İnsanlarla iltifatla davranaraq səmimi maraq göstər

¹ Yehova «lütfkar» Allahdır (Məz. 145:8). O, kainatın Hökmdarı olsa da, qeyri-kamil insanlarla xeyirxahlıq, anlayış və lütfkarlıqla davranır (Yar. 13:14; 19:18-21, 29). Xoş xəbəri təbliğ etmək üsullarımızı yaxşılaşdırmaqla, biz lütfkar Allahımızı təqlid etmiş olarıq (Kolos. 4:6). Bu, sadəcə olaraq nəzakətlə və hörmətlə danışmaq demək deyil.

² Evdən-evə. Ev sahibinin yanına qeyri-münasib vaxtda gələndə və ya onun bizimlə danışmağa vaxtı olmayanda nə etməliyik? Belə halda yaxşı olardı ki, onun vəziyyətini nəzərə alıb, çox qısa təqdimə edək, ya da başqa vaxtda gələcəyimizi söyləyək. Ev sahibi ədəbiyyat götürməkdən imtina edəndə, nəzakətlə davranaraq buna tə’kid etməyəcəyik. Əgər başqalarına qarşı diqqətliyiksə, onların şəxsi mülkünə hörmət edəcəyik. Misal üçün, arxamızca qapını və ya darvazanı örtəcək və uşaqlarımıza da bunu öyrədəcəyik. Ev sahibi üçün ədəbiyyatı elə yerdə qoymalıyıq ki, başqalarının gözünə çarpmasın. Nəzakətli insan başqalarının onunla necə rəftar etməsini istəyirsə, özü də onlarla elə rəftar edəcək (Luka 6:31).

³ Küçədə. Küçədə təbliğ edən zaman nəzakətlə davranaraq, yoldan keçən adamlara mane olmayacaq və mağazalara girişin qarşısını kəsməyəcəyik. İnsanların şəraitini nəzərə alaraq, tələsənlərlə deyil, söhbətə bir neçə dəqiqə vaxt ayıra bilənlərlə danışmaq lazımdır. Bə’zi hallarda küçədəki səs-küyə görə ucadan danışmaq lazım gələ bilər. Lakin bu zaman ehtiyatlı olmalıyıq ki, ətrafdakıların diqqətini özümüzə cəlb etməyək (Mat. 12:19).

⁴ Telefonla. Əgər başqalarına qarşı diqqətliyiksə, telefonla təbliğ edərkən, rahat və sakit yer seçəcəyik. Zəng edəndə əvvəlcə özümüzü təqdim etmək və zəngimizin səbəbini izah etmək yaxşı olardı. Telefon dəstəyini yaxın tutaraq və yumşaq tonda danışaraq, insanla Müqəddəs Kitab mövzusunda maraqlı söhbətə başlaya bilərik (1 Kor. 14:8, 9). Bu müxtəlif sahələrdə xeyirxah, anlayışlı və nəzakətli davranmaqla, biz lütfkar Yehova Allahımızı təqlid edirik.