Allahın gözəgörünməz keyfiyyətlərini dərk edirsiniz?

Al-əlvan çiçəkləri, ulduzlu səmanı, şır-şır axan şəlaləni seyr edəndə onlara Yaradanın əl işi kimi baxırsınız? Ətrafımızdakı yaradılış möcüzələrində Yehovanın gözəgörünməz keyfiyyətləri aydın görünür (Rm 1:20). Biz gördüklərimiz barədə düşünəndə Allahın qüdrətini, məhəbbətini, hikmətini, ədalətini, eləcə də səxavətini dərk edirik (Zb 104:24).

Yehovanın yaratdıqlarından hər gün nələri görürsünüz? Hətta şəhərdə yaşasanız belə, quşları və ağacları görə bilərsiniz. Yehovanın yaratdıqlarını diqqətlə seyr etsək, narahatçılıqlarımız azalar, diqqətimizi problemlərimizə cəmləmərik və Yehovanın əbədiyyət boyunca qeydimizə qalmağa qadir olduğuna imanımız möhkəmlənər (Mt 6:25—32). Əgər övladınız varsa, ona Yehovanın misilsiz keyfiyyətlərini dərk etməyə kömək edin. Ətrafımızdakı yaradılış möcüzələrinə görə minnətdarlığımız artdıqca, Yaradana daha da yaxınlaşacağıq (Zb 8:3, 4).

«YARADILIŞ MÖCÜZƏLƏRİ ALLAHIN ƏZƏMƏTİNİ BƏYAN EDİR. İŞIQ VƏ RƏNG» ADLI VİDEOYA BAXANDAN SONRA NÖVBƏTİ SUALLARA CAVAB VERİN:

• Piqmentlər bizə rəngləri görməyə necə kömək edir?

• İrizasiyanın yaranmasına nə səbəb olur?

• Nəyə görə səma müxtəlif rənglərdə olur?

• Yaşadığınız yerdə Yehovanın yaratdıqlarında hansı gözəl rəngləri müşahidə edirsiniz?

• Nəyə görə təbiəti diqqətlə seyr etməliyik?