Yehova bizim sığınacağımızdır

1. Yehova Allah bizə

Dayaq və sipərdir.

Kölgəsin üstümüzə

Qanad kimi gərir.

Hər işində düzgün davran,

Uca Allaha arxalan.

Yehova qayamızdır,

Salehlərini qoruyar.

2. Min-min adam yıxılsa

Gözünün önündə,

Dəyməz heç sənə zərər

Qanadı altında.

Yaxında təhlükə olsa,

Səbəb yoxdur təlaşına.

Durub sən baxacaqsan

Pisin çəkdiyi cəzaya.

3. Allah səni qoruyar

Tordan və bəladan.

Nə qorxu, nə həyəcan

Qəlbini sarsıtmaz.

Aslandan qorxmayacaqsan,

İlanı sən basacaqsan.

Allah sığınacaqdır,

Qoruyar səni yolunda.