A n wãa doo nɔɔru sɔɔ temɔ ka baadomma!
Ba tire tè kuawa bù ka nun somi a ka tubu wì u tem kua, ka gãanu kpuro nì nu wãa mɛ sɔɔ. Kaa mɛɛri Gusunɔ wì u tem kua u yĩsiru mɔ, yen biru yèn sɔ̃ u tɔnu kua, ka mɛ amɔna kaa kpĩ a n ka wãa doo nɔɔru sɔɔ temɔ ka baadomma.
Sa yĩiyɔ mɛ foto dabi nì nu wãa mì, nu koo nun somi a ka gari yen deedeeru tubu. Ǹ ka nun fuuku yeeri, sere a Bibelin yori nì nu wãa foto dabirun bɔkuɔ gari. Mɛsum, kaa Gusunɔn nɔɔ mwɛɛ geenu ganu mɛɛri nì nu wãa Bibeli sɔɔ kpa a gia yè Gusunɔ u kĩ a ko a ka nɔɔ mwɛɛ nin yare di.
Kaa n tɛ̃ kĩ a ka tire tè gabu somi. A n bibu mɔ, kaa kpĩ a ka te be somi bù ka Gusunɔ gia. Tem mì a wãa tɔn dabiru ba kun tireru garibu yɛ̃, kaa kpĩ a ka fotoba sɔmburu ko a ka be tubusia yè ya Gusunɔn kĩru, ben tii bu mà kpĩ bu ben tɔnusi somi.
Sa yĩiyɔ ka gem tire tèn garin mɛɛribu bu koo nun sɔ̃ɔsi mɛ̀ kaa kà dɔma dabiru wa, kpa a gabu somi bu kà gia saria yè ya koo de ba n wãa temɔ ka baadomma.