Nəğmə 10
«Mən buradayam, məni göndər»
1. İnsanlar görüb pis işlər
Haqq Allahı şərləyirlər.
Çoxu Xudavəndi danır,
Ya da Onu zalım sanır.
Allahı kim tanıdacaq?
Kim adını ucaldacaq?
«Budur mən, göndər, mən gedim.
Qoy isminə izzət verim.
(NƏQARƏT)
Bu olar mənim şərəfim, ya
Rəbb, göndər, qoy mən gedim».
2. Tanrı gecikir deyirlər,
Allah qorxusu bilmirlər.
Səcdə edirlər bütlərə,
Allah deyirlər padşaha.
Hökmü kim elan edəcək,
İnsanlara bildirəcək?
«Budur mən, göndər, mən gedim.
Hamını xəbərdar edim.
(NƏQARƏT)
Bu olar mənim şərəfim, ya
Rəbb, göndər, qoy mən gedim».
3. Saleh əzab içindədir,
O, pislərdən bəla çəkir.
Ürəyi təmiz olanlar
Ədaləti axtarırlar.
Kim verər həqiqi bilik?
Həlim insana təskinlik?
«Budur mən, göndər, mən gedim.
Həlimlərə bilik verim.
(NƏQARƏT)
Bu olar mənim şərəfim, ya
Rəbb, göndər, qoy mən gedim».
(Həmçinin baxın: Məz. 10:4; Yez. 9:4.)