Suallar qutusu

◼ Müqəddəs Kitabı öyrətdiyimiz adamla hansı iki nəşri keçmək lazımdır?

«Müqəddəs Kitab öyrədir» nəşri öyrənməyə başlamaq və onu keçirmək üçün əsas vəsaitimizdir. Müqəddəs Kitab öyrənməsini başqa bir nəşrin, məsələn, müvafiq traktatın köməyilə də başlamaq olar, amma mümkün qədər tez «Müqəddəs Kitab öyrədir» nəşrinə keçmək lazımdır. Bu nəşrlə Müqəddəs Kitab öyrənməsinə başlamaq gözəl nəticələr gətirib.

«Müqəddəs Kitab öyrədir» kitabını qurtardıqdan sonra, əgər öyrənən ruhən inkişaf edirsə, «Allaha ibadət edin» kitabını keçmək lazımdır (Kolos. 2:7). Bu kitabın ikinci səhifəsində onun məqsədi haqqında yazılıb: «Müqəddəs Kitab Allahı sevənlərin hamısını Onun qiymətli həqiqətlərinin ucalığını və dərinliyini başa düşməyə təşviq edir (Efeslilərə 3:18). Əlinizdəki kitab məhz elə bu məqsədlə yazılıb. Ümid edirik ki, o sizin ruhani cəhətdən böyüməyinizə və Allahın saleh yeni dünyasına aparan dar yolla uğurla getməyinizə kömək edəcək».

Öyrənən kitabların hər ikisini öyrənib qurtarmazdan öncə vəftiz üçün tələblərə cavab versə də, ikinci kitabı axıra kimi keçmək lazımdır. Müqəddəs Kitabı öyrənən vəftiz olunsa da, öyrədən öz hesabatına vaxtı, təkrar başçəkməni və Müqəddəs Kitab öyrənməsini yaza bilər. Öyrənməni keçirənin əməkdaşı da vaxtı yaza bilər.