Nə barədə dua etmək olar?

Müqəddəs Yazıların cavabı

Müqəddəs Yazılarda deyildiyi kimi, Allahın gözündə münasib olan hər şeyə görə dua edə bilərik. «O, iradəsinə müvafiq olan hər bir diləyimizi eşidir» (İncil, 1 Yəhya 5:14). Məsələn, siz şəxsən sizi narahat edən məsələlərə görə Allaha duada müraciət edə bilərsiniz. Yaradan bizi hüzurunda qəlbimizi boşaltmağa dəvət edir (Zəbur, Məzmur 62:8).

Daha nə barədə dua etmək olar?

• Allaha iman (İncil, Luka 17:5).

• Yaxşılıq etmək üçün güclü iradə (İncil, Luka 11:13).

• Əzab-əziyyətlərə sinə gərmək və günahdan uzaq durmaq üçün əzm (İncil, Filipililərə 4:13).

• Qəlb rahatlığı (İncil, Filipililərə 4:6, 7).

• Yaxşı qərarlar qəbul etmək üçün hikmət (İncil, Yaqub 1:5).

• Həyatda kömək (İncil, Matta 6:11).

• Günahların bağışlanması (İncil, Matta 6:12).