2 Samuel
22 Dung dipalua Jahowa si Daud sian tangan ni sude musuna+ dohot sian tangan ni si Saul+ di ari i, diendehon si Daud ma ende puji-pujian tu Jahowa.+ 2 Didok ibana ma,
“Jahowa do dolok batu di au,+ Ibana do benteng di au, jala Ibana do Sipalua di au.+
3 Debatakku do dolok batukku,+ tusi do au marlinggom,
Ibana do na gabe perisai di au,+ Sipalua na gogo,* inganan parlinggomakku na aman+
Jala inganakku martabuni,+ Sipalua di au,+ na paluahon au sian halak na jahat.
4 Jou-jou do au tu Jahowa, na tama pujion,
Jala dipalua do au sian akka musukku.
5 Dikalilingi galumbang ni hamatean do au.+
Mabiar do au alani godang ni halak na so hasea na dos songon sunge na banjir.+
7 Jou-jou do au tu Jahowa di hasusaakki,+
Sai jou-jou do au tu Debatakku.
Ditangihon Ibana do soarakku sian bagas jorona,
Jala dibege Ibana do soarakku na jou-jou lao mangido asa diurupi.+
8 Hutur-hutur ma tano on jala goyang tusan tuson.+
Hutur-hutur ma akka fondasi ni langit+
Jala goyang ma i tusan tuson ala nungnga muruk Ibana.+
9 Kaluar do timus sian lubang ni igungna,
Jala marsigorgor do api kaluar sian babana.+
Kaluar do gara ni api na marsigorgor sian jolona.
10 Tikki turun Ibana, gabe lekkuk do langit dibahen Ibana,+
Jala adong do ombun na holom di toru ni patna.+
11 Tikki habang, hundul do Ibana di ginjang ni kerubim.*+
Songon na di ginjang ni habong ni suru-suruan* do Ibana.+
12 Ditabunihon Ibana do dirina di na holom,+
Di toru ni ombun na hapal jala na holom.
13 Kaluar do gara ni api na marsigorgor sian sillam na di jolona.
14 Dung i tarbege ma soara ni Jahowa na songon ronggur sian langit.+
Dibahen Natumimbul i ma tarbege soarana.+
15 Ditembakkon Ibana ma akka anak ni panah,+ gabe marserak ma akka musuna.
Dibahen Ibana ma sillam asa gaor nasida.+
16 Tarida ma dasar ni laut.+
Tarida ma akka fondasi ni tano on alani songgak-songgak ni Jahowa,
Ai diombus Ibana do hosana sian lubang ni igungna.+
17 Disurdukkon Ibana ma tanganna sian inganan na timbo.
Ditiop Ibana ma au, jala ditarik ma au kaluar sian aek na bagas.+
18 Dipalua Ibana do au sian akka musukku na gogo,+
Sian akka halak na marsogo ni roha tu au, na umgogo sian au.
19 Tikki susa au, ro do nasida mangalo au,+
Alai diurupi Jahowa do au.
21 Dilehon Jahowa do upa tu au, ala huulahon na sittong.+
22 Toktong do huihutton akka dalan ni Jahowa,
Jala dang huulahon na jahat, ai dang hutadikkon Debatakku.
24 Sai patuduokku do di jolona na so marsala au,+
Jala sai jagaokku do dirikku asa unang mangulahon na sala.+
25 Sai anggiat ma dilehon Jahowa upa tu au, ala huulahon do na sittong,+
Ai dang adong na sala huulahon di jolona.+
26 Setia do Ho tu halak na setia.+
Adil do Ho tu halak na so marsala.+
27 Burju do Ho tu halak na tulus,+
Alai marbisuk do Ho tu halak na akkal.+
28 Dipalua Ho do halak na serep marroha,+
Alai sogo do roham mangida siginjang roha, jala dang arga nasida di Ho.+
30 Diurupi Ho do au mangalo akka pangarampok.
Boi do hutibbung tembok ala dilehon Debata tu au gogo.+
Songon perisai do Ibana tu sude halak na marlinggom tu Ibana.+
32 Holan sasada Jahowa do Debata,+
Holan sasada Debatanta do dolok batu.+
34 Dibahen Ibana do pattu hatop marlojong songon rusa,
Dibahen Ibana do au jongjong di inganan na timbo.+
35 Dilatik Ibana do tanganku marporang.
Gabe boi ma hupakke panah na sian tombaga.
37 Dipabidang Ho do dalan sidalanakku.
Jala dang na lao tarsulandit pattu.+
38 Leleokku do akka musukku jala pamateonku nasida,
Dang mulak au saleleng so hupamate nasida sude.
39 Hupamate do nasida jala huropukkon, asa unang boi be nasida hehe.+
Marpeakan do nasida di toru ni pattu.
42 Jou-jou ma nasida mangido asa diurupi, alai dang adong na paluahon nasida.
Nang pe jou-jou nasida tu Jahowa, alai dang dialusi Ibana nasida.+
43 Dudaokku ma nasida asa gabe songon orbuk na di tano.
Dege-degeokku ma nasida songon gambo na disappatton tu dalan.
44 Paluaonmu do au sian rakyattu na sai mangalului hasalaakku.+
Jagaonmu do au asa boi au gabe pamimpin ni akka bangso.+
Akka halak na so hutanda pe gabe mangoloi do tu au.+
45 Ro do halak na asing hitir-hitir marsinggang tu jolokku.+
Gabe dioloi nasida do au dung dibege taringot tu au.
46 Mago ma habaranion ni akka halak na asing.
Hitir-hitir ma nasida kaluar sian inganan partabunian ni nasida.
47 Debata na mangolu do Jahowa! Pinuji ma Dolok Batukku!+
Sai dipasangap ma Debatakku, dolok batu na paluahon au.+
48 Dibalos Debata na sittong do akka musukku.+
Dibahen Ibana do akka bangso mangoloi au.+
49 Dipalua Ho do au sian akka musukku.
Diangkat Ho do au timbo+ asa dao sian akka halak na mangalo au.
Dipalua Ho do au sian halak na jahat.+
50 Alani i, di tonga-tonga ni akka bangso,+ mandok mauliate ma au tu Ho, ale Jahowa,