PERPUSTAKAAN ONLINE Joujou Paboahon

1 Raja-Raja 11:5

Bibel Hata ni Debata tu Akka Jolma na Naeng Mangolu di Tano na Imbaru
- 5 Gabe disomba si Salomo ma Astarot+ debata ni halak Sidon. Jala disomba ibana ma Milkom+ debata ni halak Ammon na dihagigihon Debata na sittong.

1 Raja-Raja 11:7

Bibel Hata ni Debata tu Akka Jolma na Naeng Mangolu di Tano na Imbaru
- 7 Dibahen si Salomo ma inganan panombaon*+ di dolok na di jolo ni Jerusalem. Dibahen do i lao manomba Kamos debata ni halak Moab, dohot Molok+ debata ni halak Ammon,+ i ma akka debata na dihagigihon Debata na sittong.

Psalmen 106:35, 36

Bibel Hata ni Debata tu Akka Jolma na Naeng Mangolu di Tano na Imbaru
- 35 Mardongan do nasida tu bangso na asing i,+
  Jala diihutton* nasida do hasomalan ni akka bangso i.+
  
  36 Sai disomba nasida do patung na disomba akka bangso i,+
  Jala gabe jorat ma i di nasida.+

Jesaya 57:7, 8

Bibel Hata ni Debata tu Akka Jolma na Naeng Mangolu di Tano na Imbaru
- 7 Diparade ho do podomanmu di dolok na massai timbo,+
  Jala nakkok do ho tusi lao mangalehon pelean.+
  
  8 Dibahen ho do tanda parningotan di balik ni pintu ni jabum dohot di kusen ni pintum.
  
  Ditadikkon ho do Au, jala dibukka ho do sude bajum,
  Nakkok ma ho tusi jala dipabidang ho ma podomanmu.
  
  Dibahen ho ma parjanjian dohot akka halletmu.
  
  Lomo do roham modom dohot nasida,+
  Jala sai dipanotnoti ho do alat kelamin ni bawa.*

Jeremia 2:20

Bibel Hata ni Debata tu Akka Jolma na Naeng Mangolu di Tano na Imbaru
- 20 ‘Najolo nungnga hancur hubahen augam*+
  Jala nungnga putus hubahen rattem.
  
  Alai didok ho do, “Dang olo au manomba Ho,”
  
  Modom do ho lao mangulahon ulaon ni boru-boru na so hasea,+
  Di sude dolok na timbo dohot di toru ni hau na balga.+

Jakobus 4:4

Bibel Hata ni Debata tu Akka Jolma na Naeng Mangolu di Tano na Imbaru
- 4 Hamu akka na so setia,* na so diboto hamu do, na marmusu do hamu tu Debata molo marale-ale hamu tu portibi on? Manang ise na naeng marale-ale tu portibi on, na mambahen dirina do ibana gabe musu ni Debata.+