42 Dung i, ro ma sude akka pamimpin ni tentara, si Johanan+ anak ni si Karea, si Jersania anak ni si Hosaya, dohot sude bangso i. Mulai sian na mora sahat tu na pogos, mulai sian na poso sahat tu na matua. 2 Didok nasida ma tu Panurirang* Jeremia, “Tolong ma jo, tangihon ma pangidoannami on. Martangiang ma jolo ho tu Jahowa Debatami. Pangido ma tudu-tudu lao di hami dohot di akka halak na tinggal on dope. Najolo, massai godang do hami. Alai saonari, saotik nama hami na mangolu+ songon na niidam.