Noyabrda Allahın Padşahlığını bəyan etmək üçün xüsusi kampaniya

İsa Məsih «Allahın Padşahlığı haqqında müjdəni» bəyan edirdi (Lk 4:43). O həmçinin insanlara həmin Padşahlıq üçün dua etməyi öyrətmişdi (Mt 6:9, 10). Noyabr ayı ərzində çalışacağıq ki, Allahın Padşahlığı haqda daha çox təbliğ edək (Mt 24:14). İşlərinizi indidən elə planlaşdırın ki, bu kampaniyada faəl iştirak edə biləsiniz. Bütün köməkçi öncüllər bu ay 30, yaxud 50 saatlıq norma ilə xidmət edə bilər.

Çalışın mümkün qədər çox insana Allahın Padşahlığı haqda ayə oxuyasınız. Ayə seçərkən həmsöhbətinizin etiqadını nəzərə alın. Kimsə ilk söhbətdən maraq göstərərsə, ona «Gözətçi qülləsi» №2, 2020 jurnalını verin. Sonra isə mümkün qədər tez ona yenidən baş çəkin və dərs vəsaitlərindən biri ilə Müqəddəs Kitab dərsinə başlamağa çalışın. Allahın Padşahlığının bütün hökumətləri məhv edəcəyi günə çox az qalıb (Dn 2:44; 1Kr 15:24, 25). Odur ki, gəlin bu xüsusi fürsətdən tam istifadə edərək Yehovanı və Onun Padşahlığını dəstəklədiyimizi göstərək!