«Görünənə şeylərə yox, imana əsasən yaşayın»
Yerusəlimin mühasirəyə alınmasından və dağıdılmasından bir az əvvəl həvari Bulus yazmışdı ki, Məsihin cəsur əsgəri olan məsihilər çətinliklərlə üzləşəcəklər. O, həmçinin xəbərdarlıq etmişdi ki, onlar ilk növbədə rahatçılıqları və istəkləri barədə düşünməməlidirlər (2 Tim. 2:3, 4). Hazırda bu allahsız dünyanın başının üstünü fəlakət kəsdirib. Ona görə də, biz diqqətimizi ruhani şeylərə cəmləməliyik, bunun üçünsə möhkəm imana sahib olmalıyıq (2 Kor. 4:18; 5:7). «Görünən şeylərə yox, imana əsasən yaşayın» filminə baxın. (jw.org saytına daxil olub NƏŞRLƏR > VİDEO bölməsinə baxın.) Filmə baxarkən fikir verin ki, mal-mülk sevgisi Nahamla Abitalı necə fəlakətə sürükləyir. Sonra isə növbəti sualları cavablandırmağa çalışın.
1) Birinci əsrdə müqəddəs yerdə duran iyrənc şey nə idi və Yerusəlimdə yaşayan məsihilər nə etməli idilər? (Mət. 24:15, 16). 2) Nəyə görə şəhərdən qaçmaq üçün iman lazım idi? 3) Şəhərdən qaçanlar nələrindən keçməli olurdular? 4) Nahamla Abital nəyə görə yubandılar? (Mət. 24:17, 18). 5) Yerusəlimdən çıxarkən Rəhilə başqa hansı iman sınağı ilə üzləşdi? (Mət. 10:34—37; Mark 10:29, 30). 6) İtan Yehovaya iman edib güvənməkdə necə nümunə qoydu? 7) Pellada məsihilər hansı çətinliklərə qarşılaşırdılar? 8) Nahamla Abitalın imanı get-gedə necə zəiflədi? 9) Yehova Pellada yaşayan məsihilərin qayğısına necə qalırdı? (Mət. 6:33; 1 Tim. 6:6—8). 10) Dövrün sonu gələndə biz İbrahim və Saradan necə nümunə götürə bilərik? (İbr. 11:8—10). 11) Nahamla Abital Yerusəlimə qayıtmağın lazım olduğuna özlərini necə inandırdılar və nəyə görə onların düşüncələri yanlış idi? (Luka 21:21). 12) Natanla Abital Yerusəlimə dönəndə nə gördülər? 13) Nəyə görə biz imanımızı indidən — bu dövrün sonu gəlməzdən əvvəl möhkəmləndirməliyik? (Luka 17:31, 32; 21:34—36).
İmanla yerimək 1) Yehovanın göstərişinə etibar etmək, 2) Onun göstərişlərinə uyğun hərəkət etmək və 3) ruhani şeyləri maddi şeylərdən üstün tutmaq deməkdir. Gəlin imanla yeriməyə əzmli olaq və əmin olaq ki, «dünya öz istəkləri ilə bərabər keçib gedir, Allahın istəyini yerinə yetirən isə əbədi yaşayır» (1 Yəh. 2:17).