Axıra kimi dözək

1. Ümid, dözüm verir bizə

Rəbbin əzəl vədi.

Sevib öyrəndiyin Kəlam

Gerçəkdir, həqiqətdir.

Rəbbin günün unutma heç,

Müzəffər qal bu yolda.

Əl çəkmə kamilliyindən,

Haqdan dönmə nəbadə.

2. Qoy heç zaman soyumasın

Qəlbdə ilk məhəbbət.

Təqib olsa da, sən qatlaş,

Bitər tezliklə zülmət.

Sən əsla etmə şəkk-şübhə,

Nə olsa da sınağın,

Yehova himayə edər.

Allahdır tək dayağın.

3. Bil axıra kimi dözən

Xilas dadacaqdır.

Həyat kitabında onun

Adı həkk olacaqdır.

Bax odur ki, dözüm göstər,

Hər işdə ol qüsursuz.

Rəbb göstərər sənə rəğbət,

Olar sevincin sonsuz.