16 Didok Jahowa ma tu si Musa, “Pillit ma 70 bawa sian akka pangituai* ni halak Israel, na diboto ho sanggup gabe pengawas lao mangulahon akka ulaon on.+ Suru ma nasida ro tu kemah parpunguan jala jongjong rap dohot ho. 17 Ai turun nama Au+ lao makkatai rap dohot ho disi.+ Buatokku ma deba tondi parbadiakku+ na adong di ho, jala lehonokku ma i tu nasida. Urupan ni nasida ma ho mangatur bangso i, asa unang sahalakmu be na martanggung jawab tu nasida.+

34 Dung i songgop ma tondi parbadia ni Jahowa tu si Gidion,+ diombus ibana ma tarompet na sian tanduk.+ Gabe marroan ma pinoppar ni si Abi-eser+ mangihutton ibana.

29 Songgop ma tondi parbadia ni Jahowa tu si Jepta.+ Lao ma ibana mamolus sian Gilead dohot Manasse, jala sahat ma ibana di Mispe na di Gilead.+ Sian Mispe na di Gilead, borhat ma ibana manjuppangi halak Ammon.

5 Alani i, borhat ma si Simson, omakna, dohot bapakna tu Timna. Dung sahat ibana di ladang anggur na di Timna, ro ma sada singa* na marauang mandapotton ibana. 6 Dung i dibahen Jahowa ma lam gogo si Simson marhite tondi parbadiana.+ Gabe diribak dua ibana ma singa i songon na mangaribakkon anak ni hambing. Holan tanganna do dipakke ibana mangaribakkon i. Alai dang dipaboa ibana na masa i tu omakna dohot tu bapakna.

14 Dung sahat si Simson di Lehi, marsurak ma halak Palistim mangida ibana. Dibahen tondi parbadia ni Jahowa ma ibana lam gogo.+ Gabe malua ma tali i sian tanganna. Ai nungnga songon bonang na tartutung tali na mangikkat tanganna i.+

6 Dung dibege si Saul na masa i, songgop ma tondi parbadia ni Debata tu ibana,+ gabe muruk situtu ma ibana.

13 Dibuat si Samuel ma tanduk na marisi miak,+ jala diusehon ibana ma i tu ulu ni si Daud* di jolo ni akka abangna. Mulai sian i, songgop ma tondi parbadia ni Jahowa tu si Daud.+ Dung i, mulak ma si Samuel tu Rama.+

15 Songgop ma tondi parbadia ni Debata tu si Azaria anak ni si Oded.