Bir-birinizi səylə yaxşı işlərə təşviq edin

İbranilərə 10:24 ayəsi bizi «bir-birimizi məhəbbətə və yaxşı işlərə» təşviq etməyə səsləyir. Biz buna həmimanlılarımıza nümunə qoymaqla və imanımızı sözlə ifadə etməklə nail ola bilərik. Üzləşdiyin maraqlı hadisələri yığıncağın üzvlərinə danış. Qoy onlar sənin Yehovaya sevinclə xidmət etdiyini görsünlər. Eyni zamanda, onları özünlə və ya başqaları ilə müqayisə etmə (Qal. 6:4). Çalış, sözlərin və hərəkətlərinlə onları «məhəbbətə və yaxşı işlərə» təşviq edəsən, onları özlərini günahkar hiss edib yaxşı işlər görməyə vadar etməyəsən. («Xidmət Məktəbi» kitabının 158-ci səhifəsinin 4-cü abzasına bax.) Əgər biz həmimanlılarımızı məhəbbətə təşviq etsək, bunun bəhrəsi başqasına əl tutmaq, təbliğ etmək kimi yaxşı işlər olacaq (2 Kor. 1:24).