Kaa Yehofan kĩru ko ro?

Sa nun siara ye a ka saa yi a ka tire teni wɛ̃ɛra. Ta nun sɔ̃ɔsi tɔn beran bwesera Yehofan Seeda Dio ba sãa, mba n ben sɔmburu, a maa wa mɛsum ben yigbɛru ta ka sĩi sinamɔ. Sa yĩiyɔ ma ta ko ta n nun somi a ka wa ma bɛsɛ tɔnawa sa Yehofan kĩru mɔ̀ gisɔn tɔ̃ru. Sa nun kanamɔ a ku mwia kpana, a n bɔ a n yɛ̃ru sosimɔ Gusunɔ sɔɔ, a wunɛn yɛnugibu ka wunɛn bɔrɔba sɔ̃ɔwo ye a garimɔ, a n da maa ka sun mɛnnɛ kiri kiri bɛsɛn mɛnnɔsu sɔɔ.—Heberu 10:23-25.

Kaa tubu ma, mɛn nɔru a yɛ̃ru sosimɔ Yehofa sɔɔ, mɛn nɔra kaa wa ma U nun kĩ ka gem. Yen biru, a hania kowo a maa ka Wi kĩru sɔ̃ɔsi. (1 Yohanu 4:8-10, 19) Adama, amɔsunwa kaa ka kĩi te sɔ̃ɔsisina wunɛn wãaru sɔɔ baadomma? Mban sɔ̃na wunɛn tiin arufaaniwa a Gusunɔn gee kpɛɛkpɛɛkugii yi mɛm nɔɔwa? Ka mba ya koo nun somi a ka Gusunɔn kĩru ko ka bɛsɛ sannu? Wi u ra ka nun Bibelin keu ko, kon nuku dobu mɔ u ka nun bikia bin wisibu kasu; kpa wunɛ ka wunɛn yɛnugibu i ka kpĩ i tii nɛnɛ “Gusunɔn kĩru sɔɔ, . . . te ta koo ka bɛɛ wãaru te ta ku ra kpe naawa.”—Yudu 21.

We warmly invite you to continue making progress in the way of the truth by studying this publication next . . .