24 Diparo Jahowa ma api+ jala ditutung ma sude pelean situtungon dohot akka tabo-tabo na di langgatan. Tikki diida bangso i na masa i, marsurak ma nasida jala marsomba.+

19 Dung i dibuat si Manoa ma anak ni hambing dohot pelean sipanganon.* Dipelehon ibana ma i tu Jahowa di ginjang ni sada batu na balga. Jala dibahen Debata ma tanda halongangan* di jolo ni si Manoa dohot istrina. 20 Diida nasida ma nakkok suru-suruan ni Jahowa i tu langit di bagasan api na sian langgatan i. Gabe marsinggang ma nasida, pola dais bohina tu tano.

38 Dung i turun ma api sian ginjang dibahen Jahowa. Habis ma tartutung pelean situtungon i,+ akka soban i, akka batu i, dohot orbukna. Habis ma muse aek na di bagasan bondar i alani api i.+

26 Dipajongjong si Daud ma disi sada langgatan+ tu Jahowa. Dipelehon ibana ma pelean situtungon dohot pelean pardamean.* Dung i martangiang ma ibana tu Jahowa. Dialusi Debata ma tangiangna i. Gabe diparo ma api+ sian langit manutung pelean situtungon na di langgatan i.

7 Dung sae si Salomo martangiang,+ turun ma api sian langit+ manutung pelean situtungon dohot akka pelean na asing. Jala digohi hamuliaon ni Jahowa ma jabu i.+