Ba raa Setam Swaa Daki —Yen Biru, Mban Koora?

Adamu ka Efa ba ǹ Gusunɔ mɛm nɔɔwa, yen sɔ̃ ba gu. Torubu 3:6, 23

Efa u raa waa swaa daki ma u dãa buu ge di. Yen biru, u ge Adamu wɛ̃ ma u di.

Ye ba raa kua kɔ̃sawa—ya sãawa durum. Gusunɔ raa be gira saa ben Alusannan yɛnun di.

Wãaru ta raa be ka maa ben bibu sɛ̃ɛsia. Ba raa tɔkɔ kua ma ba gu. Ba ǹ de hundeban wãa yerɔ, ben wãaru ta kpa.

Nge mɛ tua sɔɔ wãaru sari, mɛna gɔribu ba sãawa wãaru sarirugibu. Torubu 3:19

Sa ra n gbimɔ domi bɛsɛ kpuro sa weewa saa Adamu ka Efa min di. Gɔribu ba ǹ kpɛ̃ bu wa, bu nɔɔ ǹ kun mɛ bu gãanu ko.—Waasu kowo 9:5, 10.

Yehofa ku ǹ raa gɔ̃ɔru doke tɔmbu bu gbi. N tie fiiko tɔn be ba do gɔɔ sɔɔ u koo be wesiama wãaru sɔɔ. Bà n nùn swaa daki, ba ko n wãa sere ka baadomma.