Mba sa ra ko bɛsɛn mɛnnɔsu sɔɔ?

Yellu Kirisigibun mɛnnɔsu sɔɔ, ba ra womusu ka kanaru ko, kpa bu Yori Dɛɛrin sɔ̃ɔsinu wesiana, wororu gara sari sɔɔ. (1 Korinti 14:26) Yen bwesera kaa kpĩ a wa bɛsɛn mɛnnɔsu sɔɔ.

Mɛnnɔ sin sɔ̃ɔsi nu weewa saa Bibelin di nu maa sɔmburu mɔ̀. Arusuma baayeren kpeerɔ, yigbɛ baatere ta ra mɛnnɛ kpa tu Bibelin samaan gari nɔ; saaman gari yi, yi ra kɔban bɔnu mwɛ. Bibelin samaan gari yi sɔɔ, ba ra sun tubusie mɛ Bibeli ya wãarun gari mɔ̀ ka mɛ ya ka bɛsɛn waatin gari kua. Ba ra tɔn be ba na kpuro kanɛ bu ben tiin Bibeli sua kpa bu yorin garibu swĩi. Yen biru, kɔbu tian baa sɔɔ, sa ra tire te ba mɔ̀ La Tour de Garde te ba kua keun sɔ̃ loo ko. Sanam mɛ sɔɔ, kĩnasi ba koo kpĩ bu bikiabun wisibu wɛ̃. Sɔ̃ɔsi ni, nu ra sun somi su ka Bibelin swaa swĩi bɛsɛn wãaru sɔɔ. Sa yigbɛnu mɔ handunia gira sɔɔ nge 110 000 ka sɔndiru, yigbɛ baatere sɔɔ gãa teeniya sa ra loo ko keu ye sɔɔ.

Mɛnnɔ si, su ra sun somi su ka keu sɔ̃ɔsibu sãayasia. Sa ra maa mɛnnɛ arusuma sɔɔ, yoka, kpa su sɔ̃ɔsinun kpunaa ye ba bɔnu kua ita swĩi; mɛnnɔ gera ba mɔ̀ Vie chrétienne et ministère ka faransem, ba ra mɛnnɔ gen sɔm yãnu yare suru ka suru, tire te ba mɔ̀ Cahier pour la réunion Vie chrétienne et ministère ka faransem sɔɔ. Mɛnnɔ gen bɔnu gbiika Joyaux de la Parole de Dieu ya ra sun somi su ka Bibelin tirerun bɔnu gaa dɔɔnɛ ko. Bɔnu ye, sa ra yen sɔɔru kowa yɛnun di. Yiruse, bɔnu gaa maa wãa ba mɔ̀ Applique toi au ministère, ya “a koowo a sɔ̃ɔsi” mɔ, yera ya ra sun somi su ka tɔmbu Bibelin gari ko. Bwisi kɛ̃o goo koo kpĩ u sun somi su ka kpĩ su garibu ǹ kun mɛ gari gerubu gia su sosi. (1 Timɔte 4:13) Bɔnu dãaka, Vie chrétienne, ya ra sun dere su ka Bibelin gee kpɛɛkpɛɛkugii sɔmburu ko bɛsɛn wãaru sɔɔ tɔ̃ɔ baatere. Bɔnu ye sɔɔwa, sa maa bikiabu ka wisibu mɔ, ya ra bɛsɛn yɛ̃ru sosi Bibeli sɔɔ.

À n bɛsɛn mɛnnɔsu na, sika sari, kaa biti ko sɔ̃ɔsi ni a mwaamɔ saa Bibelin din sɔ̃.—Esai 54:13.

• Mba kaa n yĩiyɔ a nɔ Yehofan Seeda Diobun mɛnnɔsu sɔɔ?

• Bɛsɛn mɛnnɔ sirà a kĩ a na?