Psalmen

142 Jou-jou do au tu Jahowa mangido asa diurupi.+

Mangelek-elek do au tu Jahowa mangido asi ni rohana.

 2 Hupasahat do tu Ibana arsak ni rohakku,

Hupaboa do tu Ibana holso ni rohakku+

 3 Tikki mandele au.

Dibahen musukku do jorat

Di dalan sidalanakku.

 4 Ida ma jo tu sakalilingkon,

Dang adong na parduli tu* au.+

Dang huboto be tudia au lao,+

Dang adong na mamikkiri au.

Hudok do, “Ho do parlinggomakku.”+

Holan Ho do parlinggomakku saleleng ni ngolukku.

 6 Tangihon ma angguk-anggukku na mangido asa urupanmu au,

Ai nungnga mandele au.

Palua ma au sian akka halak na mambahen na jahat tu au.+

Ai umgogo do nasida sian au.

 7 Palua ma au sian penjara,

Asa hupuji goarmi.

Sai anggiat ma ro marpungu akka halak na tigor marroha tu labbungku.

Ai burju do Ho tu au.