Xidmətimiz Allaha məhəbbətimizin təzahürüdür
1. Allaha olan məhəbbəti İsanı nəyə təşviq edirdi?
1 Məhəbbət İsanı xidmətini icra etməyə təşviq edirdi. İsanın xidmətinin hər sahəsi onun Allahı sevdiyinə danılmaz sübutdur. İsa demişdi: «Dünya bilsin ki, Mən Atanı sevirəm və Ata Mənə necə əmr etmişsə, elə də icra edirəm» (Yəh. 14:31). İsanın izləri ilə gedən bizlər də xidmətimizlə Allaha olan dərin məhəbbətimizi göstərmək şərəfinə malikik (Mat. 22:37; Efes. 5:1, 2).
2. Yehovaya olan məhəbbətimiz xidmətimizə necə təsir edir?
2 «Adın müqəddəs tutulsun». İnsanlara Yehova və Onun Padşahlığı haqda danışmaq üçün cidd-cəhdlə hər fürsətdən istifadə edəndə Allahı sevdiyimizi göstəririk və beləliklə, Onun adının təqdis edilməsində bizim də payımız olur (Məz. 83:18; Yez. 36:23; Mat. 6:9). İsa kimi, biz də xidmətimizlə Yehovanın adının təqdis edilməsini və iradəsinin yerinə yetməsini səmimi qəlbdən arzuladığımızı göstəririk (Mat. 26:39).
3. Yehovaya məhəbbət çətinliklərə qalib gəlməkdə bizə necə kömək edir?
3 Məhəbbət çətinliklərə qalib gəlməyə təşviq edir. Yehovaya olan məhəbbət bütün maneələri aşır (1 Kor. 13:4, 7). İsa onu xidmətdən uzaqlaşdıra biləcək bir çox vəziyyətlərlə üzləşirdi. Buna baxmayaraq, dərin məhəbbəti və Yehovanın iradəsini yerinə yetirmək istəyi ona istənilən problemə qalib gəlməyə kömək edirdi (Mark 3:21; 1 Pet. 2:18-23). Biz də bir çox çətinliklərlə üzləşirik, ancaq Allaha olan məhəbbətimiz onların üzərində qələbə çalmağa bizə kömək edə bilər. İsanın nümunəsini izləyərək, biz də xidmətimizi əminliklə və təslim olmadan icra edə bilərik. Ailə üzvləri tərəfindən təqiblər, zəif səhhət, qocalıq və ya ümumilikdə insanların laqeyd münasibəti bizə təsir edə bilər, buna baxmayaraq, biz yenə də xidmətimizi mümkün qədər səmərəli şəkildə icra etməklə Yehovaya olan məhəbbətimizi təzahür etdiririk.
4. Yehovaya məhəbbətimiz qarşımızda hansı şərəfli imkanı açır?
4 Məhəbbət böyük qüvvədir. Bizə Yehovaya olan səmimi məhəbbətimizi xidmətdə təzahür etdirmək qabiliyyəti bəxş olunub (1 Kor. 13:13). Yehovanın adının birdəfəlik təqdis olunacağı vaxta sürətlə yaxınlaşdığımızdan qoy ‘məhəbbətimiz getdikcə daha çox artsın’ (Filip. 1:9; Mat. 22:36-38).