Nim Yibu Bakaru—Bera ba raa Swaa Daki? Bera ba ǹ daa Swaa Daki?

Nɔwɛn tɔ̃ru sɔɔ tɔn dabi dabinu ba raa gãa kɔ̃sinu kua. Torubu 6:5

Adamu ka Efa ba bibu mara, tɔmba dabia tem sɔɔ. Saa ye sɔɔ maleeka gaba Setam swĩi win tekuru sɔɔ.

Ba raa na temɔ ma ba tɔn durɔbun wɛsi sua bu ka kpĩ bu ka kurɔbu sua. Kurɔ be, ba bii tɔn durɔbu be ba tɔmbu kere mara, ma bii be, ba raa sãa mɔru kɔ̃su ka damgibu.

Tɔn be ba gãa kɔ̃simɔ ba raa handunia yibia. Bibeli nɛɛ: “Tɔmbun daa kɔ̃sa kpɛ̃a handunia sɔɔ. Ben gɔ̃ɔrun bwisikunu nu ra n wãawa kɔ̃sa sɔɔ baadomma.”

Nɔwɛ raa Gusunɔ swaa daki ma u kpakororu bana. Torubu 6:13, 14, 18, 19, 22

Nɔwɛ raa sãawa tɔn geo. Yehofa raa Nɔwɛ sɔ̃ɔwa ma U koo tɔn kɔ̃sobu kpeesia ka nim yibu bakaru.

Gusunɔ raa maa Nɔwɛ yiire u goo nimku bɔkɔ bɔkɔ banio, ge ba sokumɔ kpakororu, kpa u win dusibu ka yaa bwese bweseka duusia ge sɔɔ.

Nɔwɛ raa tɔmbu kirɔ kua ma Nim Yibu Bakaru ta wee, adama ba ǹ daa swaa daki. Si gaba raa Nɔwɛn yaakoru kua; gaba raa nùn tusa.

Sanam mɛ kpakororun bana ta kpa, Nɔwɛ u yɛɛ duusia te sɔɔ.