Jeremia
6 Ale pinoppar ni marga Benjamin, lului ma parlinggoman na dao sian Jerusalem.
Ai na lao ro nama hasusaan sian utara, hasusaan na massai borat.+
2 Boru Sion i dos do songon borua na massai bagak jala na manja.+
3 Na lao ro ma akka parmahan dohot binatang ni nasida,
Markemah ma nasida di sakaliling ni kota i,+
Dilehon nasida ma mangan akka binatang na dipiaro nasida.+
4 “Parade* hamu ma dirimuna lao marporang mangalo Jerusalem!
Borhat ma hamu, serang ma kota i di tikki arian!”
“Marjea ma hita, ai nungnga mulai holom ari,
Nungnga naeng makkolom be ari.”
5 “Borhat ma hita, taserang ma kota i di tikki borngin.
Jala hancur ma tabahen akka menarana na marbenteng i.”+
6 Ai didok Jahowa Pamimpin ni Akka Tentara* i do,
“Taba ma hau jala pajongjong ma benteng lao mengepung luat Jerusalem.+
Ibana do kota na ikkon dihukum,
Ai holan ulaon na kejam do di bagasan kota i.+
7 Dos songon sumur na toktong pakaluarhon aek na ias,
Songon i ma kota i toktong do parohon hajahaton,
Sai tarbege do sian kota i ulaon na kejam dohot ulaon na jahat,+
Jala sahit dohot mara toktong adong di jolokku.
8 Ale Jerusalem tangihon ma sipasingot on, molo dang, mandao nama Au sian ho, ai nungnga magigi Au mangida ho.+
Bahenokku ma ho gabe tarulang jala gabe luat na so diingani jolma.”+
9 Didok Jahowa Pamimpin ni Akka Tentara i ma,
“Dos songon anggur na tinggal di akka rattingna do akka halak Israel na mangolu i dope.
Papungu ma nasida sude, dos songon halak na papunguhon anggur na tinggal di ladang anggur.”
10 “Tu ise ma Au ikkon makkatai jala mangalehon sipasingot i?
Ise ma na lao mambege i?
Ida ma, tutup do* pinggol ni nasida, alani i ma dang diparrohahon nasida.+
Ida ma, dileai+ nasida do hata ni Jahowa.
Jala dang lomo roha ni nasida tu hata i.
11 Marsigorgor ma murukku dos songon muruk ni Jahowa.
Nungnga loja be au lao manahan i.”+
“Usehon ma rimashi tu akka dakdanak na di dalan.+
Tu akka doli-doli na marpungu.
Na lao ditakkup ma nasida sude, bawa rap dohot istrina.
Akka na matua rap dohot akka halak na naeng mate.+
12 Dilehon nama jabu ni nasida tu akka halak na asing.
Songon i nang ladang dohot istri ni nasida.+
Ai angkatokku nama tanganku lao mangalo pangisi ni luat i,” ninna Jahowa.
13 “Mulai sian akka na poso sahat tu na matua, sude do mangalului uttung marhite dalan na so sittong.+
Mulai sian panurirang sahat tu malim, holan na manipu.+
14 Leas do roha ni nasida tu lukka ni bangsokki,* jala naeng diubati nasida do,
Didok nasida ma, ‘Aman do sude! Dame do sude!’
Hape so adong dame.+
15 Nungnga diulahon nasida ulaon na huhagigihon, tung hea ma nasida maila?
Daong! Tung so maila do nasida nanggo otik,
Tung so adong do nasida na maila.+
Madabu ma nasida di tonga-tonga ni halak na madabu.
Jala tartuktuk ma nasida tikki hona hukum nasida hubahen,” ninna Jahowa.
16 Songon on ma hata ni Jahowa,
“Jongjong ma ho di akka sippang ni dalan jala ida ma.
Sukkun ma taringot akka na adong najolo,
Sukkun ma dia do dalan na dumenggan, ihutton ma dalan i,+
Jala dapotmuna ma hasonangan.”
Alai dohonon ni nasida ma, “Dang olo hami mangihutton dalan i.”+
Alai didok nasida do, “Dang olo hami manangihon i.”+
18 “Alani i ale akka bangso, tangihon hamu ma!
Jala boto hamu ma, ale akka halak na marpungu,
Parrohahon hamu ma aha na lao masa tu nasida.
19 Hamu akka pangisi ni tano on, tangihon hamu ma!
Parookku nama hasusaan tu bangso on.+
Ai na jahat do di pikkiran ni nasida,
Dang diparrohahon nasida hatakku,
Jala dang olo nasida manjalo patikku.”*
Dang jalookku pelean situtungonmuna i,
Jala dang lomo rohakku tu akka peleanmuna na asing i.”+
21 Alani i, didok Jahowa ma songon on,
“Bahenokku ma akka batu lao mambahen tartuktuk bangso on,
Tartuktuk ma nasida,
Bapak ni nasida rap dohot anakna,
Ganup halak rap dohot donganna,
Mate ma nasida sude.”+
22 Songon on ma hata ni Jahowa,
“Na lao ro ma sada bangso sian utara,
Dohot sada bangso na bolon ro sian luat na undao di tano on.+
23 Ditiop nasida do panah dohot tombak* ni nasida,
Kejam do nasida jala dang marasi ni roha.
Soara ni nasida dos songon soara ni galumbang ni laut,
Jala marhoda do nasida ro.+
Mardalan do nasida marbaris dos songon tentara na naeng marporang mangalo ho, ale boru Sion.”
24 Nungnga hubege hami be barita taringot i,
Gabe gale ma tangannami,+
Jala massai susa ma pakkilalaannami,
Gabe marsak situtu ma hami dos songon borua na naeng partus.+
25 Unang kaluar hamu tu ladang,
Jala unang mardalan hamu di dalan.
Ai nungnga ro musu mamboan podang,
Jala mabiar do sude halak na di sakalilingmu.
Mangandungi+ ma ho songon halak na mate anak sasadana.
Mangandungi ma ho alani haccitna, ai toppu do ro na lao manghancurhon i.+
27 “Nungnga hupillit ho* lao manguji bangsokki.
Dos songon sasahalak na manguji mas dohot perak.
Ikkon diparrohahon ho do nasida, jala ikkon manat do diparrohahon ho pangalaho ni nasida.
Dos songon tombaga dohot bosi do nasida,
Jahat do pangalaho ni nasida sude.
29 Nang pe nungnga sappe tartutung alat lao mangombus apina i,
Alai holan timah hitam do na kaluar sian api i.
Marisuang do halojaon ni halak na manguji nasida,+
Ai dang tarsirang halak na jahat sian tonga-tonga ni nasida.+
30 Dohonon ni halak ma nasida perak na so mararga,
Ai dang dijalo+ Jahowa be nasida.”