Yer kürəsi fəlakətlə üz-üzə. Müqəddəs Kitabda bu barədə nə deyilir?

«Biz iqlim fəlakətinə doğru sürətlə irəliləyirik. Böyük şəhərlərin su altında qalması, anomal istilər, dəhşətli qasırğalar, kəskin su qıtlığı, milyonlarla bitki və heyvan növlərinin məhv olması... Bütün bunlar şişirdilmiş məlumat deyil, reallıqdır. Elm göstərir ki, cari enerji siyasətimizin nəticəsi belə olacaq» (BMT-nin Baş katibi Antonio Quterreşin İqlim Dəyişikliyi üzrə Hökumətlərarası Panelin 4 aprel 2022-ci il tarixli hesabatı ilə bağlı çıxışından).

«Alimlər həyəcan təbili çalaraq deyirlər ki, iqlim dəyişikliyinə, xüsusilə də temperaturun qalxdığına görə yaxın illərdə ABŞ-dakı 423 milli parkın demək olar hamısına zərər dəyəcək. Baş verə biləcək fəlakətlər, məsələn, yanğın, daşqın, buzlaqların əriməsi, dəniz səviyyəsinin qalxması və anomal istilər bir növ bizə Müqəddəs Kitabda yazılanları xatırladır» («Yelloustonda daşqın: qarşıdan gələn böhranın əlaməti», «Nyu-York Tayms», 15 iyun 2022-ci il).

Sizcə, ekoloji problemlər həll olunacaq? Bunu kim həll edə bilər? Gəlin görək bu barədə Müqəddəs Kitabda nə deyilir.

Ekoloji problemlər barədə peyğəmbərlik

Müqəddəs Kitabda deyilir ki, Allah «yeri tələf edənləri tələf [edəcək]» (Vəhy 11:18). Bu ayədən üç məqamı qeyd etmək olar:

1. 1. İnsanlar Yer kürəsinə ciddi zərər vuracaq.

2. 2. Yerin tələf olunmasının qarşısı alınacaq.

3. 3. Ekoloji problemləri insanlar yox, Allah həll edəcək.

Planetimizi təhlükəsiz gələcək gözləyir

Müqəddəs Kitabda yazılıb ki, «yer əbədi durur» (Vaiz 1:4). Yer üzündə həmişə yaşayış olacaq.

•  «Salehlər yerə sahib olacaq, Orada əbədi yaşayacaqlar» (Zəbur 37:29).

Yer kürəsində sağlam mühit, sağlam həyat olacaq.

•   «Səhra və quraq torpaq sevinəcək, düzlər şadlanacaq, zəfərantək çiçəklənəcək» (Əşiya 35:1).