Həmişə ‘çoxlu məhsul verin’
1 Simvolik mə’nada İsa özünü həqiqi meynə, Atasını Bağban, müqəddəs ruhla məsh edilmiş davamçılarını isə meynənin məhsul verən budağı ilə müqayisə etmişdir. İsa, simvolik Bağbanın işini təsvir edərkən, meynədə möhkəm qalmağın vacibliyini vurğuladı (Yəh. 15:1-4). Əsas məsələ odur ki, Yehova ilə yaxın münasibəti olan hər bir adam, İsa Məsihin — məhsul verən ‘həqiqi meynəninʼ budağı kimi olmalıdır. Biz həmişə həm «ruhun səmərəsini», həm də Padşahlığın məhsulunu bol-bol verməliyik (Qalat. 5:22, 23; Mat. 24:14; 28:19, 20).
2 Ruhun səmərəsi. Bizim ruhani inkişafımız əsas e’tibarilə ruhun səmərəsini nə dərəcədə yaxşı təzahür etdirməyimizlə müəyyən oluna bilər. Allahın Kəlamını müntəzəm araşdırmaqla və üzərində dərin düşünməklə Allahın ruhunun səmərəsini inkişaf etdirməyə sə’y göstərirsənmi? (Filip. 1:9-11). Yehovaya izzət gətirən xüsusiyyətləri yetişdirməkdə və daima ruhən inkişaf etməkdə sənə kömək edə bilən müqəddəs ruhu almaq üçün dua etməyə utanma (Luka 11:13; Yəh. 13:35).
3 Müqəddəs ruhu inkişaf etdirmək, daha çalışqan xidmətçi olmağımıza da kömək edir. Məsələn, məhəbbət və sədaqət, hər nə qədər məşğul olsaq da, bizi təbliğdə müntəzəm iştirak etməyə təşviq edəcək. Sülh, səbir, lütfkarlıq, yaxşılıq və özünə hakim olmaq kimi xüsusiyyətlər isə, müqavimət göstərənlərə düzgün yanaşmağımıza kömək edəcək. Sevinc sayəsində, hətta insanlar e’tinasızlıq göstərəndə belə, xidmətdən məmnunluq duymağa müvəffəq olacağıq.
4 Padşahlığın məhsulu. Biz, həmçinin Padşahlığın məhsulunu da gətirməliyik. Bu özünə «həmd qurbanını, yə’ni Onun [Yehovanın] adını iqrar edən dodaqların bəhrəsini» daxil edir (İbr. 13:15). Biz buna, xoş xəbəri daha sə’ylə və sarsılmazlıqla bəyan etməklə nail oluruq. Sən öz xidmətini təkmilləşdirməklə daha çox Padşahlıq məhsulu gətirməyə çalışırsanmı?
5 İsa göstərdi ki, onun sadiq davamçıları məhsulu müxtəlif miqdarda gətirəcəklər (Mat. 13:23). Buna görə də, biz özümüzü başqaları ilə müqayisə etməməli, əksinə, malik olduğumuz ən yaxşı şeyləri Yehovaya verməliyik (Qalat. 6:4). Allahın Kəlamı vasitəsilə öz şəraitimizi dürüstlüklə yoxlamaq, həmişə ‘çoxlu məhsul verərəkʼ Yehovanı izzətləndirməyimizə kömək edəcək (Yəh. 15:8).