Yadınızdadırmı?
«Gözətçi Qülləsi»nin son sayları xoşunuza gəldimi?
Elə isə aşağıdakı suallara cavab verməyə çalışın:
• Məsih nəyə görə ölməli idi?
İsanın ölümü sübut etdi ki, kamil insan ən şiddətli sınaq qarşısında belə Allaha sadiq qala bilər. Həmçinin o, canını qurban verməklə Adəmin öz övladlarına miras verdiyi günahın əvəzini ödədi, bununla da əbədi həyata yol açdı (15.12., səhifələr 22, 23).
• İnsana spirtli içkilərdən sui-istifadə etməməyə nə kömək edə bilər?
Bu məsələdə dua etməyin və Müqəddəs Kitabı öyrənməyin köməyi dəyə bilər. İnsanın özünə hakim olmağı öyrənməsi, qərarına sadiq qalması və müsbət təsir göstərən insanlarla oturub-durması vacibdir. İçki içməyə qərar verən insan özü üçün konkret hədd qoymalı və «yox» deməyi öyrənməlidir (yan.—mart, səhifələr 7—9).
• Uşaqlarla yaxşı ünsiyyət özünə nəyi daxil edir?
Bu, özünə sadəcə söhbət etməyi yox, suallar verməyi və səbirlə onların cavablarına qulaq asmağı daxil edir. Bir çoxları fikir vermişlər ki, süfrə arxasında toplaşmaq ünsiyyət üçün əla fürsətdir (15.1., səhifələr 18, 19).
• Hansı hallarda təkrar vəftiz olunma məsələsi nəzərdən keçirilə bilər?
Ola bilsin, insan vəftiz olunduğu vaxt gizlicə elə həyat tərzi sürüb, yaxud elə işlə məşğul olub ki, əgər həmin vaxt vəftiz olunmuş olsaydı, buna görə yığıncaqdan kənar edilə bilərdi. Belə olan halda təkrar vəftiz olunmaq barədə düşünmək olar (15.2., səhifə 22).
• İsanın buğda və dəlicə məsəlində yaxşı toxumun səpilməsi nəyi təmsil edir?
İnsan Oğlu İsa yerüzü xidməti zamanı tarlanı hazırlamışdı. Yaxşı toxum eramızın 33-cü ilinin Pentikost günündən, məsihçilər Allahın oğulları, yəni Padşahlığın oğulları kimi məsh olunduqları andan etibarən səpilməyə başlandı (15.3., səhifə 20).
• İsanın məsəlindəki simvolik buğda Yehovanın anbarına necə gətirilir? (Mat. 13:30).
Bu, axır günlərdə, yəni müəyyən müddət ərzində yerinə yetir. Padşahlığın məsh olunmuş oğulları — simvolik buğda — bərpa olunmuş məsihçi yığıncağına gətiriləndə, yaxud səmavi mükafatlarını alanda Yehovanın anbarına toplanılırlar (15.3., səhifə 22).