Allahın gözündə qanın dəyəri

Qan vacib funksiyaları yerinə yetirir. Qan olmadan yaşaya bilmərik. Bizi Allah yaratdığı üçün yalnız O deyə bilər ki, qandan necə istifadə etməliyik. Bəs O, qan barədə nə deyib? Qanı yemək və ya köçürmək olar? Bu məsələdə düzgün qərarı necə verə bilərsiniz?

1. Yehova qana necə baxır?

Qədimdə Yehova xidmətçilərinə demişdi: «Hər bir canlının canı onun qanıdır» (Lavililər 17:14). Yehovanın gözündə qan canı və ya həyatı təmsil edir. Həyat Allahdan olan müqəddəs bəxşişdir, deməli, qan da müqəddəsdir.

2. Allah qanla bağlı nəyi qadağan edir?

Yehova məsihilikdən əvvəl yaşamış saleh bəndələrinə qan yeməməyi buyurmuşdu. (Yaradılış 9:4 və Lavililər 17:10 ayələrini oxuyun.) Məsihi yığıncağı təsis olunandan sonra Allah bu əmri təkrarladı. Rəhbərlik şurası məsihilərə göstəriş verdi: «Qandan... uzaq durun». (Həvarilərin işləri 15:28, 29 ayələrini oxuyun.)

Qandan uzaq durmaq nə deməkdir? Əgər həkim sizə spirtli içkidən uzaq durmağı tapşırırsa, siz spirtli içki içməyəcəksiniz. Bəs tərkibində spirt olan qidalar yeyəcəksiniz? Yaxud bədəninizə venadan spirt ötürəcəksiniz? Sözsüz ki, yox. Eynilə də, əgər Allah qandan uzaq durmağı buyurursa, deməli, nə qan içmək olar, nə də qanı axıdılmamış heyvanın ətini yemək olar. Biz həmçinin tərkibinə qan qatılmış qidalar da yeməməliyik.

Bəs tibbi məqsədlə qandan istifadə etmək olar? Bəzi müalicə üsulları birmənalı şəkildə Allahın qanununa ziddir. Bura bütöv qanın, yaxud onun əsas komponentlərindən birinin, yəni qırmızı qan hüceyrələrinin, ağ qan hüceyrələrinin, trombositlərin və ya plazmanın köçürülməsi daxildir. Elə müalicə üsulları da var ki, onların Allahın qanununa zidd olub-olmadığını müəyyən etmək çətin olur. Məsələn, bəzi müalicə üsullarında qanın dörd əsas komponentindən birinin tərkib hissələrindən (fraksiyalardan) istifadə olunur. Bəzən isə müalicə zamanı insanın öz qanından istifadə olunur. Müalicə üsulu seçərkən hər kəs özü qərar verməlidira (Qalatiyalılara 6:5).

D Ə R İ N L İ Y Ə  V A R I N

3. Allahı razı salan qərar verin

Necə edə bilərsiniz ki, müalicə ilə bağlı qərarınız Allaha xoş getsin? VİDEOYA baxın və aşağıdakı addımların vacibliyini müzakirə edin:

VİDEO: «Müalicə zamanı qanla bağlı necə qərar verməli?» (5:47)

• Duada Allahdan hikmət diləyin (Yaqub 1:5).

• Müqəddəs Kitab prinsiplərini və onların vəziyyətinizə necə aid olduğunu araşdırın (Məsəllər 13:16).

• Yaşadığınız ərazidə mövcud olan üsullarla tanış olun.

• Hansı üsulların sizin üçün yolverilməz olduğunu müəyyən edin.

• Əmin olun ki, verdiyiniz qərara görə vicdan əzabı çəkməyəcəksinizb (Həvarilərin işləri 24:16).

• Heç kəs, hətta həyat yoldaşınız, ağsaqqal, yaxud sizə dərs keçən adam da vicdan məsələsində sizin yerinizə qərar verməməlidir (Romalılara 14:12).

• Qərarınızı yazılı şəkildə təsdiqləyin.

4. Yehovanın Şahidləri keyfiyyətli müalicə üsulları seçir

Yehovanın qanla bağlı qanununa əməl etmək, eyni zamanda keyfiyyətli, qandan istifadə edilməyən üsulla müalicə olunmaq mümkündür. VİDEOYA baxın.

VİDEO: «Professor Dr. Massimo Franki ilə müsahibə» (1:36)

Titusa 3:2 ayəsini oxuyun və növbəti sualı müzakirə edin:

• Nəyə görə həkimlərlə mülayimliklə və nəzakətlə danışmalıyıq?

Yolverilməzdir	Məsihi özü qərar verir
A. Plazma.	Plazmanın tərkib hissələri
B. Ağ qan hüceyrələri.	Ağ qan hüceyrələrinin tərkib hissələri
C. Trombositlər.	Trombositlərin tərkib hissələri
Ç. Qırmızı qan hüceyrələri.	Qırmızı qan hüceyrələrinin tərkib hissələri

5. Qanın əsas komponentlərinin tərkib hissələri

Qan dörd əsas komponentdən —qırmızı qan hüceyrələri, ağ qan hüceyrələri, trombosit və plazmadan ibarətdir. Bu komponentlərin özləri də kiçik hissələrdən ibarətdirc. Tibdə komponentlərin bəzi tərkib hissələrindən xəstəlikləri müalicə etmək və qanaxmanı dayandırmaq üçün istifadə edilir.

Qanın əsas komponentlərinin tərkib hissələrinə gəldikdə, hər məsihi özü Müqəddəs Kitaba əsasən tərbiyə olunmuş vicdanına uyğun qərar verməlidir. Bəzi məsihilər özünə komponentlərin tərkib hissələrini daxil edən müalicə üsullarını rədd edir. Digərlərinin vicdanı isə belə müalicəni qəbul edir.

Qərar verərkən növbəti sualların üzərində düşünün:

• Mən nəyə görə komponentlərin müəyyən tərkib hissələrini qəbul edirəm və ya etmirəm? Bunu həkimə necə izah edərəm?

İCMAL

Yehova istəyir ki, qanı müqəddəs hesab edək.

Təkrar

• Nəyə görə qan Yehovanın gözündə müqəddəsdir?

• Haradan bilirik ki, Allahın «qandan uzaq durun» əmri qanköçürməyə də aiddir?

• Qandan istifadə olunan müalicə üsulu ilə bağlı düzgün qərarı necə verə bilərsiniz?

Ə L A V Ə  M Ə L U M A T

Öz qanınızdan istifadə olunan tibbi prosedurla bağlı qərar verərkən nələri nəzərə almalısınız?

«Oxucuların sualları» («Gözətçi qülləsi», 1 fevral 2001)

Komponentlərin hansısa tərkib hissəsini qəbul edib-etməməklə bağlı qərar verərkən nələri nəzərə almalısınız?

«Oxucuların sualları» («Gözətçi qülləsi», 15 iyun 2004)

Bir həkim Yehovanın qana baxışını nəyə görə qəbul etdi?

«Allahın qana baxışını qəbul etdim» («Oyanın!», 8 dekabr 2003)

Görün Xəstəxanalarla əlaqə komitəsində xidmət edən ağsaqqallar bacı-qardaşlara necə kömək edir.

«Yehova xəstələrə dayaq olur» (10:23)