ki, ‘Məsih İsanı tanımaq üstün dəyərdir’. Bu, Paveli «tam bir e’tiqadla» danışmağa təşviq edirdi (Filip. 3:8; 1 Salon. 1:5). Bə’zi insanlar Pavelin təbliğ etdiyi müjdəni əsassız və ağılsız hesab etsə də, o bilirdi ki, xoş xəbər «iman edən hər kəsin ...xilası üçün Allahın qüdrətidir» (Rom. 1:16). Buna görə də, hətta müqavimətlərlə qarşılaşdığı zaman o ‘Rəbbə arxalanaraq, cəsarətlə danışırdı’ (Həv. iş. 14:1-7; 20:18-21, 24).
3 Qüvvə mənbəyimiz. Pavelin təbliğdə cəsarətli olması öz qüvvəsi sayəsində deyildi. Sila və özü haqqında danışaraq o yazmışdır: «Qabaqca Filipidə əzab çəkib, təhqir olunduğumuz halda, biz Allahımızdan cəsarət aldıq ki, böyük müqavimətə baxmayaraq, sizə Allahın Müjdəsini e’lan edək» (1 Salon. 2:2; Həv. iş. 16:12, 37). Romada zindanda oturduğu zaman Pavel həmimanlılarından xahiş etmişdir ki, onun xoş xəbəri ‘lazım olduğu kimi cəsarətlə yaymağa’ davam etməsi barədə Allaha dua etsinlər (Efes. 6:18-20). O, xoş xəbəri özünün yox, Yehovanın qüvvəsinə güvənərək cəsarətlə təbliğ etməyə davam edə bildi (2 Kor. 4:7; Filip. 4:13).
4 Bu gün də vəziyyət belədir. Bir qardaş iş yoldaşlarına Yehovanın Şahidi olduğunu deməkdə çətinlik çəkirdi. Lakin başqalarına təbliğ etmək üçün o, Yehovaya dua etdi və dərhal təbliğ etməyə başladı. Onun iş yoldaşlarından biri başlanğıcda qulaq asmaq istəmirdi, lakin dirilməyə olan ümid haqqında eşidəndə o, maraq göstərdi, bu isə Müqəddəs Kitab öyrənməsinə gətirib çıxartdı. Bu hadisədən sonra qardaş şahidlik etmək üçün hər bir imkandan istifadə edirdi. Təzə iş yerində isə o, təxminən 14 il ərzində 34 nəfərə vəftiz olmaqda kömək edib. Əmin ola bilərik ki, Yehova Onun ‘sözünü tam cəsarətlə söyləməyə’ davam etmək üçün bizi də möhkəmləndirəcək (Həv. iş. 4:29).