2023-cü ilin yayı. Rekord həddə çatan istilik. Müqəddəs Kitabda bu barədə nə deyilir?

Dünyanın hər yerində insanlar rekord həddə çatan istilikdən və bunun səbəb olduğu ekstremal hava hadisələrindən əziyyət çəkir. Növbəti hesabatlara baxın:

«174 ildə ən isti iyun ayı bu il olub» (ABŞ-ın Milli Ticarət Departamenti, Okean və Atmosfer Tədqiqatları Milli İdarəsi, 13 iyul 2023-cü il).
«İtaliya, İspaniya, Fransa, Almaniya və Polşada anomal istilər müşahidə olunur. Siciliya və Sardiniya adalarında isə havanın temperaturu 48 dərəcəyə çata bilər və belə olsa, bu, Avropada rekord göstərici olacaq» (Avropa Kosmik Agentliyi, 13 iyul 2023-cü il).
«Müşahidələrimiz onu göstərir ki, planetimiz istiləşdikcə, daha intensiv və şiddətli yağıntılar olacaq və bu daha güclü daşqınlara gətirib çıxaracaq» (Ümumdünya Meteorologiya Təşkilatının hidrologiya, su və kriosfer üzrə direktoru Stefan Ulenbruk, 17 iyul 2023-cü il).

Ekstremal hava şəraiti barədə məlumatların sizə hansı aidiyyəti var? Gəlin görək Müqəddəs Kitab bu aktual mövzu barədə nə deyir.

Ekstremal hava şəraiti ilə Müqəddəs Kitab peyğəmbərliyi yerinə yetir?

Bəli. Qlobal istilik və digər ekstremal hava şəraiti Müqəddəs Kitabda dövrümüzlə bağlı deyilənlərlə üst-üstə düşür. Məsələn, İsa Məsih demişdi ki, «insanlar dəhşətli mənzərələrin... şahidi olacaq» (Luka 21:11). Qlobal istiləşməni görən çoxları qorxur ki, insanlar planeti məhv edəcək.

Planetimiz həyat üçün yararsız olacaq?

Xeyr. Allah Yer planetini əbədi yaşayış üçün yaradıb. O yol verməyəcək ki, insanlar planeti məhv etsin (Zəbur 115:16; Vaiz 1:4). Əksinə, Allah vəd edib ki, «yeri tələf edənləri tələf» edəcək (Vəhy 11:18).

Müqəddəs Kitab göstərir ki, Allah yer üzünü ekoloji fəlakətdən qoruya bilər və qoruyacaq.

«[Allah] qasırğanı ram edir, dənizin dalğaları yatır» (Zəbur 107:29). Allah təbiət qüvvələrini idarə etmək gücünə malikdir. O, bəşəriyyətin əziyyət çəkdiyi ekstremal hava şəraitinə səbəb olan ekoloji problemləri həll etməyə qadirdir.
«Sən Yerə qayğı göstərirsən, onu naz-nemətlə doldurursan» (Zəbur 65:9). Allah yer üzünü Cənnətə çevirəcək.

Ətraf mühitin bərpası ilə bağlı Müqəddəs Kitab vədi haqqında daha çox öyrənmək üçün «Planetimizi kim xilas edəcək?» adlı məqaləni oxuyun.