Vəftizə gedən yolda nə qədər yol qət etmisiniz?
MƏSİHİ HƏYATI
Yehovaya xidmət etməyi seçin
Gənc təbliğçilər və Müqəddəs Kitabı öyrənənlər, vəftiz olunmağı qarşınıza məqsəd qoymusunuz? Nəyə görə vəftiz olunmaq lazımdır? Özünü Yehovaya həsr etmək və vəftiz olunmaq Yehova ilə xüsusi münasibətlərin başlanğıcıdır (Zb 91:1). Bu həmçinin insanı xilasa aparır (1Bt 3:21). Bu addımları atmağa sizə nələr kömək edə bilər?
Öyrəndiklərinizin həqiqət olduğuna əmin olun. Suallarınız yarananda axtarış aparın (Rm 12:2). Hansı dəyişikliklər etməyin lazım olduğunu müəyyən edin və bunları edin. Amma əmin olun ki, bunu Yehovanı razı salmaq istədiyiniz üçün edirsiniz (Ms 27:11; Ef 4:23, 24). Kömək üçün həmişə Ona dua edin. Arxayın olun ki, Yehova qüdrətli müqəddəs ruhu vasitəsilə sizi güclü edəcək sizə dayaq olacaq (1Bt 5:10, 11). Bunun üçün zəhmət çəkməyə dəyər. Yehovaya xidmət ən gözəl həyat yoludur (Zb 16:11).
«VƏFTİZƏ GEDƏN YOL» ADLI VİDEOYA BAXANDAN SONRA SUALLARA CAVAB VERİN:
Bəziləri vəftiz olunmaq üçün hansı maneələri aşmışlar?
Özünüzü Yehovaya həsr etmək üçün lazım olan imana necə sahib ola bilərsiniz?
Bəzilərini vəftizə doğru irəliləməyə nə təşviq etmişdi?
Yehovaya xidmət etməyi seçənlər hansı nemətləri alır?
Həsr olunmanın və vəftizin mənası nədir?