• Psalmen 14:1-7
    Bibel Hata ni Debata tu Akka Jolma na Naeng Mangolu di Tano na Imbaru

    • 14 Didok halak na oto do di bagasan rohana,

      “Dang adong Jahowa.”+

      Diulahon nasida do nasa ulaon na jahat.

      Dang adong nanggo sahalak pe sian nasida na mangulahon na denggan.+

       2 Alai ditatap Jahowa do akka anak ni jolma sian surgo,

      Lao mangida atik na adong do na marbisuk jala na mangalului Jahowa.+

       3 Nungnga manimbil be nasida sude sian dalan na sittong,+

      Sude do nasida mangulahon na jahat,

      Dang adong na mangulahon na denggan,

      Nanggo sahalak pe dang adong.

       4 Boasa ma dang diboto akka parjahat agia aha?

      Diboddut nasida do bangsokku songon na mamboddut roti.

      Jala dang olo nasida ditogu-togu Jahowa.

       5 Alai gabe mabiar situtu ma nasida,+

      Ai didongani Jahowa do akka halak* na tigor marroha.

       6 Hamu akka halak na jahat, marsitutu do hamu mambahen sundat sakkap ni halak na pogos,

      Alai tu Jahowa do nasida marlinggom.+

       7 Sai ro ma sipalua ni Israel sian Sion!+

      Molo dung diboan Jahowa mulak muse bangsona na ditawan i,

      Sai marlas ni roha ma si Jakkob jala marlas ni roha ma Israel.