«Özünüzü Allahın məhəbbətində saxlayın»
1. «Özünüzü Allahın məhəbbətində saxlayın» kitabı hansı məqsədlə dərc edilib?
1 Fevralın 23-dən başlanan həftədən Yığıncağın Müqəddəs Kitab öyrənməsində «Özünüzü Allahın məhəbbətində saxlayın» adlı yeni kitabı araşdırmağı necə də səbirsizliklə gözləyirik! Rəhbərlik Şurası Yehovanı sevənlərə ünvanladığı məktuba bu sözlərlə yekun vurur: «Biz səmimi qəlbdən ümid edirik ki, bu kitab sizə həqiqətə uyğun yaşamağa və əbədi həyatı gözləyərək Allahın məhəbbətində qalmağa kömək edəcək (Yəhuda 21)».
2. Bu yeni kitab həyatımızın hansı sahələrində bizə kömək edəcək?
2 Kitabda toxunulan sahələr. Müqəddəs Kitab prinsiplərini həyatın dostluq, əyləncə, hakimiyyətə hörmət, vərdişlər, evlilik, danışıq və adətlər kimi sahələrinə necə tətbiq etmək olar? Vicdanımız Allahın Kəlamının təqdim etdiyi yüksək salehlik normalarına əsasən formalaşacaq (Məz. 19:7, 8). Yehovanın düşüncə tərzini daha dərindən başa düşdükcə, Onu razı salmaq istəyimiz bizi həyatımızın bütün sahələrində Ona itaətkar olmağa təşviq edəcək (Sül. məs. 27:11; 1 Yəh. 5:3).
3. Nəyə görə hər həftə müzakirədə iştirak etməyə var gücümüzlə çalışmalıyıq?
3 İştirak etməyə qəti qərarlı ol. Hazırlaşarkən yığıncaqda Allahı izzətləndirməyi qarşına məqsəd qoy (İbr. 13:15). Bütün yığıncaq bu yeni öyrənmə nəşrini birlikdə araşdıracaq. Hər həftə az həcmdə materialı müzakirə edəcəyimizdən yaxşı hazırlaşmağa imkanımız olacaq, bunun sayəsində öyrəndiyimizi əminliklə bölüşə biləcəyik. Yaxşı hazırladığımız qısa şərhlər digərlərini məhəbbətə və xeyirli işlərə təşviq edəcək, materialın müzakirəsini canlı və mənalı edəcək (İbr. 10:24). Həmçinin öz imanımızı şərhlərlə ifadə etməklə sevincimiz aşıb daşacaq.
4. Yehovanın əmrlərinə itaət etmək nə üçün vacibdir?
4 Yer üzündəki həyatının sonuncu gecəsi İsa Yehovanın əmrlərinə itaət etməyi Onun məhəbbətində qalmaqla əlaqələndirdi (Yəh. 15:10). «Allahın məhəbbəti» kitabının köməyilə biz gündəlik həyatımızda Müqəddəs Kitab prinsiplərini tətbiq etməyə və ‘özümüzü Allahın məhəbbətində saxlamağa’ daha qətiyyətli olacağıq (Yəhuda 21).