Nukae wòle be nàwɔ? — Watchtowern TIRE GBABURU INTƐƐNƐTI SƆƆ

Mba kaa ko?

50 A kĩ a n wãa alusanna bura ye sɔɔ ka baadomma?

Yen sɔ̃ a de a wure a Gusunɔn gari mɛɛri a sosi. A hania ko a Bibelin garibu mɛɛri.—Yohanu 17:3; Kãsiru 1:3

51 A wure a gãa dabinu mɛɛri Yesu wɔllɔ.—Sɔ̃ɔsiru 18:18, 19; Yohanu 3:16; Kolose 3:19-23

52 A hania ko a gãa geenu tɔna ko kpa a Yehofa mɛm nɔɔwa.—Romu 6:17, 18, 22

53 A yaayo mà Yehofa nɛɛ su ku tɔmbu go.—Yaribu 20:13; 1 Yohanu 3:11, 12

54 Su ku goon gãanu sua.—Yaribu 20:15; Efesu 4:28

55 Tɔn durɔ u ǹ kon wãa ka kurɔ wì kun sãa wingia kpa u ka nùn kpuna.—Yaribu 20:14, 17; 1 Tɛsalonika 4:3

56 A yaaye kurɔbu nyewa Gusunɔ u durɔ wurá u n mɔ? Sere sanam mɛra n weenɛ durɔ u n ka win kurɔ wãa?—Torubu 2:22, 24; Mateu 19:5, 6; 1 Korinti 7:2, 10, 11

57 A maa yaayo mà n weenɛ su Yehofa tɔna sã.—Mateu 4:10; 1 Korinti 8:6

58 Sãa gãanu ka fotoba ba ǹ kpɛ̃ bu sun somi. Mban sɔ̃na?—1 Korinti 8:4

Ya wã sa n sãa gãanu mɔ ro?—Sɔ̃ɔsiru 27:15; 1 Yohanu 5:21

59 Mban sɔ̃na ya ǹ ka wã sa n tim tim bunu mɔ kpa sa n bũnu dendimɔ?—Sɔ̃ɔsiru 18:10-13; Kãsiru 21:8

60 Maleeka kɔ̃sobu n kun mɛ wɛrɛkunu, ba Gusunɔ seesi. Ba ra bikiobu dendi bà ka tɔmbu torasia.—Gɔrobun kookoosu 16:16

61 N weenɛ su Gusunɔ kanaru kua. Kanaru ta sãawa bu Gusunɔ gari sɔ̃, bu nùn sɔ̃ mà sa kĩ su nùn sã kpa su win somiru kana.—Filipi 4:6, 7

62 N weenɛ su Yesu mɛm nɔɔwa kpa su nùn naanɛ doke.—Heberu 5:9; Yohanu 3:16

63 A yaayo mà u gu bɛsɛn faaban sɔ̃.—Romu 5:8

64 A yaayo mà Yesu sãawa bɛsɛn Sunɔ wì kun waarɔ. N weenɛwa su nùn mɛm nɔɔwa.—Filipi 2:9-11; Kãsiru 19:16

65 Yesu nɛɛ gãa gee nì a mɛɛrimɔ, n weenɛ a gabu sɔ̃ɔsi, kpa bè ba kĩ bu Gusunɔ sã, bu be batɛmu kua.—Mateu 28:19, 20; Yohanu 4:7-15

66 Waato, kaa kpĩ a wunɛn bɔrɔba gãa gee nin gari sɔ̃.—Mateu 10:32

67 À n garibu gia n wɛ̃ra, kaa kpĩ a gãa dabinu mɛɛri, a ka kpĩ a gabu somi ya n wã n kere.—2 Timɔte 2:15

68 v

69 N weenɛ mɔwɔbu bù ben bibu sɔ̃ɔsi baadomma bù Gusunɔ mɛm nɔɔwa kpa bu nùn kĩa.—Sɔ̃ɔsiru 6:6, 7; Mɔnnu 6:20-22; Efesu 6:4

70 Sãa dabinu nɛnnɛnka nu wãa. Yen sɔ̃ɔsi dabinu nu ǹ wee Bibelin di. Yehofa sun sɔ̃ɔwa u nɛɛ su sãa nì nu ǹ gee sɔ̃ɔsimɔ derio.—Kãsiru 18:4; Yohanu 4:23, 24

71 Yehofa samaa mɔ temɔ bè ba koo kpĩ bu nun gãa dabinu sɔ̃ɔsi wi sɔɔ. A yɛ̃ bera ba sãa?—Gɔrobun kookoosu 15:14, NW; Romu 10:14, 15

72 Ba sãawa Yehofan Seedagibu. Bɔri yɛm bu wãa ben baa sɔɔ. A yɛ̃ mban sɔ̃na ro? Yen sɔ̃ ba kĩanɛ.—Esai 43:10-12, NW; Yohanu 13:34, 35

73 Yèn sɔ̃ ba mà Yehofa kĩ, ba be batɛmu kua. Mɛna ba ra tɔn wuru sɔɔ sɔ̃ɔsi mà ba ben wãa kɔ̃san swaa deri ma ba kĩ bù ben wãaru di ba n ka Gusunɔ sãamɔ.—Gɔrobun kookoosu 2:41

74 Yehofan Seedagiba yĩiyɔ ba kon wãa alusanna kpaa buram sɔɔ.—Womu 37:9-11, 29

Mba kaa kpĩ a ko, à n kĩ a n wãa mi sɔɔ ka be?—Yakɔbu 1:22, 25; 2:20-26

75 A ben wuuru duo kpa a mɛɛri ka be sannu, mɛ̀ ba ra Yehofa sã. Ba Yehofa ka Kirisi Yesu kĩamɔ ma ba be mɛm nɔɔwammɛ. A be kĩ ro? Kaa n kĩ bù nɛɛ a gabu somi bù ka Gusunɔ gia ro?—Yohanu 6:45-47

76 Yehofa ka Kirisi Yesu ba nun kĩ ma ba kĩ a n wãa ka baadomma alusanna sɔɔ.—Yohanu 3:16

Yè a mɛɛra saa foto ka dabaaru be ba wãa tire te sɔɔn di, sika sari ma ya nun kĩru wɛ̀ a n wãa doo nɔɔru sɔɔ temɔ ka baadomma. À n kĩ a maa gãa dabinu gia, ye sɔɔ, sa nun kanamɔ a gerusio Yehofan Seedagii turo wì u wãa wunɛn turuku. N kun mɛ, kaa kpĩ a yore, n kun mɛ a de goo u nun yorua, sɔm yee tè ta ka nun turuku sãa mì a wãa, nge mɛ yadɛrɛsi yi yi wãa tire ten wuru yiruse sɔɔ ya sɔ̃ɔsimɔ.