PERPUSTAKAAN ONLINE Joujou Paboahon

5 Musa 28:15

Bibel Hata ni Debata tu Akka Jolma na Naeng Mangolu di Tano na Imbaru
- 15 “Alai molo dang ditangihon hamu hata ni Jahowa Debatamuna, dang marsitutu hamu lao mangulahon sude paretta, dohot aturan na hupaboa tu hamu sadari on, ro ma akka bura on tu hamu, jala dang boi hamu lari sian i:+

5 Musa 28:29

Bibel Hata ni Debata tu Akka Jolma na Naeng Mangolu di Tano na Imbaru
- 29 Dadap-dadap ma hamu di tikki arian dos songon halak na mapitung dadap-dadap di na golap.+ Dang na lao marhasil hamu di sude ulaonmuna. Jala toktong ma hamu dioto-otoi jala dirampok halak, alai dang adong na lao mangurupi hamu.+

Jeremia 13:16

Bibel Hata ni Debata tu Akka Jolma na Naeng Mangolu di Tano na Imbaru
- 16 Pasangap ma Jahowa Debatamuna i
  Andorang so diparo Ibana haholomon
  Andorang so tartuktuk patmuna di dolok di tikki botari.
  
  Dipaima-ima hamu do na tiur,
  Alai na holom do diparo Ibana,
  Dibahen Ibana do na tiur i gabe golap.+