1 Samuel

18 Dung dibege si Jonatan+ hata ni si Daud tu si Saul, gabe holong ma rohana tu si Daud. Dihaholongi si Jonatan do si Daud dos songon makkaholongi dirina. Jala gabe marale-ale ma nasida.*+ 2 Mulai sian i, torus ma si Daud gabe parkarejo ni si Saul. Jala dang diloas si Saul be ibana mulak tu jabu ni bapakna.+ 3 Dung i, dibahen si Jonatan dohot si Daud ma sada parjanjian.+ Ai dihaholongi si Jonatan do si Daud dos songon makkaholongi dirina.+ 4 Dibukka si Jonatan ma rompina na ganjang jala dilehon ma i tu si Daud. Dilehon ibana ma muse baju partahananna, podangna, panahna, dohot ikat pinggangna. 5 Dung i lao ma si Daud marporang. Jala tudia pe ibana disuru si Saul, sai monang* do ibana.+ Alani i, dibahen si Saul ma ibana gabe pamimpin ni tentara.+ Gabe las ma roha ni saluhut bangso i dohot akka parkarejo ni si Saul.

6 Tikki mulak si Daud dohot akka tentara na asing manaluhon halak Palistim, kaluar ma akka borua sian sude kota ni halak Israel lao manjuppangi Raja Saul. Marlas ni roha do akka borua i huhut marende,+ manortori, marrebana,*+ jala marhasapi. 7 Songon on ma ende ni akka borua i:

8 Gabe muruk situtu ma si Saul+ jala jut ma rohana mambege ende i. Ninna ibana ma di rohana, “Didok nasida marpulu ribu dipamate si Daud, alai holan marribu na hupamate. Bah, satokkin nai bahenon ni nasida ma ibana gabe raja!”+ 9 Mulai sian i, sai curiga ma si Saul tu si Daud.

10 Marsogotna i, dipasombu Debata ma susa roha ni si Saul.+ Gabe busisaon ma ibana jala dang songon na somal be* pangalahona di jabuna. Dung i, marharpa+ ma si Daud songon na somal. Jala ditiop si Saul do tikki i tombakna.*+ 11 Ditullangkon si Saul ma tombakna i tu si Daud.+ Ai didok ibana do di rohana, ‘Ikkon hupattikkon do si Daud tu tembok i!’ Alai dang hona tombak i tu si Daud jala nungnga dua hali masa songon i. 12 Gabe mabiar ma si Saul tu si Daud. Ai diboto ibana do, na didongani Jahowa do si Daud+ jala nungnga ditadikkon Debata ibana.+ 13 Alani i, dibahen si Saul ma si Daud gabe pamimpin ni sasaribu asa unang di istana be ibana karejo. Gabe si Daud ma na mamimpin akka tentara tu parporangan.+ 14 Sai marhasil*+ do si Daud mangulahon manang aha pe jala didongani Jahowa do ibana.+ 15 Alani i, tikki diida si Saul torus marhasil si Daud, gabe mabiar ma ibana. 16 Alai holong do roha ni sude halak Israel dohot halak Juda tu si Daud, ala ibana do na mamimpin nasida di parporangan.

17 Di pudian ni ari, didok si Saul ma di rohana, ‘Lok ma halak Palistim i na pamatehon si Daud, unang apala au na mambunu ibana.’+ Alani i, didok si Saul ma tu si Daud, “On ma si Merab boru siakkangakku.+ Hulehon pe ibana tu ho gabe istrim.+ Alai patudu ma tu au na barani do ho marporang jala taluhon ma akka musu ni Jahowa.”+ 18 Didok si Daud ma tu si Saul, “Tung ise ma au dohot keluarga ni bapakku, umbahen na gabe hela ni raja i au?”+ 19 Alai andorang so dipamuli si Merab tu si Daud, nungnga dipamuli si Saul boruna i tu si Adriel+ halak Mehola.

20 Adong ma halak na paboahon tu si Saul na lomo roha ni boruna si Mikhal+ tu si Daud, jala las do roha ni si Saul mambege i. 21 Didok si Saul ma di rohana, “On ma jorat bahenokku tu si Daud asa dipamate halak Palistim ibana. Pamuliokku ma si Mikhal borukku tu si Daud.”+ Alani i, didok si Saul ma tu si Daud, “Bahenokku nama ho gabe helakku.” 22 Didok si Saul ma tu akka parkarejona, “Lao ma hamu sipsip mandapotton si Daud, jala dok ma tu ibana, ‘Olo ma ho gabe hela ni raja i. Ai las do rohana mangida ho jala lomo do roha ni akka parkarejona tu ho.’” 23 Dung dipaboa akka parkarejo ni si Saul hatana i tu si Daud, didok si Daud ma, “Dirippu hamu do mura gabe hela ni raja? Dang halak na sangap au. Halak na pogos do au.”+ 24 Dung i, dipaboa akka parkarejo ni si Saul ma hata ni si Daud i tu si Saul. Didok nasida ma, “Songon on ma didok si Daud.”

25 Gabe didok si Saul ma, “Songon on ma dok tu si Daud, ‘Dang dipangido raja sinamot sian ho.+ Alai ikkon pamateonmu do 100 tentara ni halak Palistim lao mambalos akka musu ni raja. Jala ikkon boanonmu do tanda*+ patuduhon naung mate nasida.’” Songon i ma dibahen si Saul tu si Daud asa dipamate halak Palistim si Daud. 26 Dung i, dipaboa akka parkarejo ni si Saul ma hatana i tu si Daud jala olo ma si Daud gabe hela ni raja i.+ Alani i andorang so dapot tikkina, 27 lao ma si Daud rap dohot akka tentarana pamatehon 200 halak Palistim asa boi ibana gabe hela ni raja. Diboan si Daud do tu si Saul tanda na patuduhon naung mate akka tentara ni halak Palistim i. Dung i dipamuli si Saul ma boruna si Mikhal tu si Daud.+ 28 Diboto si Saul do na didongani Jahowa si Daud+ jala na holong roha ni boruna si Mikhal tu si Daud.+ 29 Alani i, lam mabiar ma si Saul tu si Daud. Jala gabe musu ni si Saul ma si Daud saleleng ni ngoluna.+

30 Molo ro pamimpin ni halak Palistim marporang, sai ditaluhon si Daud do nasida. Jala sai unjago* do si Daud sian akka tentara ni si Saul.+ Alani i, gabe massai sangap ma goarna.+