Mba n Gusunɔn kĩru?

Gusunɔ kĩ sa n wãa bɔri yɛndu ka nuku dobu sɔɔ, alusanna sɔɔ temɔ sere ka baadommaɔ!

Adama, kaa kpĩ a tii bikia a nɛɛ: “amɔsunwa yen bwesera koo ka koora?” Bibeli ya gerua ma Gusunɔn Banda ta koo de tu koora ka gem? Gusunɔ maa kĩwa tɔmbu kpuro ba n yɛ̃ru mɔ ban te, ka ye ta koo sun kua sɔɔ.—Womu 37:11, 29; Esai 9:6.

Gusunɔ u bɛsɛn arufaani kasu.

Nge mɛ tundo geo u ra n win bibu gãa geenu bwisikuammɛ, mɛya bɛsɛn Tundo Wɔrukoo u kĩ su nuku doo bi bu kun nɔru mɔ wa. (Esai 48:17, 18) U nɔɔ mwɛɛru kua u nɛɛ: “wi u Gusunɔn kĩru mɔ̀, u ko n wãawa sere ka baadommaɔ.”—1 Yohanu 2:17.

Gusunɔ u kĩ su win swɛɛ swĩi.

Bibeli ya gerua ma bɛsɛn Taka Kowo u kĩ “u sun win swɛɛ sɔ̃ɔsi” su ka kpĩ “su sĩ yi sɔɔ.” (Esai 2:2, 3) Gusunɔ u kua u ka tii tɔmbu gabu gɔsia be ba koo soku ka win yĩsiru kpa win gɔ̃ru kĩru tu kparara tem gira kpuro sɔɔ.—Gɔrobun kookoosu 15:14.

Gusunɔ kĩ su nɔɔ tia ko win sãaru sɔɔ.

Yehofa kun kĩ tɔn ba n karanɛ, u kĩwa win sãa geeru tu de ba n kĩanɛ kpa ba n nɔɔ tia sãa. (Yohanu 13:35) Gisɔn tɔ̃ru, berà ba tɔn durɔbu ka tɔn kurɔbu baama kpuro, sɔ̃ɔsimɔ mɛ ba koo ka Gusunɔ sã nɔɔ tia sɔɔ? Sa nun kanamɔ a ye wa saa tire tenin di.