2 Samuel

3 Torus do marporang keluarga ni si Saul dohot keluarga ni si Daud. Alai lam leleng lam gogo do keluarga ni si Daud+ jala lam gale do keluarga ni si Saul.+

2 Tikki i, tubu ma akka anak ni si Daud di Hebron.+ Anakna siakkangan, i ma si Amnon+ tubu ni si Ahinoam+ na sian Jisreel. 3 Anakna paduahon, i ma si Kileab tubu ni si Abigail+ halak Karmel istri ni si Nabal hian. Anakna patoluhon, i ma si Absalom+ tubu ni si Maaka boru ni si Talmai+ raja ni Gesur. 4 Anakna paopatton, i ma si Adonia+ tubu ni si Haggit. Anakna palimahon, i ma si Sepatia tubu ni si Abital. 5 Anakna paonomhon, i ma si Itream tubu ni si Egla. Akka on ma anak ni si Daud na tubu di Hebron.

6 Tikki na sai marporang i keluarga ni si Saul dohot keluarga ni si Daud, lam marhuaso ma si Abner+ di keluarga ni si Saul. 7 Adong do gundik ni si Saul na margoar si Rispa+ boru ni si Aya. Di sada tikki, didok si Isboset+ ma tu si Abner, “Boasa mangulahon seks ho dohot gundik ni bapakku?”+ 8 Massai muruk ma si Abner mambege hata ni si Isboset i. Didok ibana ma, “Na dirippu ho do au biang* ni marga Juda? Sahat tu saonari, hupatudu do holongku* tu keluarga ni bapakmu, tu akka haha anggina, dohot tu ale-alena. Dang hea au berhianat tu ho, jala dang hea hupasahat ho tu tangan ni si Daud. Hape saonari, didok ho do au marsala holan alani sahalak borua. 9 Sai borat ma au dihukum Debata, molo dang hubahen tu si Daud songon janji ni Jahowa tu ibana.+ 10 Ai nungnga marjanji hian Debata lao mambuat harajaon i sian keluarga ni si Saul. Jala marjanji do Ibana lao mambahen si Daud gabe raja ni Israel dohot halak Juda, mulai sian Dan sahat tu Ber-seba.”+ 11 Mabiar ma si Isboset tu si Abner, gabe dang adong be didok ibana manang aha.+

12 Pittor disuru si Abner ma halak mandok tu si Daud, “Ise do sasittongna na mangarajai luat on?” Didok ibana ma muse, “Bahen ma parjanjian tu au, asa hubahen sude* halak Israel marpihak tu ho.”+ 13 Dialusi si Daud ma, “Denggan ma i! Hubahen pe parjanjian dohot ho. Alai adong pangidoakku, molo naeng pajuppang ho dohot au, ikkon boanonmu do si Mikhal+ boru ni si Saul tu au.” 14 Dung i disuru si Daud ma halak mandok tu si Isboset,+ anak ni si Saul i, “Paulak ma si Mikhal istrikki. Ai nungnga hubuat ibana gabe istrikku jala huboan do tanda* na patuduhon naung hupamate 100 halak Palistim lao mangalap ibana.”+ 15 Disuru si Isboset ma asa dibuat si Mikhal sian suamina si Paltiel+ anak ni si Lais. 16 Alai sai diihutton suamina ma si Mikhal sahat tu Bahurim+ huhut tangis. Didok si Abner ma tu ibana, “Mulak ma ho!” Dung i mulak ma ibana.

17 Disuru si Abner ma halak mandapotton akka pangituai* di Israel. Didok ma, “Nungnga leleng dipangido rohamuna asa gabe rajamuna si Daud. 18 Saonari ma tikkina. Ai nungnga didok Jahowa tu si Daud, ‘Marhite naposokku si Daud+ do Au paluahon bangsokku Israel sian halak Palistim dohot sian sude musu ni nasida.’” 19 Makkatai ma si Abner tu akka marga Benjamin.+ Dung i, lao ma ibana mandapotton si Daud di Hebron jala makkatai ma nasida na dua. Dipaboa ibana ma aha naung diputusson halak Israel dohot akka marga Benjamin.

20 Tikki ro si Abner dohot 20 tentarana mandapotton si Daud di Hebron, diparade si Daud ma godang sipanganon di nasida. 21 Dung i didok si Abner ma tu si Daud, “Loas ma au borhat papunguhon sude halak Israel, asa dibahen nasida parjanjian tu ho. Jala ho ma na gabe raja ni saluhut halak Israel.” Diloas si Daud ma mulak si Abner jala borhat ma ibana di bagasan dame.

22 Dang leleng dukkon i, mulak ma si Joab dohot akka tentara ni si Daud sian parporangan. Godang do arta dapot ni nasida sian akka musu. Tikki i dang di Hebron be si Abner, ai nungnga diloas si Daud ibana mulak di bagasan dame. 23 Dung sahat si Joab+ dohot akka tentarana, adong ma na mandok tu ibana, “Ro do nakkin si Abner+ anak ni si Ner+ manjuppangi raja. Jala diloas do ibana mulak di bagasan dame.” 24 Ro ma si Joab manjuppangi raja jala didok ma, “Ai na boha do ho tuan? Ro do hape nakkin si Abner manjuppangi ho. Alai boasa diloas ho ibana lao? 25 Ditanda ho do songon dia si Abner anak ni si Ner! Na lao mangoto-otoi ho do ibana tuson, jala naeng idaonna do sude na niulahonmi.”

26 Dung i ditadikkon si Joab ma si Daud jala disuru ibana ma halak mandapotton si Abner. Diboan nasida ma si Abner mulak sian sumur na di Sira. Alai dang diboto si Daud taringot i. 27 Dung sahat si Abner di Hebron,+ diboan si Joab ma ibana masuk tu gerbang ni kota asa makkatai nasida na dua. Hape ditullang si Joab ma butuha ni si Abner disi jala mate ma ibana.+ Dibahen si Joab pe songon i, ala dipamate si Abner do anggina si Asahel.+ 28 Dung diboto si Daud taringot i, didok ibana ma, “Diboto Jahowa do na so marsala au dohot rakyattu di parmate+ ni si Abner anak ni si Ner i. 29 Sai mulak tu si Joab+ dohot tu keluarga ni bapakna ma hajahatonna i. Sai torus ma adong di keluarga ni si Joab na marsahit kelamin,+ na hona kusta,*+ na pakpang,* na mate di parporangan, dohot na so mangan.”+ 30 Songon i ma dibahen si Joab dohot si Abisai+ pamatehon si Abner.+ Ai dipamate si Abner do anggi ni nasida si Asahel tikki marporang+ di Gibeon.

31 Dung i didok si Daud ma tu si Joab dohot tu akka halak na rap dohot ibana, “Ribak hamu ma bajumuna, pakke hamu ma abit goni, jala andungi hamu ma si Abner.” Raja Daud sandiri pe, mardalan do di pudi ni halak na mamboan bakke ni si Abner. 32 Dikubur nasida ma si Abner di Hebron. Gogo ma raja i mangandungi di kuburan ni si Abner. Gabe dohot ma sude halak na disi mangandungi. 33 Marende ma Raja Daud lao patuduhon lungun ni rohana di parmate ni si Abner i. Songon on ma endena,

“Boasa ma ikkon songon parmate ni sahalak na oto parmate ni si Abner on?

Songon na dibunu parjahat do parmatem.”+

Gabe mangandungi ma muse sude halak na disi.

35 Tikki arian, ro ma akka halak mandapotton si Daud. Dilehon nasida ma roti lao mangapuli rohana. Alai marsumpa ma si Daud, “Sai borat ma au dihukum Debata molo huallang roti dohot manang aha pe sahat tu na bonom mataniari!”+ 36 Sude do halak na disi mangida na binahen ni raja i, jala denggan do i di roha ni nasida. Manang aha pe na diulahon raja, sai las do roha ni nasida. 37 Di ari i, diboto sude halak Israel dohot na mangihutton si Daud ma, dang marsala Raja Daud di parmate+ ni si Abner anak ni si Ner i. 38 Didok raja i ma tu akka tentarana, “Asa diboto hamu, nungnga mate be sadari on sahalak pamimpin na jago di Israel.+ 39 Nang pe nungnga dipillit* au gabe raja,+ alai dang margogo au. Ai pakejamhu+ do akka anak ni si Seruya i+ tu au. Alani i, sai Jahowa ma na mambalos hajahaton ni nasida i.”+