MÜTALİƏ ÜÇÜN TÖVSİYƏ

Yehova barədə incilər tapın

Müqəddəs Kitabı mütaliə edəndə oxuduqlarımızı başa düşmək üçün müxtəlif vəsaitlərin köməyi ilə axtarış aparırıq. Bu zaman məqsədimiz sadəcə biliyimizi artırmaq olmamalıdır. Biz Yehovanın xüsusiyyətləri barədə incilər tapıb Ona sevgimizi artırmalıyıq. Bunun üçün növbəti sual üzərində düşünə bilərik: «Oxuduğum parçadan Yehova Allah haqda nə öyrənirəm?»

Yehovanın ən gözəçarpan xüsusiyyətlərini — məhəbbəti, hikməti, ədaləti və qüdrəti necə təzahür etdirdiyini görməyə çalışın. Yehovanın başqa gözəl xüsusiyyətləri də var. Onun xüsusiyyətləri barədə daha çox məlumatı haradan tapa bilərsiniz?

«Yehovanın Şahidlərinin nəşrləri üzrə axtarış» vəsaitində «Yehova Allah» başlığı altında «Yehovanın xüsusiyyətləri» adlı yarımbaşlığa baxın. Sonra isə oxuduğunuz parçada vurğulanan xüsusiyyət barədə araşdırma aparın. (Həmçinin «Gözətçi qülləsi nəşrlərinin indeksi»ndə (rus.) Yehovanın 50-dən çox xüsusiyyəti sadalanıb. Bunun üçün «Yehova» başlığı altında «Hər xüsusiyyət barədə» adlı yarımbaşlığa baxın.)