19 Tikki dang adong raja ni halak Israel,+ adong ma sahalak Lepi na tinggal di sada huta na dao. Di inganan na mardolok-dolok di Epraim+ do hutana i. Dibuat ibana ma sahalak borua na sian Betlehem+ na di Juda lao gabe gundikna. 2 Alai dang setia gundikna i tu ibana. Ditadikkon gundikna i do ibana jala mulak tu jabu ni bapakna di Betlehem na di Juda. Disi ma gundikna i saleleng opat bulan.