4 MUSA

1 Di ari na parjolo, di bulan na paduahon, dua taon dung kaluar halak Israel sian Mesir,+ makkatai ma Jahowa tu si Musa di kemah parpunguan,+ di Gurun* Sinai.+ Didok ma, 2 “Bahen ma sensus+ tu sude halak Israel. Etong ma sadia godang halak Israel i. Etong ma nasida mangihutton marga dohot keluarga na sian pihak ni bapakna. Jala surat ma sude goar ni akka bawa ni halak Israel. 3 Ho dohot si Aron ma na ikkon mambahen daftar ni sude bawa na marumur 20 taon tu ginjang+ na boi gabe tentara. Bahen ma daftar ni nasida mangihutton punguan* ni nasida.

4 “Pillit ma sada bawa sian ganup marga, jala bahen ma ibana gabe pamimpin sian pihak ni bapakna.*+ 5 Akka on ma goar ni bawa na lao mangurupi ho: sian marga Ruben, si Elizur+ anak ni si Sedeur. 6 Sian marga Simeon, si Selumiel+ anak ni si Zurisaddai. 7 Sian marga Juda, si Nahason+ anak ni si Aminadab. 8 Sian marga Isasar, si Netaneel+ anak ni si Zuar. 9 Sian marga Zebulon, si Eliab+ anak ni si Helon. 10 Sian pinoppar ni si Josep: sian marga Epraim,+ i ma si Elisama anak ni si Amihud. Sian marga Manasse, si Gamaliel anak ni si Pedazur. 11 Sian marga Benjamin, si Abidan+ anak ni si Gideoni. 12 Sian marga Dan, si Ahieser+ anak ni si Amisaddai. 13 Sian marga Aser, si Pagiel+ anak ni si Okran. 14 Sian marga Gad, si Eliasap+ anak ni si Deuel. 15 Jala sian marga Naptali, si Ahira+ anak ni si Enan. 16 Nasida ma na dipillit sian tonga-tonga ni halak Israel. Nasida ma na gabe pamimpin+ sian marga ni nasida, na mamimpin marribu halak Israel.”+

17 Dung i, dijou si Musa dohot si Aron ma akka bawa na pinillit ni Debata i. 18 Dipapungu nasida ma sude halak Israel i di ari na parjolo di bulan na paduahon. Didaftarhon nasida ma goar ni akka bawa na marumur 20 taon tu ginjang+ mangihutton marga dohot keluarga na sian pihak ni bapakna. 19 Ai songon i do na diparettahon Jahowa tu si Musa. Songon i ma si Musa mandaftarhon nasida di Gurun Sinai.+

20 Didaftarhon ma sude bawa pinoppar ni si Ruben, anak siakkangan ni si Israel.+ Didaftar ma goar ni nasida mangihutton marga dohot keluarga na sian pihak ni bapak ni nasida. Dietong ma sude akka bawa na marumur 20 taon tu ginjang na boi gabe tentara. 21 Godang ni bawa na didaftar sian marga Ruben, i ma 46.500 halak.

22 Didaftarhon ma sude bawa na sian pinoppar ni si Simeon.+ Didaftar ma goar ni nasida mangihutton marga dohot keluarga na sian pihak ni bapak ni nasida. Dietong ma sude akka bawa na marumur 20 taon tu ginjang na boi gabe tentara. 23 Godang ni bawa na didaftar sian marga Simeon, i ma 59.300 halak.

24 Didaftarhon ma sude bawa na sian pinoppar ni si Gad.+ Didaftar ma goar ni nasida mangihutton marga dohot keluarga na sian pihak ni bapak ni nasida. Dietong ma sude akka bawa na marumur 20 taon tu ginjang na boi gabe tentara. 25 Godang ni bawa na didaftar sian marga Gad, i ma 45.650 halak.

26 Didaftarhon ma sude bawa na sian pinoppar ni si Juda.+ Didaftar ma goar ni nasida mangihutton marga dohot keluarga na sian pihak ni bapak ni nasida. Dietong ma sude akka bawa na marumur 20 taon tu ginjang na boi gabe tentara. 27 Godang ni bawa na didaftar sian marga Juda, i ma 74.600 halak.

28 Didaftarhon ma sude bawa na sian pinoppar ni si Isasar.+ Didaftar ma goar ni nasida mangihutton marga dohot keluarga na sian pihak ni bapak ni nasida. Dietong ma sude akka bawa na marumur 20 taon tu ginjang na boi gabe tentara. 29 Godang ni bawa na didaftar sian marga Isasar, i ma 54.400 halak.

30 Didaftarhon ma sude bawa na sian pinoppar ni si Zebulon.+ Didaftar ma goar ni nasida mangihutton marga dohot keluarga na sian pihak ni bapak ni nasida. Dietong ma sude akka bawa na marumur 20 taon tu ginjang na boi gabe tentara. 31 Godang ni bawa na didaftar sian marga Zebulon, i ma 57.400 halak.

32 Didaftarhon ma sude bawa na sian pinoppar ni si Epraim+ anak ni si Josep. Didaftar ma goar ni nasida mangihutton marga dohot keluarga na sian pihak ni bapak ni nasida. Dietong ma sude akka bawa na marumur 20 taon tu ginjang na boi gabe tentara. 33 Godang ni bawa na didaftar sian marga Epraim, i ma 40.500 halak.

34 Didaftarhon ma sude bawa na sian pinoppar ni si Manasse.+ Didaftar ma goar ni nasida mangihutton marga dohot keluarga na sian pihak ni bapak ni nasida. Dietong ma sude akka bawa na marumur 20 taon tu ginjang na boi gabe tentara. 35 Godang ni bawa na didaftar sian marga Manasse, i ma 32.200 halak.

36 Didaftarhon ma sude bawa na sian pinoppar ni si Benjamin.+ Didaftar ma goar ni nasida mangihutton marga dohot keluarga na sian pihak ni bapak ni nasida. Dietong ma sude akka bawa na marumur 20 taon tu ginjang na boi gabe tentara. 37 Godang ni bawa na didaftar sian marga Benjamin, i ma 35.400 halak.

38 Didaftarhon ma sude bawa na sian pinoppar ni si Dan.+ Didaftar ma goar ni nasida mangihutton marga dohot keluarga na sian pihak ni bapak ni nasida. Dietong ma sude akka bawa na marumur 20 taon tu ginjang na boi gabe tentara. 39 Godang ni bawa na didaftar sian marga Dan, i ma 62.700 halak.

40 Didaftarhon ma sude bawa na sian pinoppar ni si Aser.+ Didaftar ma goar ni nasida mangihutton marga dohot keluarga na sian pihak ni bapak ni nasida. Dietong ma sude akka bawa na marumur 20 taon tu ginjang na boi gabe tentara. 41 Godang ni bawa na didaftar sian marga Aser, i ma 41.500 halak.

42 Didaftarhon ma sude bawa na sian pinoppar ni si Naptali.+ Didaftar ma goar ni nasida mangihutton marga dohot keluarga na sian pihak ni bapak ni nasida. Dietong ma sude akka bawa na marumur 20 taon tu ginjang na boi gabe tentara. 43 Godang ni bawa na didaftar sian marga Naptali, i ma 53.400 halak.

44 Nasida ma na didaftarhon si Musa, si Aron, dohot 12 pamimpin ni halak Israel, na dipillit sian marga ni nasida be. 45 Sude akka bawa na marumur 20 taon tu ginjang na boi gabe tentara, didaftarhon mangihutton keluarga na sian pihak ni bapak ni nasida. 46 Godang ni nasida sude, i ma 603.550 halak.+

47 Alai anggo halak Lepi,+ dang didaftar nasida mangihutton keluarga na sian pihak bapak ni nasida songon na dibahen tu marga na asing.+ 48 Jadi didok Jahowa ma tu si Musa, 49 “Unang dohot daftarhon hamu halak Lepi, jala unang padomu hamu godang ni nasida dohot godang ni halak Israel.+ 50 Suru ma halak Lepi lao mangurus tabernakel inganan ni poti na marisi patik i.+ Nasida ma na mangurus sude peralatan dohot akka na adong di tabernakel,+ jala nasida ma na marhobas disi.+ Nasida do na ikkon mamboan tabernakel i dohot sude peralatanna.+ Jala di sakaliling ni tabernakel i ma nasida pajongjokkon kemahna.+ 51 Molo naeng dipapinda tabernakel i, ikkon halak Lepi ma na mambongkar i.+ Jala molo naeng dipajongjong muse tabernakel i, halak Lepi ma muse na ikkon mamasang. Molo adong halak na asing* na ro tu labbung ni inganan na badia i, ikkon dipamate do ibana.+

52 “Ganup halak Israel ikkon mambahen kemahna di inganan naung ditottuhon. Tolu marga ma nasida sada rombongan*+ mangihutton punguanna* be. 53 Ikkon di sakaliling ni tabernakel, inganan ni poti na marisi patik i ma halak Lepi markemah, asa unang gabe muruk Au tu halak Israel.+ Jala ikkon martanggung jawab do halak Lepi mangurus* tabernakel inganan ni poti na marisi patik i.”+

54 Diulahon halak Israel do sude na nidok ni Jahowa tu si Musa. Diulahon nasida do sude dos songon parettana i.

2 Didok Jahowa ma muse tu si Musa dohot tu si Aron, 2 “Ikkon diihutton halak Israel do rombongan naung ditottuhon lao markemah, mangihutton bendera* ni keluarga na sian pihak ni bapakna. Tolu marga do nasida sarombongan.+ Dipajongjong nasida ma kemah ni nasida di sakaliling ni kemah parpunguan. Jala dibahen ma kemah ni nasida i menghadap tu kemah parpunguan.

3 “Rombongan na tolu marga na dipimpin ni marga Juda, markemah di sabola timur, doppak tu parbissar ni mataniari. Markemah ma nasida mangihutton punguanna* be. Pamimpin ni marga Juda, i ma si Nahason+ anak ni si Aminadab. 4 Godang ni bawa na didaftar gabe tentarana, i ma 74.600 halak.+ 5 Marga Isasar ma na markemah di labbung ni marga Juda. Pamimpin ni marga Isasar, i ma si Netaneel+ anak ni si Zuar. 6 Godang ni bawa na didaftar gabe tentarana, i ma 54.400 halak.+ 7 Asing ni i, marga Zebulon ma na markemah muse di labbung ni marga Juda. Pamimpin ni marga Zebulon, i ma si Eliab+ anak ni si Helon. 8 Godang ni bawa na didaftar gabe tentarana, i ma 57.400 halak.+

9 “Sude tentara na tardaftar tu rombongan na dipimpin ni marga Juda, i ma 186.400 halak. Nasida ma rombongan na parjolo borhat.+

10 “Rombongan na tolu marga na dipimpin ni marga Ruben,+ markemah di sabola selatan. Markemah ma nasida mangihutton punguanna* be. Pamimpin ni marga Ruben, i ma si Elizur+ anak ni si Sedeur. 11 Godang ni bawa na didaftar gabe tentarana, i ma 46.500 halak.+ 12 Marga Simeon ma na markemah di labbung ni marga Ruben. Pamimpin ni marga Simeon, i ma si Selumiel+ anak ni si Zurisaddai. 13 Godang ni bawa na didaftar gabe tentarana, i ma 59.300 halak.+ 14 Asing ni i, marga Gad ma na markemah muse di labbung ni marga Ruben. Pamimpin ni marga Gad, i ma si Eliasap+ anak ni si Reguel. 15 Godang ni bawa na didaftar gabe tentarana, i ma 45.650 halak.+

16 “Sude tentara na tardaftar tu rombongan na dipimpin ni marga Ruben, i ma 151.450 halak. Nasida ma rombongan na paduahon borhat.+

17 “Tikki dipapinda kemah parpunguan i,+ ikkon toktong do halak Lepi di tonga-tonga ni akka rombongan ni marga na asing.

“Tikki mardalan sude halak Israel i, dos do susunan ni nasida songon tikki markemah,+ mangihutton inganan ni nasida dohot rombongan ni nasida na tolu marga i.

18 “Rombongan na tolu marga na dipimpin ni marga Epraim, markemah di sabola barat. Markemah ma nasida mangihutton punguanna* be. Pamimpin ni marga Epraim, i ma si Elisama+ anak ni si Amihud. 19 Godang ni bawa na didaftar gabe tentarana, i ma 40.500 halak.+ 20 Marga Manasse+ ma na markemah di labbung ni marga Epraim. Pamimpin ni marga Manasse, i ma si Gamaliel+ anak ni si Pedazur. 21 Godang ni bawa na didaftar gabe tentarana, i ma 32.200 halak.+ 22 Asing ni i, marga Benjamin ma na markemah muse di labbung ni marga Epraim. Pamimpin ni marga Benjamin, i ma si Abidan+ anak ni si Gideoni. 23 Godang ni bawa na didaftar gabe tentarana, i ma 35.400 halak.+

24 “Sude tentara na tardaftar tu rombongan na dipimpin ni marga Epraim, i ma 108.100 halak. Nasida ma rombongan na patoluhon borhat.+

25 “Rombongan na tolu marga na dipimpin ni marga Dan, markemah di sabola utara. Markemah ma nasida mangihutton punguanna* be. Pamimpin ni marga Dan, i ma si Ahieser+ anak ni si Amisaddai. 26 Godang ni bawa na didaftar gabe tentarana, i ma 62.700 halak.+ 27 Marga Aser ma na markemah di labbung ni marga Dan. Pamimpin ni marga Aser, i ma si Pagiel+ anak ni si Okran. 28 Godang ni bawa na didaftar gabe tentarana, i ma 41.500 halak.+ 29 Asing ni i, marga Naptali ma na markemah muse di labbung ni marga Dan. Pamimpin ni marga Naptali, i ma si Ahira+ anak ni si Enan. 30 Godang ni bawa na didaftar gabe tentarana, i ma 53.400 halak.+

31 “Sude tentara na tardaftar tu rombongan na dipimpin ni marga Dan, i ma 157.600 halak. Nasida ma rombongan na borhat parpudi+ mangihutton rombongan ni nasida na tolu marga i.”

32 Akka i ma halak Israel na didaftar mangihutton keluarga ni pihak bapak ni nasida. Godang ni nasida sude na gabe tentara, i ma 603.550 halak.+ 33 Alai dang dohot halak Lepi didaftarhon+ rap dohot halak Israel na asing i.+ Ai songon i do diparettahon Jahowa tu si Musa. 34 Diulahon halak Israel i do sude na diparettahon Jahowa tu si Musa. Songon i ma nasida markemah jala borhat+ mangihutton rombongan ni nasida na tolu marga.+ Ditottuhon do i mangihutton margana, dohot keluarga na sian pihak bapak ni nasida.

3 Akka on ma pinoppar ni si Aron dohot si Musa tikki na makkatai Jahowa tu si Musa di Dolok Sinai.+ 2 Akka on ma anak ni si Aron: siakkanganna si Nadab, dung i si Abihu,+ si Eleasar,+ dohot si Itamar.+ 3 Akka i ma anak ni si Aron. Nasida do na dipillit* jala na dilantik lao marhobas gabe malim.+ 4 Alai nungnga mate si Nadab dohot si Abihu di jolo ni Jahowa, jala dang adong anak ni nasida. Ai tikki di Gurun Sinai, dipelehon nasida do pelean di jolo ni Jahowa, alai dang diihutton nasida tudu-tudu songon na didok di patik tikki mangalehon pelean i.+ Molo si Eleasar+ dohot si Itamar,+ toktong do marhobas gabe malim rap dohot si Aron bapak ni nasida.

5 Didok Jahowa ma muse tu si Musa, 6 “Suru ma marga Lepi i+ ro, asa jongjong nasida di jolo ni si Aron malim i. Nasida ma na lao mangurupi+ si Aron. 7 Ikkon ulahonon ni nasida do tanggung jawab ni nasida tu si Aron dohot tu sude halak Israel i di jolo ni kemah parpunguan. Ikkon diulahon nasida do akka ulaon na di tabernakel. 8 Nasida ma na ikkon mangurus sude peralatan+ ni kemah parpunguan i. Jala ikkon diulahon nasida do tanggung jawab ni nasida tu halak Israel i, marhite mangulahon akka ulaon na di tabernakel.+ 9 Papulik ma halak Lepi sian halak Israel. Ai nasida do na dipillit lao mangurupi si Aron dohot akka anakna.+ 10 Lantik ma si Aron dohot akka anakna lao mangulahon tugas ni akka malim.+ Manang ise halak na asing* na ro tu labbung ni inganan na badia i, ikkon dipamate do ibana.”+

11 Dung i didok Jahowa ma muse tu si Musa, 12 “Hupillit do halak Lepi sian tonga-tonga ni halak Israel, lao gabe gatti ni sude anak siakkangan* ni halak Israel.+ Alani i, gabe appunakku ma halak Lepi. 13 Appunakku do sude akka na parjolo tubu.+ Tikki hupamate sude anak siakkangan ni halak Mesir,+ dohot anak ni binatang ni nasida na parjolo tubu, gabe hupapulik* do di Au anak siakkangan ni halak Israel, dohot anak ni binatang ni nasida na parjolo tubu.+ Appunakku do i sudena. Au do Jahowa.”

14 Dung i, makkatai ma muse Jahowa dohot si Musa di Gurun Sinai.+ Didok ma, 15 “Bahen ma daftar ni akka pinoppar ni si Lepi mangihutton marga dohot keluarga na sian pihak ni bapak ni nasida. Daftar ma mulai sian na marumur sabulan tu ginjang.”+ 16 Didaftar si Musa ma nasida songon na diparettahon Jahowa. 17 Akka on ma goar ni anak ni si Lepi: si Gerson, si Kohat, dohot si Merari.+

18 Akka anak ni si Gerson, i ma si Libni dohot si Simei.+ Goar ni nasida ma na dipakke gabe goar ni keluarga ni pinoppar ni nasida.

19 Akka anak ni si Kohat, i ma si Amram, si Ishar, si Hebron, dohot si Usiel.+ Goar ni nasida ma na dipakke gabe goar ni keluarga ni pinoppar ni nasida.

20 Akka anak ni si Merari, i ma si Mahli+ dohot si Musi.+ Goar ni nasida ma na dipakke gabe goar ni keluarga ni pinoppar ni nasida.

Akka i ma keluarga ni halak Lepi mangihutton keluarga ni pihak bapak ni nasida.

21 Sian pinoppar ni si Gerson, adong keluarga Libni+ dohot keluarga Simei. Nasida ma akka keluarga na sian pinoppar ni si Gerson. 22 Godang ni bawa na didaftar mulai umur sabulan tu ginjang, i ma 7.500 halak.+ 23 Sude keluarga na sian pinoppar ni si Gerson markemah di pudi ni tabernakel,+ na di sabola barat. 24 Pamimpin ni keluarga pihak bapak na sian pinoppar ni si Gerson, i ma si Eliasap anak ni si Lael. 25 Tanggung jawab ni akka pinoppar ni si Gerson+ di kemah parpunguan, i ma mangurus tabernakel, kain kemah+ dohot sude panutupna,+ tire*+ na di pintu ni kemah parpunguan, 26 tire pembatas+ na di alaman, tire+ na di gerbang ni alaman na di sakaliling ni tabernakel dohot langgatan, akka tali ni kemah i, dohot sude akka ulaon na hombar tusi.

27 Sian pinoppar ni si Kohat, adong keluarga Amram, keluarga Ishar, keluarga Hebron, dohot keluarga Usiel. Nasida ma akka keluarga na sian pinoppar ni si Kohat.+ 28 Godang ni bawa na didaftar na marumur sabulan tu ginjang, i ma 8.600 halak. Nasida ma na martanggung jawab mangurus inganan na badia.+ 29 Sude keluarga na sian pinoppar ni si Kohat markemah di sabola selatan ni tabernakel.+ 30 Pamimpin ni keluarga pihak bapak na sian pinoppar ni si Kohat, i ma si Elisapan anak ni si Usiel.+ 31 Martanggung jawab do nasida lao mangurus poti inganan ni Patik,+ meja,+ inganan ni lampu,+ langgatan,+ akka peralatan+ na dipakke lao marhobas di inganan na badia, tire,*+ dohot sude ulaon na hombar tusi.+

32 Pamimpin ni halak Lepi, i ma si Eleasar+ anak ni si Aron malim i. Ibana ma na mangatur sude na martugas lao mangurus inganan na badia i.

33 Sian pinoppar ni si Merari, adong keluarga Mahli dohot keluarga Musi. Nasida ma akka keluarga na sian pinoppar ni si Merari.+ 34 Godang ni bawa na didaftar mulai umur sabulan tu ginjang, i ma 6.200 halak.+ 35 Pamimpin ni keluarga pihak bapak na sian pinoppar ni si Merari, i ma si Zuriel anak ni si Abihail. Sude keluarga na sian pinoppar ni si Merari markemah di sabola utara ni tabernakel.+ 36 Martanggung jawab do akka pinoppar ni si Merari lao mangurus sude rangka+ ni tabernakel, akka palangna,+ akka tiangna,+ alasna na marlubang, sude peralatanna,+ dohot sude ulaon na hombar tusi.+ 37 Jala nasida do muse na martanggung jawab lao mangurus akka tiang na adong di sakaliling ni alaman ni tabernakel i, rap dohot akka alasna na marlubang,+ patokna, dohot akka tali ni kemah i.

38 Si Musa, si Aron dohot akka anakna ma na markemah di jolo ni tabernakel na di sabola timur, doppak parbissar ni mataniari. Nasida ma na martanggung jawab mangurus inganan na badia i, lao manggattihon tugas ni halak Israel. Manang ise halak na asing* na ro tu labbung ni inganan na badia i, ikkon dipamate do ibana.+

39 Didaftarhon si Musa dohot si Aron ma sude bawa na sian marga Lepi na marumur sabulan tu ginjang songon paretta ni Jahowa. Didaftar do nasida mangihutton keluarga ni nasida. Godang ni nasida, i ma 22.000 halak.

40 Dung i didok Jahowa ma tu si Musa, “Daftar ma sude anak siakkangan ni halak Israel mulai sian na marumur sabulan tu ginjang.+ Etong ma sadia godang nasida jala bahen ma daftar ni akka goar ni nasida. 41 Dung i, papulik ma sude halak Lepi i lao di Au gatti ni anak siakkangan ni halak Israel.+ Jala papulik ma muse sude anak ni binatang ni halak Lepi na parjolo tubu, gatti ni anak ni binatang ni halak Israel na parjolo tubu.+ Ai Au do Jahowa.” 42 Dung i, didaftar si Musa ma sude anak siakkangan ni halak Israel. Ai songon i do na diparettahon Jahowa tu ibana. 43 Godang ni anak siakkangan ni halak Israel na didaftar goarna, na marumur sabulan tu ginjang, i ma 22.273 halak.

44 Dung i didok Jahowa ma tu si Musa, 45 “Papulik ma sude halak Lepi i gatti ni anak siakkangan ni halak Israel. Jala papulik ma sude anak ni binatang ni halak Lepi na parjolo tubu, gatti ni anak ni binatang ni halak Israel na parjolo tubu. Ai appunakku do halak Lepi i, Au do Jahowa. 46 Unggodang do anak siakkangan ni halak Israel sian halak Lepi.+ Unggodang do halak Israel i 273 halak. Alani i, lao manobus nasida,+ 47 ikkon papunguonmu ma lima sekel* lao gabe tobus ni sahalak.+ Jala sekel na dipakke mangihutton ukkuran sekel di inganan na badia.* Dos tu 20 gera* ma sada sekel.+ 48 Lehon ma hepeng i tu si Aron dohot tu akka anakna. Hepeng i ma na gabe tobus ni na 273 halak i.” 49 Jadi dipapungu si Musa ma hepeng i lao manobus na 273 halak i. 50 Dijalo ibana ma hepeng sian akka anak siakkangan ni halak Israel i. Godangna 1.365 sekel mangihutton ukkuran sekel na dipakke di inganan na badia. 51 Dung i dilehon si Musa ma hepeng tobusan i tu si Aron dohot tu akka anakna, songon na nidok ni Jahowa i. Ai songon i do paretta ni Jahowa tu si Musa.

4 Dung i makkatai ma muse Jahowa tu si Musa dohot tu si Aron. Ninna ma, 2 “Bahen ma sensus lao mangetong pinoppar ni si Kohat+ na adong di tonga-tonga ni pinoppar ni si Lepi. Etong ma nasida mangihutton marga dohot keluarga na sian pihak ni bapak ni nasida. 3 Etong ma na marumur 30+ sahat tu 50 taon.+ Nasida ma na dohot tu kelompok na martugas di kemah parpunguan.+

4 “Akka on ma tugas ni pinoppar ni si Kohat di kemah parpunguan i.+ Massai badia do on: 5 Tikki naeng borhat halak Israel, ikkon masuk do si Aron dohot akka anakna tu kemah parpunguan i. Dibukka nasida ma tire pembatas i+ jala ditutup nasida ma poti+ inganan ni Patik i. 6 Ikkon dibahen nasida do tu ginjang ni poti i kain panutup na sian kulit ni anjing laut, jala ditutup ma muse pakke kain na balau, dung i dipasang ma akka hau pangusungna.+

7 “Ikkon dipahembang nasida do muse kain na balau manutupi meja inganan ni roti pelean i.+ Jala dibahen nasida ma tu ginjangna piring, cakkir, baskom, dohot ceret na dipakke tu pelean siinumon.+ Jala ikkon toktong do adong di meja i roti pelean.+ 8 Ikkon ditutup nasida do i muse dohot kain na merah, jala ditutup ma i muse pakke kain panutup na sian kulit ni anjing laut. Dung i, dipasang nasida ma akka hau pangusungna.+ 9 Dibuat nasida ma muse kain na balau lao manutupi inganan ni lampu+ dohot sude lampuna,+ akka penjepit ni sumbu, inganan ni gara ni api,+ dohot sude inganan ni miak ni lampu i. 10 Ikkon dibukkus nasida do i sude rap dohot sude peralatanna mamakke kain panutup na sian kulit ni anjing laut. Dung i, dipeakkon nasida ma i tu ginjang ni inganan pangusungna. 11 Dipahembang nasida ma muse kain na balau lao manutupi langgatan na sian mas i.+ Jala ditutup ma i muse pakke kain panutup na sian kulit ni anjing laut. Dung i, dipasang nasida ma hau pangusungna.+ 12 Dibuat nasida ma sude peralatan+ na somal dipakke lao marhobas di inganan na badia. Dibahen nasida ma i sude tu kain na balau, jala dibukkus mamakke kain panutup na sian kulit ni anjing laut. Dung i, dipeakkon nasida ma i tu ginjang ni inganan pangusungna.

13 “Ikkon dibolokkon nasida do abu* na sian langgatan i,+ jala ditutup nasida ma i mamakke kain wol na ungu. 14 Dung i dibahen nasida ma muse tu ginjangna sude peralatan na dipakke tikki marhobas di langgatan,+ i ma inganan ni gara ni api, garpu, sekop, dohot baskom. Dipahembang nasida ma muse kain panutup na sian kulit ni anjing laut lao manutup sudena i. Jala dipasang nasida ma muse akka hau pangusungna.+

15 “Tikki naeng borhat bangso i, ikkon jolo sae do si Aron dohot akka anakna manutup sude akka barang na di inganan na badia,+ dohot sude peralatan na di inganan na badia i. Dung sae pe i asa boi ro akka pinoppar ni si Kohat lao mangangkat sudena i.+ Alai dang boi dijama nasida akka barang na badia i, asa unang mate nasida.+ Akka i ma tugas ni pinoppar ni si Kohat di kemah parpunguan.

16 “Si Eleasar+ anak ni Malim Aron ma na mangurus miak ni lampu,+ dupa na angur,+ pelean sipanganon* na dilehon ganup ari, dohot miak na badia.*+ Ibana ma na mangawasi sude tabernakel dohot sude na adong di bagasanna, dohot ma i inganan na badia dohot sude peralatanna.”

17 Didok Jahowa ma muse tu si Musa dohot tu si Aron, 18 “Sotung dipasombu ho mate sude akka pinoppar ni si Kohat+ sian tonga-tonga ni marga Lepi. 19 On ma bahen tu nasida asa toktong nasida mangolu. Ikkon masuk do si Aron dohot akka anakna tu kemah parpunguan. Ikkon ditottuhon nasida do tugas ni ganup halak, jala na dia na ikkon boanonna. Ai mate do nasida molo ro tu labbung ni akka barang na massai badia i.+ 20 Dang boi nasida masuk lao mangida akka barang na badia i, nang pe holan satokkin asa unang mate nasida.”+

21 Dung i, didok Jahowa ma muse tu si Musa, 22 “Bahen ma sensus lao mangetong pinoppar ni si Gerson,+ mangihutton marga dohot keluarga na sian pihak ni bapak ni nasida. 23 Daftar ma sude na marumur 30 sahat tu 50 taon. Nasida ma na dohot tu kelompok na martugas di kemah parpunguan. 24 Akka on ma na ikkon diurus jala na ikkon diangkat akka keluarga pinoppar ni si Gerson:+ 25 Ikkon diangkat nasida do akka kain kemah ni tabernakel,+ kain panutup ni kemah parpunguan, panutup ni kemah, dohot kain panutup na sian kulit ni anjing laut na dibahen tu atas ni tabernakel,+ tire* na di pintu kemah parpunguan i,+ 26 tire pembatas na di alaman,+ tire* na di gerbang ni alaman+ na di sakaliling ni tabernakel dohot langgatan, akka tali ni kemah i, dohot sude peralatanna jala sude na dipakke lao marhobas disi. Akka i ma tugas ni nasida. 27 Ikkon diawasi si Aron dohot akka anakna do sude tugas dohot tanggung jawab na dilehon tu pinoppar ni si Gerson.+ Ikkon hamu do na manuru nasida lao mangangkat sude barang i. 28 Akka i ma tugas ni keluarga sian pinoppar ni si Gerson di kemah parpunguan i.+ Si Itamar+ anak ni Malim Aron ma na mangawasi sude karejo ni nasida.

29 “Daftar ma muse akka pinoppar ni si Merari,+ mangihutton marga dohot keluarga na sian pihak bapak ni nasida. 30 Daftar ma sude na marumur 30 sahat tu 50 taon. Nasida ma na dohot tu kelompok na martugas di kemah parpunguan. 31 Akka on ma tugas ni nasida+ di kemah parpunguan. Ikkon angkaton ni nasida do sude rangka+ ni tabernakel, akka palangna,+ tiangna,+ alasna na marlubang,+ 32 akka tiang+ pembatas na di sakaliling ni alaman, alasna na marlubang,+ akka patokna,+ akka tali kemah, sude peralatanna dohot sude barang na dipakke hombar tusi. Ikkon ditottuhon hamu do dia na lao angkaton ni ganup halak. 33 Akka i ma tugas ni pinoppar ni si Merari+ di kemah parpunguan. Si Itamar anak ni Malim Aron ma na mangawasi sude karejo ni nasida.”+

34 Dung i, didaftarhon si Musa, si Aron, dohot akka pamimpin+ ni halak Israel ma sude bawa pinoppar ni si Kohat+ mangihutton marga dohot keluarga pihak bapak ni nasida. 35 Didaftar ma sude na marumur 30 sahat tu 50 taon. Nasida ma na dohot tu kelompok na martugas di kemah parpunguan.+ 36 Godang ni na didaftar mangihutton keluarga ni nasida, i ma 2.750 halak.+ 37 Nasida ma na tardaftar sian keluarga pinoppar ni si Kohat. Nasida ma na marhobas di kemah parpunguan. Didaftar si Musa dohot si Aron do nasida dos songon na diparettahon Jahowa tu si Musa.+

38 Didaftar ma akka pinoppar ni si Gerson+ mangihutton marga dohot keluarga na sian pihak ni bapak ni nasida. 39 Didaftar ma sude na marumur 30 sahat tu 50 taon. Nasida ma na dohot tu kelompok na martugas di kemah parpunguan. 40 Godang ni na didaftar mangihutton keluarga ni nasida, i ma 2.630 halak.+ 41 Nasida ma na tardaftar sian keluarga pinoppar ni si Gerson. Nasida ma na marhobas di kemah parpunguan. Didaftar si Musa dohot si Aron do nasida dos songon na diparettahon Jahowa.+

42 Didaftar ma akka pinoppar ni si Merari mangihutton marga dohot keluarga na sian pihak ni bapak ni nasida. 43 Didaftar ma sude na marumur 30 sahat tu 50 taon. Nasida ma na dohot tu kelompok na martugas di kemah parpunguan.+ 44 Godang ni na didaftar mangihutton keluarga ni nasida, i ma 3.200 halak.+ 45 Nasida ma na tardaftar sian keluarga pinoppar ni si Merari. Didaftar si Musa dohot si Aron do nasida dos songon na diparettahon Jahowa tu si Musa.+

46 Didaftarhon si Musa, si Aron, dohot akka pamimpin ni halak Israel ma sude halak Lepi mangihutton marga dohot keluarga pihak bapak ni nasida. 47 Didaftar ma sude na marumur 30 sahat tu 50 taon. Nasida ma na martugas di kemah parpunguan dohot na mangangkat sude barang na di kemah parpunguan i.+ 48 Godang ni na tardaftar, i ma 8.580 halak.+ 49 Didaftar do nasida dos songon na diparettahon Jahowa tu si Musa. Nungnga ditottuhon akka tugas ni ganup halak dohot akka barang na lao boanonna. Didaftar ma nasida dos songon na diparettahon Jahowa tu si Musa.

5 Didok Jahowa ma muse tu si Musa, 2 “Paboa ma tu halak Israel asa dipapulik nasida inganan ni halak na hona kusta,*+ halak na kaluar cairan na songon nanah sian alat kelaminna,+ dohot halak na ramun* ala manjama halak naung mate.+ 3 Suru hamu ma nasida kaluar sian perkemahan i, bawa nang borua. Suru ma nasida kaluar, asa unang ramun perkemahan i dibahen nasida.+ Ai di tonga-tonga ni perkemahan i do Au tinggal.”*+ 4 Diulahon halak Israel i ma songon i. Disuru halak Israel ma nasida kaluar sian perkemahan, songon na diparettahon Jahowa tu si Musa.

5 Dung i, didok Jahowa ma muse tu si Musa, 6 “Dok ma tu halak Israel i, ‘Molo mangulahon dosa sahalak bawa manang borua jala dang setia tu Jahowa, marsala do ibana disi.+ 7 Ikkon diakkui+ ibana* do salana i jala ikkon digarar ibana* do sude gatti rugi naung ditottuhon alani dosana i. Jala ikkon ditambai ibana do muse 20 persen sian arga naung ditottuhon i.+ Dung i, dilehon ma i tu halak na rugi dibahen ibana. 8 Alai molo mate do donganna i, jala dang adong keluargana na jonok lao manjalo gatti rugi i, ikkon dilehon ma gatti rugi i tu Jahowa. Jala gabe appuna ni malim ma i. Alai ikkon dilehon ibana do muse biru-biru jantan lao gabe pelean pardamean.* Dipangido malim ma tu Debata asa disesa dosana.+

9 “‘Badia do sude sumbangan+ na dilehon halak Israel tu malim jala appuna ni malim do i.+ 10 Manang aha pe na badia na lao disumbangkon sasahalak, toktong do i gabe appunana.* Manang aha pe na disumbangkon tu malim, gabe appuna ni malim do i.’”

11 Didok Jahowa ma muse tu si Musa, 12 “Songon on ma dokkon tu halak Israel, ‘Molo selingkuh istri ni sahalak bawa, dang setia ibana tu suamina, 13 jala nungnga mangulahon seks ibana dohot bawa na asing,+ hape dang diboto suamina na masa i, jala toktong ditabunihon ibana, nungnga ramun borua i, nang pe dang adong saksi na mangida jala dang hea tardapot ibana mangulahon i. Alani i, on ma na ikkon diulahon: 14 Molo cemburu suamina i manang curiga tu istrina na so setia i, atik pe na tutu ramun istrina i manang dang, 15 ikkon diboan bawa i do istrina i tu jolo ni malim. Jala diboan ma muse pelean alani istrina i. Diboan ma saparsappulu epa* topung barli.* Alai, dang boi diusehon ibana miak manang haminjon* tu ginjang ni pelean i. Ai pelean sipanganon* alani na cemburu do i, na mambahen Debata mangingot hasalaanna.

16 “‘Dung i, ikkon suruon ni malim do asa ro borua i jala jongjong di jolo ni Jahowa.+ 17 Buaton ni malim ma aek na ias jala dibahen tu bagasan ni inganan na sian tano liat. Dibuat ibana ma muse abu na sian lante ni tabernakel, jala dipamasuk tu aek i. 18 Disuru malim ma borua i jongjong di jolo ni Jahowa jala dibukka ma ikat rambutna. Dung i, dipeakkon malim ma pelean sipanganon alani na cemburu i tu tangan ni borua i+ lao gabe parningotan tu hasalaan i. Diboan malim ma aek na paet na parohon bura.+

19 “‘Ikkon disuru malim ma borua i marsumpa jala dohononna ma tu borua i songon on, “Molo tutu do dang adong bawa na asing na mangulahon seks dohot ho dung muli ho tu suamim,+ jala dang selingkuh ho na mambahen ho gabe ramun, malua ma ho sian aek na paet na parohon bura on. 20 Alai molo tutu do ho ramun, ala selingkuh ho dung muli tu suamim, jala mangulahon seks ho dohot bawa na asing, . . .”+ 21 Ikkon suruon ni malim i ma borua i marsumpa na hona bura ibana molo diulahon ibana songon i. Jala dohonon ni malim ma tu borua i, “Sai dibahen Jahowa ma ho gabe tudosan ni halak tikki mamburai jala tikki mambahen sumpa di tonga-tonga ni bangsom. Bahenon ni Jahowa ma marhesut* hae-haem* jala balga butuham. 22 Masuk ma tu ususmu aek na parohon bura on, na mambahen balga butuham jala marhesut* hae-haem.”* Dung i, ikkon dohonon ni borua i ma, “Amen! Amen!”*

23 “‘Dung i, ikkon disurat malim do bura i di sada bukku, jala disesa ma i pakke aek na paet i. 24 Suruonna ma borua i manginum aek na paet na parohon bura i, masuk ma aek i tu dagingna, jala gabe haccit ma dihilala ibana. 25 Ikkon dibuat malim do pelean sipanganon alani na cemburu i+ sian tangan ni borua i. Diayun-ayunhon ma i tu pudi dohot tu jolo di jolo ni Jahowa. Dung i diboan ma i muse tu labbung ni langgatan. 26 Ikkon dibuat malim do sappohul pelean sipanganon i lao gabe tanda naung dipelehon sude pelean i tu Debata. Ditutung ma i di langgatan.+ Jala ikkon suruonna do borua i manginum aek na paet i. 27 Molo tutu naung ramun borua i, jala dang setia tu suamina, haccit ma dihilala borua i tikki diinum ibana aek i jala masuk tu dagingna. Balga ma butuhana jala marhesut* ma hae-haena.* Dipakke halak ma ibana gabe tudosan tikki mamburai di tonga-tonga ni bangsona. 28 Alai molo ias do borua i jala dang ramun, malua ma ibana sian hukuman i. Boi ma ibana hamil jala marianakkon.

29 “‘Akka i ma patik na marlakku alani na cemburu,+ i ma tikki selingkuh ra sahalak istri jala mambahen ramun dirina dung muli ibana tu suamina, 30 manang molo cemburu sahalak bawa tu istrina jala gabe curiga na so setia istrina i tu ibana. Ikkon suruonna do istrina i jongjong di jolo ni Jahowa. Jala ikkon bahenon ni malim do sude na didok di patik i tu borua i. 31 Dang sala suamina i, alai ikkon martanggung jawab do istrina i alani hasalaanna.’”

6 Dung i didok Jahowa ma muse tu si Musa, 2 “Songon on ma dokkon tu halak Israel, ‘Molo adong sahalak bawa manang borua na marjanji lao gabe halak Nasir*+ tu Jahowa, 3 dang boi inumonna anggur dohot akka siinumon na asing na maralkohol. Dang boi inumonna cuka anggur, manang cuka aha pe na maralkohol.+ Dang boi inumonna siinumon na dibahen sian buah anggur, jala dang boi allangonna buah anggur naung dipakoring manang na baru dibuat. 4 Saleleng gabe halak Nasir ibana, dang boi allangonna siallangon na dibahen sian buah anggur, dohot ma i buah anggur na tata dope manang holan kulitna.

5 “‘Saleleng diulahon ibana janjina gabe halak Nasir, dang boi gustingonna obukna.+ Ikkon toktong do ibana badia, jala ikkon pasombuonna ganjang obukna sahat tu na sae tikkina ibana dipapulik tu Jahowa. 6 Saleleng dipapulik ibana tu Jahowa, dang boi ibana jonok tu bakke ni halak* na mate. 7 Dang boi ibana jonok tu halak na mate, nang pe na mate i omakna manang bapakna, abangna manang adekna manang ibotona. Ai nungnga dipasombu ibana obukna ganjang lao gabe tanda na halak Nasir ibana. Alani i, dang boi bahenonna ramun* dirina.+

8 “‘Saleleng gabe halak Nasir ibana, badia do ibana di Jahowa. 9 Alai molo adong na mate toppu di labbungna,+ jala gabe ramun obukna i, i ma tanda naung dipapulik ibana tu Debata,* ikkon gustingonna do obukna i+ di ari na papituhon. Ai di ari i do dipaboa tu godang halak na so ramun be ibana. 10 Di ari na paualuhon, ikkon boanonna do dua anduhur manang dua anak ni darapati tu malim di jolo ni pintu kemah parpunguan. 11 Dipelehon malim ma sada pidong i gabe pelean hasesaan ni dosa, jala na sada nai gabe pelean situtungon. Ikkon dipangido malim do tu Debata asa disesa dosana.+ Ai nungnga mardosa ibana alani halak na mate i. Dung i, ikkon dipabadia ibana do dirina* di ari i jala pasombuonna ma tubu obukna. 12 Ikkon papulikonna ma muse dirina tu Jahowa gabe halak Nasir. Jala ikkon boanonna do sada biru-biru jantan na marumur sataon manang hurang lao gabe pelean hasalaanna. Alai gabe dang masuk kira be akka ari naung hea didalani ibana gabe sahalak Nasir. Ai nungnga sanga ramun ibana.

13 “‘On ma patik taringot tu halak Nasir: Molo dung sae sude ari naung dijanjihon ibana lao gabe sahalak Nasir,+ ikkon diboan do ibana tu pintu kemah parpunguan. 14 Disi, ikkon dipelehon ibana do tu Jahowa sada biru-biru jantan na sehat, na marumur sataon manang hurang lao gabe pelean situtungon,+ sada biru-biru boru-boru na sehat marumur sataon manang hurang lao gabe pelean hasesaan ni dosa,+ dohot sada biru-biru jantan na sehat lao gabe pelean pardamean.*+ 15 Ikkon dipelehon ibana do muse sakaranjang roti na so marragi na marbentuk golang, na dibahen sian topung na halus na dicampur dohot miak, roti na tipis na so marragi na diolesi dohot miak, pelean sipanganon,*+ dohot pelean siinumon.+ 16 Ikkon diboan malim ma sudena i tu jolo ni Jahowa jala dipelehon ibana ma pelean hasesaan ni dosa dohot pelean situtungonna. 17 Dipelehon malim ma biru-biru jantan i gabe pelean pardamean tu Jahowa rap dohot roti na so marragi na sakaranjang i. Ikkon dipelehon malim do muse pelean sipanganon+ dohot pelean siinumon.

18 “‘Ikkon dicukkur halak Nasir i do obukna+ na gabe tanda halak Nasir ibana. Dicukkur ma i di pintu kemah parpunguan. Dung i dibuat ma obukna naung dicukkur i,* jala ditutung ma i tu api na di toru ni pelean pardamean i. 19 Buaton ni malim ma sada hae-hae bagian jolo ni biru-biru jantan naung dirobus.+ Dibuat ma muse sada roti na so marragi na marbentuk golang sian karanjang i, dohot sada roti na tipis na so marragi. Alani i, dung dicukkur obukna na gabe tanda na halak Nasir ibana, dipeakkon ma sudena i tu tangan ni halak Nasir i. 20 Diayun-ayunhon malim ma i tu pudi dohot tu jolo gabe pelean na diayunhon di jolo ni Jahowa.+ Badia do sudena i jala bagian ni malim do i, dohot ma i andora na sian pelean na diayunhon i dohot pat na gabe bagian na badia i.+ Dung i, boi ma minum anggur halak Nasir i.

21 “‘On ma patik taringot tu halak Nasir+ na mambahen janji: Molo marjanji ibana na boi lehononna pelean tu Jahowa lobi sian na dipangido tu halak Nasir, ikkon pasautonna do janjina i mangihutton patik taringot tu halak Nasir.’”

22 Dung i didok Jahowa ma tu si Musa, 23 “Songon on ma dok tu si Aron dohot tu akka anakna, ‘Ikkon songon on do dohononmuna tikki lao mangido pasu-pasu+ sian Debata tu halak Israel:

24 “Sai anggiat ma dipasu-pasu Jahowa hamu+ jala dijaga Ibana hamu.

25 Sai anggiat ma las roha ni Jahowa mangida hamu,+ jala sai anggiat ma asi rohana tu hamu.

26 Sai anggiat ma dipatudu Jahowa burju ni rohana tu hamu jala dilehon dame tu hamu.”’+

27 Tikki mangido pasu-pasu nasida, ikkon dipakke do goarhu asa hupasu-pasu+ halak Israel i.”+

7 Dung sae si Musa pajongjokkon tabernakel i,+ dipispisson ibana ma miak tu tabernakel i,+ jala dipabadia ma i rap dohot akka barang na adong disi, langgatan, dohot akka peralatanna.+ Dung sae dipispisson ibana miak i jala dipabadia ibana sudena i,+ 2 dilehon akka pamimpin ni halak Israel+ ma pelean, i ma akka pamimpin ni ganup marga.* Akka pamimpin i do na mangawasi sensus na hea dibahen. 3 Diboan nasida ma tu jolo ni Jahowa onom padati* dohot 12 lombu jantan. Dua pamimpin mangalehon sada padati, jala ganup pamimpin mangalehon sada lombu. Diboan nasida ma i tu jolo ni tabernakel. 4 Didok Jahowa ma tu si Musa, 5 “Jalo ma sudena i sian nasida. Ai dipakke do sudena i lao marhobas di kemah parpunguan. Lehon ma sudena i tu halak Lepi, asa adong pakkeon ni nasida tu akka ulaon ni nasida be.”

6 Dijalo si Musa ma padati dohot lombu i, jala dilehon ma i tu halak Lepi. 7 Dilehon ibana ma dua padati dohot opat lombu tu akka pinoppar ni si Gerson, asa adong pakkeon ni nasida tu akka ulaon ni nasida.+ 8 Jala dilehon ma muse opat padati dohot ualu lombu tu akka pinoppar ni si Merari, asa adong pakkeon ni nasida tu akka ulaon ni nasida. Si Itamar anak ni Malim Aron ma na mangawasi sudena i.+ 9 Alai dang adong dilehon manang aha tu akka pinoppar ni si Kohat. Ai mangangkat akka barang na di inganan na badia i do tugas ni nasida.+ Jala dipundak nasida do sudena i.+

10 Dilehon akka pamimpin i ma muse pelean ni nasida tikki peresmian+ ni langgatan i, i ma tikki dipispisson miak tu langgatan i. Tikki diboan akka pamimpin i pelean ni nasida tu jolo ni langgatan, 11 didok Jahowa ma tu si Musa, “Ganup ari ikkon lehonon ni sahalak sian akka pamimpin i do peleanna lao peresmian ni langgatan i. Jala ikkon margatti-gatti do nasida mangalehon i ganup ari.”

12 Di ari na parjolo, si Nahason,+ anak ni si Aminadab na sian marga Juda ma na mangalehon peleanna. 13 Peleanna, i ma sada piring na sian perak na boratna 130 sekel,* dohot sada makkuk na sian perak na boratna 70 sekel, mangihutton ukkuran sekel na dipakke di inganan na badia.*+ Dibahen do gok tu piring i dohot tu makkuk i topung na halus na dicampur dohot miak lao gabe pelean sipanganon.*+ 14 Dilehon do muse sada cakkir* na sian mas na boratna 10 sekel, jala diisi do gok dupa tusi. 15 Dilehon do muse sada lombu jantan na poso, sada biru-biru jantan, dohot sada biru-biru jantan na marumur sataon manang hurang lao gabe pelean situtungon.+ 16 Dilehon do sada hambing na poso lao gabe pelean hasesaan ni dosa.+ 17 Jala dilehon do muse dua lombu jantan, lima biru-biru jantan, lima hambing jantan, dohot lima biru-biru jantan na marumur sataon lao gabe pelean pardamean.*+ Akka i ma pelean ni si Nahason anak ni si Aminadab.+

18 Di ari na paduahon, si Netaneel,+ anak ni si Zuar pamimpin ni marga Isasar ma na mamboan pelean. 19 Peleanna, i ma sada piring na sian perak na boratna 130 sekel, dohot sada makkuk na sian perak na boratna 70 sekel, mangihutton ukkuran sekel na dipakke di inganan na badia.+ Dibahen do gok tu piring i dohot tu makkuk i topung na halus na dicampur dohot miak lao gabe pelean sipanganon.+ 20 Dilehon do muse sada cakkir na sian mas na boratna 10 sekel, jala diisi do gok dupa tusi. 21 Dilehon do muse sada lombu jantan na poso, sada biru-biru jantan, dohot sada biru-biru jantan na marumur sataon manang hurang lao gabe pelean situtungon.+ 22 Dilehon do sada hambing na poso lao gabe pelean hasesaan ni dosa.+ 23 Jala dilehon do muse dua lombu jantan, lima biru-biru jantan, lima hambing jantan, dohot lima biru-biru jantan na marumur sataon lao gabe pelean pardamean.+ Akka i ma pelean ni si Netaneel anak ni si Zuar.

24 Di ari na patoluhon, si Eliab+ anak ni si Helon pamimpin ni marga Zebulon ma na mamboan pelean. 25 Peleanna, i ma sada piring na sian perak na boratna 130 sekel, dohot sada makkuk na sian perak na boratna 70 sekel, mangihutton ukkuran sekel na dipakke di inganan na badia.+ Dibahen do gok tu piring i dohot tu makkuk i topung na halus na dicampur dohot miak lao gabe pelean sipanganon.+ 26 Dilehon do muse sada cakkir na sian mas na boratna 10 sekel, jala diisi do gok dupa tusi. 27 Dilehon do muse sada lombu jantan na poso, sada biru-biru jantan, dohot sada biru-biru jantan na marumur sataon manang hurang lao gabe pelean situtungon.+ 28 Dilehon do sada hambing na poso lao gabe pelean hasesaan ni dosa.+ 29 Jala dilehon do muse dua lombu jantan, lima biru-biru jantan, lima hambing jantan, dohot lima biru-biru jantan na marumur sataon lao gabe pelean pardamean.+ Akka i ma pelean ni si Eliab+ anak ni si Helon.

30 Di ari na paopatton, si Elizur+ anak ni si Sedeur pamimpin ni marga Ruben ma na mangalehon pelean. 31 Peleanna, i ma sada piring na sian perak na boratna 130 sekel, dohot sada makkuk na sian perak na boratna 70 sekel, mangihutton ukkuran sekel na dipakke di inganan na badia.+ Dibahen do gok tu piring i dohot tu makkuk i topung na halus na dicampur dohot miak lao gabe pelean sipanganon.+ 32 Dilehon do muse sada cakkir na sian mas na boratna 10 sekel, jala diisi do gok dupa tusi. 33 Dilehon do muse sada lombu jantan na poso, sada biru-biru jantan, dohot sada biru-biru jantan na marumur sataon manang hurang lao gabe pelean situtungon.+ 34 Dilehon do sada hambing na poso lao gabe pelean hasesaan ni dosa.+ 35 Jala dilehon do muse dua lombu jantan, lima biru-biru jantan, lima hambing jantan, dohot lima biru-biru jantan na marumur sataon lao gabe pelean pardamean.+ Akka i ma pelean ni si Elizur+ anak ni si Sedeur.

36 Di ari na palimahon, si Selumiel+ anak ni si Zurisaddai pamimpin ni marga Simeon ma na mangalehon pelean. 37 Peleanna, i ma sada piring na sian perak na boratna 130 sekel, dohot sada makkuk na sian perak na boratna 70 sekel, mangihutton ukkuran sekel na dipakke di inganan na badia.+ Dibahen do gok tu piring i dohot tu makkuk i topung na halus na dicampur dohot miak lao gabe pelean sipanganon.+ 38 Dilehon do muse sada cakkir na sian mas na boratna 10 sekel, jala diisi do gok dupa tusi. 39 Dilehon do muse sada lombu jantan na poso, sada biru-biru jantan, dohot sada biru-biru jantan na marumur sataon manang hurang lao gabe pelean situtungon.+ 40 Dilehon do sada hambing na poso lao gabe pelean hasesaan ni dosa.+ 41 Jala dilehon do muse dua lombu jantan, lima biru-biru jantan, lima hambing jantan, dohot lima biru-biru jantan na marumur sataon lao gabe pelean pardamean.+ Akka i ma pelean ni si Selumiel+ anak ni si Zurisaddai.

42 Di ari na paonomhon, si Eliasap+ anak ni si Deuel pamimpin ni marga Gad ma na mangalehon pelean. 43 Peleanna, i ma sada piring na sian perak na boratna 130 sekel, dohot sada makkuk na sian perak na boratna 70 sekel, mangihutton ukkuran sekel na dipakke di inganan na badia.+ Dibahen do gok tu piring i dohot tu makkuk i topung na halus na dicampur dohot miak lao gabe pelean sipanganon.+ 44 Dilehon do muse sada cakkir na sian mas na boratna 10 sekel, jala diisi do gok dupa tusi. 45 Dilehon do muse sada lombu jantan na poso, sada biru-biru jantan, dohot sada biru-biru jantan na marumur sataon manang hurang lao gabe pelean situtungon.+ 46 Dilehon do sada hambing na poso lao gabe pelean hasesaan ni dosa.+ 47 Jala dilehon do muse dua lombu jantan, lima biru-biru jantan, lima hambing jantan, dohot lima biru-biru jantan na marumur sataon lao gabe pelean pardamean.+ Akka i ma pelean ni si Eliasap+ anak ni si Deuel.

48 Di ari na papituhon, si Elisama+ anak ni si Amihud pamimpin ni marga Epraim ma na mangalehon pelean. 49 Peleanna, i ma sada piring na sian perak na boratna 130 sekel, dohot sada makkuk na sian perak na boratna 70 sekel, mangihutton ukkuran sekel na dipakke di inganan na badia.+ Dibahen do gok tu piring i dohot tu makkuk i topung na halus na dicampur dohot miak lao gabe pelean sipanganon.+ 50 Dilehon do muse sada cakkir na sian mas na boratna 10 sekel, jala diisi do gok dupa tusi. 51 Dilehon do muse sada lombu jantan na poso, sada biru-biru jantan, dohot sada biru-biru jantan na marumur sataon manang hurang lao gabe pelean situtungon.+ 52 Dilehon do sada hambing na poso lao gabe pelean hasesaan ni dosa.+ 53 Jala dilehon do muse dua lombu jantan, lima biru-biru jantan, lima hambing jantan, dohot lima biru-biru jantan na marumur sataon lao gabe pelean pardamean.+ Akka i ma pelean ni si Elisama+ anak ni si Amihud.

54 Di ari paualuhon, si Gamaliel+ anak ni si Pedazur pamimpin ni marga Manasse ma na mangalehon pelean. 55 Peleanna, i ma sada piring na sian perak na boratna 130 sekel, dohot sada makkuk na sian perak na boratna 70 sekel, mangihutton ukkuran sekel na dipakke di inganan na badia.+ Dibahen do gok tu piring i dohot tu makkuk i topung na halus na dicampur dohot miak lao gabe pelean sipanganon.+ 56 Dilehon do muse sada cakkir na sian mas na boratna 10 sekel, jala diisi do gok dupa tusi. 57 Dilehon do muse sada lombu jantan na poso, sada biru-biru jantan, dohot sada biru-biru jantan na marumur sataon manang hurang lao gabe pelean situtungon.+ 58 Dilehon do sada hambing na poso lao gabe pelean hasesaan ni dosa.+ 59 Jala dilehon do muse dua lombu jantan, lima biru-biru jantan, lima hambing jantan, dohot lima biru-biru jantan na marumur sataon lao gabe pelean pardamean.+ Akka i ma pelean ni si Gamaliel+ anak ni si Pedazur.

60 Di ari na pasiahon, si Abidan+ anak ni si Gideoni pamimpin+ ni marga Benjamin ma na mangalehon pelean. 61 Peleanna, i ma sada piring na sian perak na boratna 130 sekel, dohot sada makkuk na sian perak na boratna 70 sekel, mangihutton ukkuran sekel na dipakke di inganan na badia.+ Dibahen do gok tu piring i dohot tu makkuk i topung na halus na dicampur dohot miak lao gabe pelean sipanganon.+ 62 Dilehon do muse sada cakkir na sian mas na boratna 10 sekel, jala diisi do gok dupa tusi. 63 Dilehon do muse sada lombu jantan na poso, sada biru-biru jantan, dohot sada biru-biru jantan na marumur sataon manang hurang lao gabe pelean situtungon.+ 64 Dilehon do sada hambing na poso lao gabe pelean hasesaan ni dosa.+ 65 Jala dilehon do muse dua lombu jantan, lima biru-biru jantan, lima hambing jantan, dohot lima biru-biru jantan na marumur sataon lao gabe pelean pardamean.+ Akka i ma pelean ni si Abidan+ anak ni si Gideoni.

66 Di ari na pasampuluhon, si Ahieser+ anak ni si Amisaddai pamimpin ni marga Dan ma na mangalehon pelean. 67 Peleanna, i ma sada piring na sian perak na boratna 130 sekel, dohot sada makkuk na sian perak na boratna 70 sekel, mangihutton ukkuran sekel na dipakke di inganan na badia.+ Dibahen do gok tu piring i dohot tu makkuk i topung na halus na dicampur dohot miak lao gabe pelean sipanganon.+ 68 Dilehon do muse sada cakkir na sian mas na boratna 10 sekel, jala diisi do gok dupa tusi. 69 Dilehon do muse sada lombu jantan na poso, sada biru-biru jantan, dohot sada biru-biru jantan na marumur sataon manang hurang lao gabe pelean situtungon.+ 70 Dilehon do sada hambing na poso lao gabe pelean hasesaan ni dosa.+ 71 Jala dilehon do muse dua lombu jantan, lima biru-biru jantan, lima hambing jantan, dohot lima biru-biru jantan na marumur sataon lao gabe pelean pardamean.+ Akka i ma pelean ni si Ahieser+ anak ni si Amisaddai.

72 Di ari na pasappulu sadahon, si Pagiel+ anak ni si Okran pamimpin ni marga Aser ma na mangalehon pelean. 73 Peleanna, i ma sada piring na sian perak na boratna 130 sekel, dohot sada makkuk na sian perak na boratna 70 sekel, mangihutton ukkuran sekel na dipakke di inganan na badia.+ Dibahen do gok tu piring i dohot tu makkuk i topung na halus na dicampur dohot miak lao gabe pelean sipanganon.+ 74 Dilehon do muse sada cakkir na sian mas na boratna 10 sekel, jala diisi do gok dupa tusi. 75 Dilehon do muse sada lombu jantan na poso, sada biru-biru jantan, dohot sada biru-biru jantan na marumur sataon manang hurang lao gabe pelean situtungon.+ 76 Dilehon do sada hambing na poso lao gabe pelean hasesaan ni dosa.+ 77 Jala dilehon do muse dua lombu jantan, lima biru-biru jantan, lima hambing jantan, dohot lima biru-biru jantan na marumur sataon lao gabe pelean pardamean.+ Akka i ma pelean ni si Pagiel+ anak ni si Okran.

78 Di ari na pasappulu duahon, si Ahira+ anak ni si Enan pamimpin ni marga Naptali ma na mangalehon pelean. 79 Peleanna, i ma sada piring na sian perak na boratna 130 sekel, dohot sada makkuk na sian perak na boratna 70 sekel, mangihutton ukkuran sekel na dipakke di inganan na badia.+ Dibahen do gok tu piring i dohot tu makkuk i topung na halus na dicampur dohot miak lao gabe pelean sipanganon.+ 80 Dilehon do muse sada cakkir na sian mas na boratna 10 sekel, jala diisi do gok dupa tusi. 81 Dilehon do muse sada lombu jantan na poso, sada biru-biru jantan, dohot sada biru-biru jantan na marumur sataon manang hurang lao gabe pelean situtungon.+ 82 Dilehon do sada hambing na poso lao gabe pelean hasesaan ni dosa.+ 83 Jala dilehon do muse dua lombu jantan, lima biru-biru jantan, lima hambing jantan, dohot lima biru-biru jantan na marumur sataon lao gabe pelean pardamean.+ Akka i ma pelean ni si Ahira+ anak ni si Enan.

84 Akka on ma pelean na dilehon akka pamimpin ni halak Israel tikki peresmian+ ni langgatan i, i ma tikki dipispisson miak tu langgatan i. Dilehon nasida do 12 piring na sian perak, 12 makkuk na sian perak, dohot 12 cakkir na sian mas.+ 85 Borat ni sada piring na sian perak, i ma 130 sekel, jala borat ni sada makkuk na sian perak, i ma 70 sekel. Jadi sude borat ni perak i, i ma 2.400 sekel mangihutton ukkuran sekel na dipakke di inganan na badia.+ 86 Jala borat ni sada cakkir na sian mas na marisi dupa, i ma 10 sekel mangihutton ukkuran sekel na dipakke di inganan na badia. Jadi borat ni mas na dipakke tu 12 cakkir, i ma 120 sekel. 87 Godang ni binatang na dilehon lao gabe pelean situtungon, i ma 12 lombu jantan, 12 biru-biru jantan, dohot 12 biru-biru jantan anakna na marumur sataon. Jala dilehon do muse pelean sipanganon dohot 12 hambing na poso lao tu pelean hasesaan ni dosa. 88 Godang ni binatang na dilehon lao gabe pelean pardamean, i ma 24 lombu jantan, 60 biru-biru jantan, 60 hambing jantan, dohot 60 biru-biru jantan na marumur sataon. Akka i ma pelean na dilehon tikki peresmian+ ni langgatan, i ma tikki dipispisson miak tu langgatan i.+

89 Manang sadihari pe si Musa masuk tu kemah parpunguan i lao makkatai dohot Debata,*+ begeonna ma soarana sian tonga-tonga ni kerubim*+ na adong di atas ni panutup+ ni poti inganan ni Patik i. Songon i ma Debata makkatai dohot ibana.

8 Didok Jahowa ma tu si Musa, 2 “Songon on ma dokkon tu si Aron, ‘Tikki dipagalak ho lampu na pitu i, atur ma parpeakna asa tiur na di jolo ni inganan ni lampu i.’”+ 3 Diulahon si Aron ma songon i. Dipagalak ibana ma lampu i asa tiur na di jolo ni inganan ni lampu i,+ songon na diparettahon Jahowa tu si Musa. 4 Songon on ma cara mambahen inganan ni lampu i: Ditopa ma i sian mas. Ditopa+ do i mulai sian tiangna sahat tu kelopakna. Dibahen do i mangihutton contoh na dipatudu Jahowa tu si Musa marhite parnidaan.+

5 Didok Jahowa ma muse tu si Musa, 6 “Papulik ma halak Lepi sian tonga-tonga ni halak Israel jala pabadia ma nasida.+ 7 On ma na ikkon ulahononmu lao pabadiahon nasida. Pispisson ma aek lao paiasson dosa ni nasida. Suru ma asa dicukkur nasida sude ibbulu na di daging ni nasida jala asa disussi baju ni nasida, asa gabe badia nasida.+ 8 Ikkon buaton ni nasida do sada lombu jantan na poso.+ Jala ikkon boanon ni nasida do muse topung na halus na dicampur dohot miak lao gabe pelean sipanganon.*+ Ikkon buatonmu do muse sada nai lombu jantan na poso lao gabe pelean hasesaan ni dosa.+ 9 Dung i boan ma halak Lepi i tu jolo ni kemah parpunguan, jala suru ma sude halak Israel asa ro marpungu.+ 10 Tikki diboan ho halak Lepi i tu jolo ni Jahowa, suru ma halak Israel mameakkon tangan ni nasida tu ulu ni halak Lepi i.+ 11 Dung i, dipasahat* si Aron ma halak Lepi i tu jolo ni Jahowa gabe songon pelean na diayunhon+ na sian halak Israel. Ai nasida ma na lao marhobas tu Jahowa.+

12 “Dipeakkon halak Lepi i ma tangan ni nasida tu ulu ni akka lombu jantan i.+ Dung i, dipelehon nasida ma sada lombu i gabe pelean hasesaan ni dosa. Jala lombu na sada nai dipelehon gabe pelean situtungon tu Jahowa asa disesa dosa+ ni halak Lepi. 13 Suru ma halak Lepi i jongjong di jolo ni si Aron dohot akka anakna jala pasahat* ma nasida tu Jahowa songon pelean na diayunhon. 14 Papulik ma halak Lepi i sian tonga-tonga ni halak Israel. Ai appunakku do sude halak Lepi.+ 15 Dung i boi ma halak Lepi ro tu kemah parpunguan lao marhobas. Songon i ma ho pabadiahon nasida jala pasahatton* nasida gabe pelean na diayunhon. 16 Sian tonga-tonga ni halak Israel, nasida ma na dilehon tu Au gatti ni anak siakkangan* ni halak Israel.+ Buatokku ma nasida gabe appunakku. 17 Appunakku do sude anak siakkangan ni halak Israel dohot anak ni binatang ni nasida na parjolo tubu.+ Ai nungnga hupapulik* nasida lao di Au tikki hupamate sude anak siakkangan ni halak Mesir dohot binatang ni nasida na parjolo tubu.+ 18 Bahenokku ma halak Lepi i gatti ni anak siakkangan ni halak Israel. 19 Sian sude halak Israel, halak Lepi ma na lao pasahatonku tu si Aron dohot tu akka anakna. Nasida ma na marhobas di kemah parpunguan+ gatti ni halak Israel. Nasida ma na mangurupi malim lao mangido tu Debata asa disesa dosa ni halak Israel, asa unang marjea halak Israel+ ala ro tu labbung ni inganan na badia.”

20 Dibahen si Musa, si Aron, dohot sude halak Israel ma songon i tu halak Lepi i. Diulahon nasida do i dos songon na diparettahon Jahowa tu si Musa taringot tu halak Lepi. 21 Dipaias* halak Lepi ma diri ni nasida jala disussi ma baju ni nasida.+ Dung i dipasahat* si Aron ma nasida gabe songon pelean na diayunhon di jolo ni Jahowa.+ Jala dipangido si Aron ma tu Debata asa disesa dosa ni nasida, asa gabe ias nasida.+ 22 Dung i, ro ma halak Lepi i tu kemah parpunguan jala marhobas ma nasida disi. Si Aron dohot akka anakna ma na mangawasi nasida. Diulahon ma songon i tu halak Lepi i dos songon na diparettahon Jahowa tu si Musa.

23 Didok Jahowa ma muse tu si Musa, 24 “On ma peraturan na marlakku tu halak Lepi: Bawa na marumur 25 taon tu ginjang, ikkon dohot do tu kelompok na martugas di kemah parpunguan. 25 Alai molo nungnga 50 taon umurna, dang dohot be ibana tu kelompok na martugas di kemah parpunguan jala maradi ma ibana sian tugasna i. 26 Alai boi do urupan ni nasida marga Lepi na asing na marhobas di kemah parpunguan i, nang pe dang adong be tanggung jawab na dilehon tu nasida. Songon i ma na ikkon ulahononmuna tu halak Lepi dohot tu akka ulaon ni nasida.”+

9 Di bulan na parjolo+ di taon na paduahon, dung kaluar halak Israel sian Mesir, makkatai ma muse Jahowa tu si Musa di Gurun Sinai. Didok ma, 2 “Ikkon diparade halak Israel do pelean Paska+ di tikki naung ditottuhon.+ 3 Diparade ma i dung bonom mataniari* di ari na pasappulu opatton di bulan on. Ai di tikki i do ari na ditottuhon i. Ikkon diparade do i mangihutton aturan dohot cara naung ditottuhon.”+

4 Alani i, dipaboa si Musa ma tu halak Israel asa diparade pelean Paska. 5 Diparade nasida ma pelean Paska i di ari na pasappulu opatton di bulan na parjolo dung bonom mataniari.* Diparade nasida ma pelean i di Gurun Sinai. Diulahon halak Israel do i dos songon na diparettahon Jahowa tu si Musa.

6 Alai, adong ma piga-piga halak na ramun* ala dijama bakke ni jolma.+ Alani i, dang boi diparade nasida pelean Paska di ari i. Gabe ro ma nasida tu jolo ni si Musa dohot tu jolo ni si Aron di ari i.+ 7 Didok nasida ma, “Tutu, nungnga ramun hami ala nungnga manjama bakke ni halak na mate. Alai, na so boi be hami mangalehon pelean tu Jahowa rap dohot halak Israel di ari na ditottuhon i?”+ 8 Didok si Musa ma tu nasida, “Paima hamu ma dison, asa husukkun tu Jahowa manang na songon dia didok Ibana taringot tu hamu.”+

9 Didok Jahowa ma tu si Musa, 10 “Songon on ma dokkon tu halak Israel, ‘Molo adong sian hamu manang sian pinopparmuna na ramun ala manjama bakke ni halak na mate,+ manang na lao tu inganan na dao, ikkon toktong do paradeon ni nasida pelean Paska tu Jahowa. 11 Ikkon diparade nasida do pelean i di ari na pasappulu opatton di bulan na paduahon+ dung bonom mataniari.* Ikkon diallang ma i rap dohot roti na so marragi dohot sayur na paet.+ 12 Dang boi ditinggalhon nasida pelean i lao tu manogot.+ Jala dang boi maponggol dibahen nasida nanggo sada pe holi-holi ni pelean i.+ Ikkon diparade nasida do i mangihutton aturan naung ditottuhon taringot tu Paska. 13 Alai molo adong halak na so paradehon pelean Paska i, hape dang ramun ibana jala dang na lao ibana tu na dao, ikkon dipamate do ibana.+ Ai dang dilehon ibana pelean tu Jahowa di tikki naung ditottuhon. Alani i, ikkon martanggung jawab do ibana tu dosana i.

14 “‘Ikkon dohot do halak na sian bangso na asing na rap tinggal dohot hamu paradehon pelean Paska tu Jahowa.+ Ikkon dibahen nasida do i mangihutton aturan dohot cara naung ditottuhon taringot tu ari Paska.+ Alani i, sarupa do aturan na marlakku tu hamu dohot tu halak na sian bangso na asing na rap tinggal dohot hamu.’”+

15 Dung sae tabernakel i dipasang,+ ditutupi ombun ma tabernakel i, i ma kemah inganan ni poti na marisi patik i. Alai molo dung borngin, tarida ma ombun i songon api di atas ni tabernakel i sahat tu manogot.+ 16 Songon i ma torus na masa di atas ni tabernakel i. Tikki arian, adong ma ombun na manutupi tabernakel i, alai dung borngin songon api ma ombun i.+ 17 Manang sadihari pe ombun i naek sian atas ni tabernakel i, pittor borhat ma halak Israel.+ Jala manang didia pe so ombun i, disi ma halak Israel markemah.+ 18 Molo didok Jahowa pinda halak Israel, pinda ma nasida. Jala molo disuru Jahowa nasida markemah, markemah ma nasida.+ Saleleng di atas ni tabernakel ombun i, ikkon toktong do nasida markemah disi. 19 Molo saleleng piga-piga ari ombun i di atas ni tabernakel, oloan ni halak Israel do paretta ni Jahowa, dang pinda nasida sian inganan i.+ 20 Olo do saleleng piga-piga ari ombun i di atas ni tabernakel. Alani i, molo disuru Jahowa nasida toktong markemah, toktong ma nasida markemah. Jala molo disuru Jahowa nasida pinda, pinda ma nasida. 21 Olo do holan saborngin ombun i disi. Molo naek ombun i manogotna i, ikkon borhat do nasida. Manang sadihari pe ombun i naek, arian manang na borngin, ikkon borhat do nasida.+ 22 Olo do ombun i di atas ni tabernakel i saleleng dua ari, sabulan, manang lobi. Sadia leleng pe ombun i disi, ikkon toktong do halak Israel markemah disi jala dang borhat sian i. Alai molo naek ombun i, ikkon borhat do nasida. 23 Molo disuru Jahowa nasida markemah, markemah ma nasida. Jala molo disuru Jahowa nasida pinda, pinda ma nasida. Toktong do dioloi halak Israel Jahowa marhite mangulahon sude paretta na dipasahat Jahowa tu si Musa.

10 Dung i didok Jahowa ma tu si Musa, 2 “Bahen ma dua tarompet+ na ditopa sian perak. Pakke ma i lao manjou bangso i asa marpungu, manang tikki lao borhat. 3 Tikki diombus tarompet na dua i, marpungu ma sude halak Israel tu jolom di jolo ni pintu kemah parpunguan.+ 4 Alai molo holan sada do tarompet i diombus, holan akka pamimpin ni na sasaribu halak ma na ro marpungu tu jolom.+

5 “Molo muba-uba soara ni tarompet i, ikkon borhat do rombongan na markemah di sabola timur.+ 6 Molo makkuling muse tarompet i, jala muba-uba soarana, ikkon borhat do rombongan na markemah di sabola selatan.+ Ikkon songon i do soara ni tarompet i, molo naeng borhat sada sian rombongan na di perkemahan i.

7 “Tikki naeng dijou sude halak Israel i marpungu, ikkon diombus do tarompet i.+ Alai, dang boi bahenonna muba-uba soara ni tarompet i. 8 Ikkon akka anak ni si Aron, i ma akka malim i do na boi mangombus tarompet i.+ Marlakku do aturan cara mamakke tarompet on tu hamu dohot tu pinopparmuna saleleng ni lelengna.

9 “Molo adong musu na ro lao mangalo hamu di luatmuna i, ikkon diombus hamu do tarompet i lao manjou asa marporang.+ Dung i ingoton ni Jahowa Debatamuna i ma hamu jala paluaonna ma hamu sian musumuna.

10 “Jala tikki las rohamuna,+ i ma tikki mambahen akka perayaan+ manang di mula ni ganup bulan, ikkon diombus hamu do tarompet i. Ombus hamu ma i di jolo ni pelean situtungon+ dohot pelean pardamean.*+ Molo diulahon hamu i, ingotokku ma hamu. Ai Au do Jahowa Debatamuna.”+

11 Di ari na paduapuluhon, di bulan na paduahon,+ di taon na paduahon, naek ma ombun* i sian atas ni tabernakel,+ inganan ni poti na marisi patik i. 12 Borhat ma halak Israel sian Gurun Sinai mangihutton susunan naung ditottuhon.+ Dung i, so ma ombun i di Gurun Elaparan.+ 13 On dope parjolo sahali nasida borhat mangihutton paretta na dipaboa Jahowa marhite si Musa.+

14 Rombongan na tolu marga na dipimpin marga Juda ma na parjolo borhat. Borhat ma nasida mangihutton punguan* ni nasida be. Si Nahason+ anak ni si Aminadab ma na mamimpin rombongan i. 15 Pamimpin ni marga Isasar, i ma si Netaneel+ anak ni si Zuar. 16 Pamimpin ni marga Zebulon, i ma si Eliab+ anak ni si Helon.

17 Dung dibongkar tabernakel i,+ borhat ma pinoppar ni si Gerson+ dohot pinoppar ni si Merari+ mangangkat tabernakel i.

18 Dung i borhat ma muse rombongan na tolu marga na dipimpin marga Ruben. Borhat ma nasida mangihutton punguan* ni nasida be. Si Elizur+ anak ni si Sedeur ma na mamimpin rombongan i. 19 Pamimpin ni marga Simeon, i ma si Selumiel+ anak ni si Zurisaddai. 20 Pamimpin ni marga Gad, i ma si Eliasap+ anak ni si Deuel.

21 Dung i, borhat ma muse pinoppar ni si Kohat na mangangkat akka barang na di inganan na badia i.+ Ai nungnga ikkon jongjong tabernakel i andorang so sahat nasida.

22 Borhat ma muse rombongan na tolu marga na dipimpin marga Epraim. Borhat ma nasida mangihutton punguanna* be. Si Elisama+ anak ni si Amihud ma na mamimpin rombongan i. 23 Pamimpin ni marga Manasse, i ma si Gamaliel+ anak ni si Pedazur. 24 Pamimpin ni marga Benjamin, i ma si Abidan+ anak ni si Gideoni.

25 Borhat ma muse rombongan na tolu marga na dipimpin marga Dan. Borhat ma nasida mangihutton punguan* ni nasida be. Nasida ma rombongan na parpudi sian sude rombongan na di perkemahan i. Si Ahieser+ anak ni si Amisaddai ma pamimpin ni rombongan i. 26 Pamimpin ni marga Aser, i ma si Pagiel+ anak ni si Okran. 27 Pamimpin ni marga Naptali, i ma si Ahira+ anak ni si Enan. 28 On ma susunan na diihutton halak Israel dohot punguan* ni nasida tikki borhat nasida.+

29 Makkatai ma si Musa tu si Hobab anak ni simatuana, i ma si Reguel*+ halak Midian i, ninna ma, “Borhat nama hami tu inganan na dijanjihon Jahowa lao lehononna tu hami.+ Dohot ma hamu, ihutton hamu ma hami.+ Burju pe hami tu hamu. Ai nungnga marjanji Jahowa lao mangalehon akka na denggan tu halak Israel.”+ 30 Alai didok ibana ma, “Dang dohot au. Mulak nama au tu hutakku mandapotton keluargakku.” 31 Didok si Musa ma, “Tolong ma jo, unang tinggalhon hami. Ai ho do na mamboto didia hami boi markemah di gurun on. Ho do na boi patudu dalan* tu hami. 32 Molo rap ho dohot hami,+ sai na bagionnami do tu ho akka pasu-pasu na dilehon Jahowa tu hami.”

33 Borhat ma nasida sian dolok na pinillit ni Jahowa i.+ Mardalan ma nasida saleleng tolu ari lao mangalului inganan lao maradi.+ Saleleng di pardalanan i, di jolo ni nasida do dibahen poti+ parpadanan ni Jahowa. 34 Tikki mardalan nasida arian, di atas ni nasida do ombun+ ni Jahowa i manogu-nogu nasida.

35 Manang na sadihari pe diboan poti parpadanan i, didok si Musa do, “Hehe ma Ho ale Jahowa,+ bahen ma marserak sude musum. Jala bahen ma lari sude halak na marsogo ni roha tu Ho sian jolom.” 36 Tikki dipeakkon poti parpadanan i, didok si Musa do, “Ale Jahowa, ro ma Ho tu halak Israel na marribu-ribu na so taretong godangna i.”+

11 Mulai ma marungut-ungut halak Israel tu Jahowa, hira na susa hian ma ngolu ni nasida. Tikki dibege Jahowa na marungut-ungut nasida, muruk situtu ma Ibana. Diparo Jahowa ma api tu nasida, gabe mosok ma sude halak na di luar ni kemah. 2 Ro ma nasida mangandungi tu jolo ni si Musa. Alani i, martangiang ma si Musa mangelek Jahowa,+ gabe mate ma api i. 3 Dibahen ma goar ni inganan i Tabera.* Ai tusi do ro api ni Jahowa manutung nasida.+

4 Adong do halak sian bangso na asing*+ na rap tinggal dohot nasida na massai mokkus.+ Gabe dohot ma halak Israel sai tangis, huhut mandok, “Adong ma nian jagal allangonnami.+ 5 Tikki di Mesir, lomonami do mangallang dekke, so pola digarar. Songon i nang accimun, semangka, bawang pre, bawang merah, dohot bawang putih!+ 6 Alai saonari nungnga gale-gale be hami. Ai so adong sipanganon na asing. Holan manna i do.”+

7 Manna i,+ songon biji ketumbar+ jala songon gota ni hau damar.* 8 Biasana marserak do halak Israel lao papunguhon i. Digiling nasida ma i pakke gilingan tangan,* manang diduda nasida ma i di bagasan losung. Dirobus nasida ma i di hudon manang dibahen gabe roti na bulat.+ Daina songon kue na manis na dicampur dohot miak. 9 Molo turun nambur tu perkemahan i tikki borngin, dohot do manna i turun.+

10 Dibege si Musa ma na mangandungi halak Israel i. Mangandungi do ganup keluarga di jolo ni pintu kemahna be. Gabe muruk situtu ma Jahowa+ jala sogo hian ma roha ni si Musa tu nasida. 11 Dung i didok si Musa ma tu Jahowa, “Boasa gabe susa dibahen Ho naposomon? Aha huroha salakku umbahen na gabe sogo roham tu au? Boasa pola ikkon au na martanggung jawab tu bangso on?+ 12 Ai au huroha bapak ni bangso on? Ai au huroha na manubuhon nasida, umbahen na disuru Ho au marorot jala mangoppa nasida songon parorot ni poso-poso,* lao mamboan nasida tu luat na dijanjihonmi tu akka ompu ni nasida?+ 13 Sian dia ma buatokku jagal allangon ni bangso on? Ai sai mangandungi do nasida tu au. Didok nasida do, ‘Lehon jo jagal tu hami, naeng mangallang jagal hami!’ 14 Dang tolap au mamboan bangso on molo sahalakku. Paborattu do di au tanggung jawab on.+ 15 Molo torus do bahenonmu songon on tu au, tumagon ma pamate au saonari.+ Alai molo asi do roham tu au, unang be pasombu au susa.”

16 Didok Jahowa ma tu si Musa, “Pillit ma 70 bawa sian akka pangituai* ni halak Israel, na diboto ho sanggup gabe pengawas lao mangulahon akka ulaon on.+ Suru ma nasida ro tu kemah parpunguan jala jongjong rap dohot ho. 17 Ai turun nama Au+ lao makkatai rap dohot ho disi.+ Buatokku ma deba tondi parbadiakku+ na adong di ho, jala lehonokku ma i tu nasida. Urupan ni nasida ma ho mangatur bangso i, asa unang sahalakmu be na martanggung jawab tu nasida.+ 18 Dok ma tu bangso i, ‘Pabadia hamu ma dirimuna marsogot,+ ai mangallang jagal nama hamu. Nungnga dibege Jahowa be andung-andungmuna i.+ Ai didok hamu do, “Adong ma nian jagal allangonnami. Uttabo hian do ngolunami di Mesir.”+ Pasti lehonon ni Jahowa do jagal lao allangonmuna.+ 19 Jala dang holan allangon sadari manang 2 ari, manang 5 ari, manang 10 ari, manang 20 ari. 20 Alai allangonmuna ma i saleleng sabulan, sappe kaluar ma i sian igungmuna jala sappe muta-uta hamu.+ Ai nungnga disoadahon hamu Jahowa na sai mandongani hamu. Sai mangandungi do hamu di jolona, jala didok hamu do, “Boasa ma pola diboan hami kaluar sian Mesir?”’”+

21 Didok si Musa ma, “Adong 600.000 tentara+ di tonga-tonga ni bangso on. Hape didok Ho, naeng lehononmu nasida mangallang jagal. Jala sappe sabulan boi do allangon ni nasida i. 22 Tung diseat pe sude hambing, lombu, dohot biru-biru di nasida, dang cukkup i allangon ni nasida. Haru ditakkup pe sude dekke na di laut an, dang cukkup i allangon ni nasida.”

23 Didok Jahowa ma tu si Musa, “Ai na dirippu ho do na so sanggup Au Jahowa mangulahon i?+ Saonari idaonmu ma tutu do saut hatakki manang dang.”

24 Kaluar ma si Musa, jala dipaboa ibana ma hata ni Jahowa i tu halak Israel. Dipillit ibana ma 70 bawa sian akka pangituai ni halak Israel. Jala disuru ma nasida jongjong di sakaliling ni kemah parpunguan i.+ 25 Turun ma Jahowa di bagasan ombun+ jala makkatai ma tu si Musa.+ Dibuat Ibana ma deba tondi parbadia+ na adong di si Musa jala dilehon ma i tu pangituai na 70 halak i. Dung dilehon tondi parbadia i tu nasida, gabe songon panurirang*+ ma nasida. Alai dukkon i, dang hea be masa songon i.

26 Adong ma dua halak sian akka bawa i na tinggal di perkemahan, dang ro nasida tu kemah parpunguan.* Goarna si Eldad dohot si Medad. Ala dohot do goar ni nasida disurat songon akka bawa na asing i, dapotan tondi parbadia ma nasida. Alani i, gabe songon panurirang ma nasida di perkemahan. 27 Marlojong ma sahalak doli-doli mandapotton si Musa, ninna ma, “Nga songon panurirang be si Eldad dohot si Medad di perkemahan!” 28 Dung i, ro ma si Josua+ anak ni si Nun. Nungnga mulai sian na poso ibana mangurupi si Musa. Didok ma tu si Musa, “Ale tuan, paso ma nasida!”+ 29 Alai didok si Musa ma tu ibana, “Na mabiar do ho adong na manggattihon au? Unang ma songon i ho. Lomo do rohakku asa sude naposo ni Jahowa gabe panurirang, jala dilehon Jahowa tondi parbadiana tu nasida!” 30 Dung i mulak ma si Musa tu perkemahan rap dohot akka pangituai ni halak Israel.

31 Ro ma alogo na gogo sian Jahowa, diboan alogo i ma burung puyuh sian laut. Mardabuan ma akka pidong i dibahen alogo i di sakaliling ni perkemahan ni nasida,+ sappe tu inganan na daona sadari pardalanan sian parkemahan i. Hira-hira dua asta* ma timbo ni burung puyuh i martindi-tindi. 32 Di bagasan sadari, sahat tu borngin, songon i nang tu marsogotna i, torus ma dipapungu halak Israel burung puyuh i. Paling otik ma sappulu homer* dipapungu ganup halak. Dipaserak nasida ma burung puyuh i di sakaliling ni perkemahan ni nasida. 33 Alai dang habis dope diallang nasida jagal i, nungnga muruk situtu Jahowa tu nasida. Dihukum Jahowa ma nasida. Diparo ma sahit na posi tu bangso i.+

34 Dibahen nasida ma goar ni inganan i Kibrot-hataawa.*+ Ai disi do dikubur akka halak na mokkus i.+ 35 Borhat ma halak Israel sian Kibrot-hataawa tu Hazerot, jala di Hazerot ma nasida markemah.+

12 Dibuat si Musa do boru ni halak Kus gabe istrina.+ Alani i mulai ma diprotes si Miryam dohot si Aron ibana. 2 Didok nasida do, “Ai holan marhite si Musa huroha Jahowa makkatai? Marhite hita pe, makkatai do Ibana!”+ Jala dibege Jahowa do hata ni nasida i.+ 3 Si Musa do bawa na ullambok rohana* di tano on. Dang adong halak na songon ibana lambokna.+

4 Toppu ma makkatai Jahowa tu si Musa, tu si Aron, dohot tu si Miryam. Didok ma, “Ro ma hamu na tolu tu kemah parpunguan.” Dung i, lao ma nasida na tolu tusi. 5 Ro ma Jahowa di bagasan ombun+ jala jongjong di jolo ni pintu kemah parpunguan i. Dijou ibana ma si Aron dohot si Miryam, jala dipajonok nasida na dua ma. 6 Didok Ibana ma, “Tangihon hamu ma hatakkon. Molo adong di tonga-tongamuna sahalak panurirang* ni Jahowa, paboaokku do tu ibana ise Au marhite parnidaan.+ Jala makkatai do Au tu ibana marhite nipi.+ 7 Alai dang songon i hubahen tu si Musa naposokki. Nungnga hupasahat be sude bangsokki* tu ibana jala pos do rohakku tu ibana.*+ 8 Au do na langsung* makkatai tu ibana.+ Takkas do Au makkatai tu ibana, jala dang adong na buni.* Jala Au sandiri, Jahowa pataridahon dirikku tu ibana. Alai boasa barani hamu mandok hata na roa taringot tu si Musa naposokki?”

9 Muruk situtu ma Jahowa tu nasida na dua, gabe ditinggalhon Ibana ma nasida. 10 Pinda ma ombun i sian kemah i, jala hona kusta* ma si Miryam, bottar ma kulitna songon salju.+ Diida si Aron ma tu si Miryam jala diida ma nungnga hona kusta+ be si Miryam. 11 Pittor didok si Aron ma tu si Musa, “Asi ma roham tuan! Unang ma pasombu hami dihukum alani dosanami on! Ulaon na oto do na hubahen hami i. 12 Unang ma pasombu ibana songon poso-poso na mate tikki ditubuhon, naung satonga busuk dagingna tikki tubu!” 13 Jou-jou ma si Musa tu Jahowa, ninna ma, “Ale Debata, asi ma roham! Tolong ma pamalum ibana!”+

14 Didok Jahowa ma tu si Musa, “Molo bapakna sandiri manijuri bohina, ikkon dipaila do ibana saleleng pitu ari, dang i? Alani i, papulik ma ibana sian halak na asing saleleng pitu ari di luar ni perkemahan.+ Dukkon i pe boi ibana mulak muse.” 15 Dipapulik ma si Miryam sian halak na asing saleleng pitu ari di luar ni perkemahan.+ Jala saleleng dang mulak si Miryam, dang borhat halak Israel manang na tudia pe. 16 Dung i, borhat ma halak Israel sian Hazerot,+ jala markemah ma nasida di Gurun Elaparan.+

13 Didok Jahowa ma tu si Musa, 2 “Pillit ma sahalak pamimpin+ sian ganup marga ni halak Israel.+ Jala suru ma nasida gabe mata-mata* lao mamareso luat Kanaan, luat na lao silehonokki tu halak Israel.”

3 Dung i, disuru si Musa ma nasida borhat sian Gurun Elaparan,+ songon na diparettahon Jahowa. Akka pamimpin ni halak Israel do sude bawa na sinuruna i. 4 Akka on ma goar ni nasida: Sian marga Ruben, si Samua anak ni si Sakur, 5 sian marga Simeon, si Sapat anak ni si Hori, 6 sian marga Juda, si Kaleb+ anak ni si Jepune, 7 sian marga Isasar, si Igal anak ni si Josep, 8 sian marga Epraim, si Hosea+ anak ni si Nun, 9 sian marga Benjamin, si Palti anak ni si Rapu, 10 sian marga Zebulon, si Gaddiel anak ni si Sodi, 11 sian marga Josep+ (i ma marga Manasse),*+ si Gaddi anak ni si Susi, 12 sian marga Dan, si Ammiel anak ni si Gemali, 13 sian marga Aser, si Setur anak ni si Mikhael, 14 sian marga Naptali, si Nakbi anak ni si Vopsi, 15 jala sian marga Gad, si Geuel anak ni si Mahi. 16 Akka i ma goar ni bawa na disuru si Musa gabe mata-mata tu luat i. Dibahen si Musa ma goar ni si Hosea anak ni si Nun gabe si Josua.*+

17 Tikki lao borhat nasida gabe mata-mata tu luat Kanaan, didok si Musa ma tu nasida, “Lao ma hamu tu Negeb, jala nakkok ma hamu tu inganan na mardolok-dolok.+ 18 Ida hamu ma songon dia luat i.+ Ida hamu ma akka jolma na tinggal disi, gogo do nasida manang na gale, godang do nasida manang na otik. 19 Ida ma muse songon dia luat i, denggan do manang na roa, martembok do akka kotana, manang na tinggal di akka kemah do nasida. 20 Ida hamu ma tano na di luat i, subur do manang dang,+ tubu do akka hau manang na dang. Ikkon barani+ do hamu. Jala boan hamu ma parbue ni suan-suanan na tubu di luat i.” Tikki i, nungnga mulai panen anggur.+

21 Borhat ma nasida jala dimata-matai nasida ma luat i mulai sian Gurun Zin,+ tu Rehob+ na jonok tu Lebo-hamat.*+ 22 Tikki naeng tu Negeb nasida, sahat ma nasida di Hebron.+ Disi do maringanan si Ahiman, si Sesai, dohot si Talmai+ halak Anakim* i.+ Huta Hebron i dipajongjong pitu taon andorang so huta Zoan na di Mesir. 23 Tikki sahat nasida di Rura* Eskol,+ ditallik nasida ma sada dakka ni hau anggur jala adong satandan parbuena. Dibahen nasida ma hau asa boi diboan anggur i jala dua halak ma na mamboan i. Diboan nasida do muse deba buah delima dohot buah ara.+ 24 Dibahen nasida ma goar ni inganan i Rura* Eskol,*+ ai sian i do ditallik halak Israel dakka ni hau i.

25 Dung salpu 40 ari+ nasida gabe mata-mata tu luat i, mulak ma nasida. 26 Dijuppangi nasida ma si Musa, si Aron, dohot sude halak Israel di Gurun Elaparan na di Kades.+ Dipaboa nasida ma tu halak na marpungu i taringot tu luat i, jala dipatudu nasida ma akka parbue ni suan-suanan na sian luat i. 27 Songon on ma didok nasida tu si Musa, “Nungnga lao be hami tu luat na sinurumi. Massai godang do susu dohot madu di luat i.+ Jala on ma parbue ni suan-suanan na sian i.+ 28 Alai gogo-gogo do halak na tinggal disi, jala massai timbo do tembok ni kota ni nasida. Huida hami do muse halak Anakim disi.+ 29 Halak Amalek+ do na tinggal di luat Negeb.+ Molo halak Het, halak Jebus,+ dohot halak Amori+ tinggal di inganan na mardolok-dolok. Jala halak Kanaan+ tinggal di huta na di jonok ni laut+ sahat tu Sunge Jordan.”

30 Dung i, dipapos si Kaleb ma roha ni bangso i di jolo ni si Musa, ninna ma, “Beta, tataluhon ma nasida. Pasti boi do buatotta luat ni nasida i. Ai sanggup do hita mangalo nasida.”+ 31 Alai didok akka bawa na lao rap dohot si Kaleb i ma, “Dang taralo hita nasida. Ai umgogo do nasida sian hita.”+ 32 Torus ma dipaboa nasida tu halak Israel barita na so tutu+ taringot tu luat na dimata-matai nasida. Didok nasida do, “Luat na humata-matai hami i, luat na so boi inganan ni jolma. Dang boi mangolu hita disi. Jala muse botang-botang do halak na tinggal disi.+ 33 Huida hami do muse akka raksasa* pinoppar ni si Enak,+ i ma akka pinoppar ni Nepilim. Molo dibandingkon tu nasida, hira sihapor do hita. Pasti songon i do nasida mangida hita.”

14 Dung i, gogo ma mangangguki sude halak Israel di na saborngin i.+ 2 Marungut-ungut ma sude halak Israel i tu si Musa dohot tu si Aron.+ Didok nasida ma, “Tumagonan ma hami mate di Mesir manang mate di gurun on! 3 Boasa ma pola diboan Jahowa hami tu luat i? Asa pamateonna do hami pakke podang?+ Asa boanon ni musu do istri dohot ianakkonnami?+ Tumagon ma hami mulak tu Mesir!”+ 4 Didok nasida ma sama nasida, “Beta, tapillit ma sada pamimpin di hita, asa mulak hita tu Mesir!”+

5 Alani hata ni nasida i, marsinggang ma si Musa dohot si Aron di jolo ni sude halak Israel. 6 Dung i, ro ma si Josua+ anak ni si Nun dohot si Kaleb+ anak ni si Jepune na dohot gabe mata-mata tu luat i. Diribak nasida ma baju ni nasida. 7 Jala didok nasida ma tu halak Israel, “Massai denggan situtu do+ luat na humata-matai hami i. 8 Molo lomo do roha ni Jahowa mangida hita, boanonna do hita tu luat i. Jala lehononna do luat i tu hita, i ma luat na godang susu dohot madu.+ 9 Alai unang mangalo hamu tu Jahowa. Jala unang pola mabiar hamu tu akka halak na di luat i.+ Mura do tataluhon nasida,* ai so adong na manjaga nasida. Alai molo hita, donganan ni Jahowa do hita.+ Alani i, unang pola mabiar hamu tu nasida.”

10 Gabe naeng didangguri bangso i ma nasida.+ Alai toppu ma diida bangso i marsinondang hamuliaon ni Jahowa di atas ni kemah parpunguan i.+

11 Dung i didok Jahowa ma tu si Musa, “Sadia leleng nai dang diargai bangso on Au?+ Jala sadia leleng nai dang porsea nasida tu Au? Hape nungnga godang hubahen akka tanda halongangan* di jolo ni nasida.+ 12 Lok ma huparo sahit na masa di godang inganan, asa mate nasida sude. Jala tumagon ma pinopparmu hubahen gabe bangso na umbalga jala na umgogo sian nasida.”+

13 Alai didok si Musa ma tu Jahowa, “Nungnga pola dipatuduhon Ho huasom lao pakaluarhon bangsomon sian Mesir. Molo dibahen Ho do songon i, jala dibege halak Mesir i,+ 14 paboaon ni nasida ma i tu akka halak na di luat i. Hape nungnga dibege nasida na Ho do Jahowa na mandongani bangso on,+ jala naung takkas dipaboa Ho dirim tu bangsomon.+ Nungnga dibege nasida Ho do Jahowa na mambahen ombun* di jolo ni nasida, na mardalan di jolo ni nasida di bagasan ombun di tikki arian, jala di bagasan api* di tikki borngin.+ 15 Molo sahali sude do dipamate Ho bangso on, dohonon ni akka bangso naung mambege hasangaponmi ma songon on, 16 ‘Ai dang sanggup Jahowa i mamboan bangsona tu luat naung dijanjihon Ibana hian lao lehononna tu nasida. Alani i do dipamate Ibana nasida di gurun.’+ 17 Saonari, mangelek ma au tu Ho ale Jahowa, pataridahon ma huasom na balga i songon naung hea dijanjihon Ho. Ai didok Ho do, 18 ‘Au do Jahowa na lambat tarrimas, jala gok holong ni roha*+ do Au. Husesa do hasalaan ni halak, dohot hajahatonna. Alai dang pasombuonku dang dihukum halak na jahat. Ai manang ise na mangulahon na jahat, hona hukum do hubahen. Jala hupasombu do anakna, pahoppuna, dohot ninina manaon hasusaan alani dosana i.’+ 19 Alani i, patudu ma holong ni roham* na massai balga i, salpuhon ma hasalaan ni bangso on songon naung dibahen Ho tu bangso on mulai sian tikki di Mesir sahat tu saonari.”+

20 Didok Jahowa ma, “Husalpuhon pe dosa ni nasida songon pangidoanmi.+ 21 Alai nang pe songon i, songon pastina Au mangolu,* pasti gok do sogot hamuliaon ni Jahowa di liat portibi on.+ 22 Alai dang adong nanggo sada pe sian halak naung mangida hasangapokki, dohot tanda halongangan+ naung hubahen di Mesir dohot di gurun, na toktong dope mulak-ulak manguji Au,+ jala dang olo manangihon hatakku,+ 23 dang adong sian nasida na boi mangida luat naung hujanjihon i tu akka ompu ni nasida. Dang adong nanggo sahalak pe sian akka halak na so pasangappon Au i, na lao mangida luat i.+ 24 Alai anggo si Kaleb naposokki,+ asing do rohana sian na asing. Torus do diihutton ibana Au sian nasa rohana. Alani i, boanokku do ibana tu luat naung didalani ibana i, jala gabe appuna ni pinopparna ma tano i.+ 25 Marsogot, marbalik ma hamu muse doppak gurun pasir mardalan lewat sian dalan na tu Laut Merah.+ Ai di rura do halak Amalek dohot halak Kanaan+ maringanan.”

26 Dung i, didok Jahowa ma muse tu si Musa dohot tu si Aron, 27 “Sadia leleng nai marungut-ungut bangso na jahat on tu Au?+ Nungnga massai godang hubege ungut-ungut ni nasida.+ 28 Dokkon ma tu nasida, ‘“Songon pastina Au mangolu,” ninna Jahowa, “Songon hatamuna i do bahenokku tu hamu!+ 29 Marragean ma bahenokku bakke+ ni akka halak na marumur 20 taon tu ginjang, jala naung tardaftar, na sai marungut-ungut tu Au di gurun on.+ 30 Dang adong nanggo sada pe sian hamu na boi sahat tu luat naung hujanjihon lao ingananmuna,+ asing ni si Kaleb anak ni si Jepune dohot si Josua anak ni si Nun.+

31 “‘“Didok hamu do na lao boanon ni musu akka ianakkonmu.+ Alai nasida ma na lao boanokku masuk tu luat i. Nasida ma na lao mangida luat i. Ai lea do rohamuna mangida luat i.+ 32 Alai bahenokku ma marragean bakkemuna di gurun on. 33 Gabe parmahan ma akka ianakkonmuna di gurun on saleleng 40 taon.+ Ai dang setia hamu.* Alani i, nasida ma na martanggung jawab tu pambahenanmuna, sahat tu na mate halak na parpudi sian hamu di gurun on.+ 34 Nungnga dimata-matai hamu luat i saleleng 40 ari.+ Alani i, ikkon martanggung jawab ma hamu tu hasalaanmuna i saleleng 40 taon.+ Sataon ma gatti ni sadari, asa diboto hamu akibatna molo dialo hamu Au.*

35 “‘“On ma na lao bahenokku tu bangso na jahat on, na marsada mangalo Au: Di gurun on ma ujung ni ngolu ni nasida, dison ma nasida mate.+ Au do Jahowa na mandokkon i. 36 Jala akka bawa na sinuru ni si Musa gabe mata-mata tu luat i, na mambahen marungut-ungut bangso i tu ibana, i ma akka bawa na paboahon barita na so tutu taringot tu luat i dung mulak nasida,+ 37 ikkon dipamate do nasida. Au do Jahowa na manghukum jala na pamatehon sude akka bawa na paboahon akka barita na roa taringot tu luat i.+ 38 Alai anggo si Josua anak ni si Nun dohot si Kaleb anak ni si Jepune na dohot gabe mata-mata mamareso luat i, toktong do nasida mangolu.”’”+

39 Tikki dipaboa si Musa sude hata i tu halak Israel, marsak situtu ma nasida jala mangangguki. 40 Alai manogot nai, tibu ma nasida dungo jala lao ma nasida tu pussu ni dolok. Didok nasida ma, “Nungnga mardosa be hami.+ Alai saonari, rade do hami lao tu luat na nidok ni Jahowa i.” 41 Didok si Musa ma, “Boasa dang dioloi hamu paretta ni Jahowa? Dang na lao marhasil hamu. 42 Unang pola lao hamu. Ai dang didongani Jahowa hamu. Talu do hamu annon bahenon ni musu.+ 43 Halak Amalek dohot halak Kanaan do disi alomuna.+ Jala pamateon ni nasida ma hamu pakke podang. Ai dang diihutton hamu be Jahowa. Alani i, dang didongani Jahowa be hamu.”+

44 Nang pe songon i, dijugulhon nasida do lao tu pussu ni dolok i.+ Alai, anggo si Musa dohot poti parpadanan ni Jahowa, toktong do di tonga-tonga ni perkemahan i, dang meret nasida sian i.+ 45 Dung i, turun ma halak Amalek dohot halak Kanaan na tinggal di dolok i. Ditaluhon ma halak Israel i. Gabe marlarian ma nasida sahat tu Horma.+

15 Didok Jahowa ma muse tu si Musa, 2 “Songon on ma dokkon tu halak Israel, ‘Molo dung sahat hamu tu luat na lao lehonokki gabe ingananmuna,+ 3 pelehon hamu ma lombu, manang biru-biru, manang hambing gabe pelean na ditutung dohot api tu Jahowa lao mambahen uap na palashon roha ni Jahowa.+ Tikki dilehon hamuna i gabe pelean situtungon,+ manang pelean na dilehon hamu ala nungnga mambahen janji, manang pelean na dilehon sian na nionjar ni roha,+ manang pelean na dilehon hamu saleleng adong perayaan,+ 4 ikkon lehononmuna do tu Jahowa pelean sipanganon,* i ma saparsappulu epa* topung na halus+ na dicampur dohot saparopat hin* miak. 5 Jala ikkon lehononmuna do muse saparopat hin anggur gabe pelean siinumon tikki mamelehon pelean situtungon,+ manang tikki mamelehon anak ni biru-biru na jantan. 6 Manang tikki mamelehon biru-biru jantan, ikkon lehononmu do pelean sipanganon,* i ma dua parsappulu epa topung na halus na dicampur dohot sapartolu hin miak. 7 Jala lehon ma sapartolu hin anggur gabe pelean siinumon na uapna palashon roha ni Jahowa.

8 “‘Alai molo sada lombu jantan do dilehon hamu gabe pelean situtungon,+ manang gabe pelean na dilehon ala mambahen janji,+ manang gabe pelean pardamean* tu Jahowa,+ 9 ikkon lehononmuna do rap dohot pelean i pelean sipanganon, + i ma tolu parsappulu epa topung na halus na dicampur dohot satonga hin miak. 10 Ikkon lehononmuna do muse satonga hin anggur gabe pelean siinumon,+ gabe pelean na ditutung dohot api, na uapna mambahen las roha ni Jahowa. 11 Akka i ma na ikkon diulahon tikki dilehon sada lombu jantan, manang biru-biru jantan, manang biru-biru jantan na poso, manang hambing gabe pelean. 12 Manang sadia godang pe binatang na dilehon hamu gabe pelean, ikkon bahenonmuna do songon i tu ganup binatang na dipelehon i. 13 Songon i ma na ikkon bahenonmuna tikki mangalehon pelean na ditutung dohot api tu Jahowa, na uapna palashon rohana.

14 “‘Molo adong halak na sian bangso na asing na rap tinggal dohot hamu, manang halak naung leleng rap dohot hamu, na naeng mangalehon pelean na ditutung dohot api jala uapna palashon roha ni Jahowa, ikkon bahenonna do dos songon na binahenmuna i.+ 15 Marlakku do peraturan on tu hamu dohot tu akka halak na sian bangso na asing na tinggal rap dohot hamu. On ma peraturan na marlakku saleleng ni lelengna tu hamu dohot tu sude pinopparmuna. Sarupa do hamu dohot halak na sian bangso na asing i di jolo ni Jahowa.+ 16 Sarupa do patik dohot aturan naung ditottuhon na marlakku tu hamu dohot tu akka halak na sian bangso na asing na tinggal rap dohot hamu.’”

17 Didok Jahowa ma muse tu si Musa, 18 “Songon on ma dok tu halak Israel, ‘Molo dung sahat hamu tu inganan na lao hulehon tu hamu, 19 jala molo dung diallang hamu sipanganon* manang aha pe sian luat i,+ ikkon lehononmuna do silehon-lehon tu Jahowa. 20 Ikkon lehononmuna do hasil panenmuna na parjolo,+ i ma hasil ni topung kasar na parjolo na dibahen gabe roti na marbentuk golang. Pelehon ma i dos songon tikki mangalehon silehon-lehon sian inganan pardegean. 21 Ikkon lehononmuna dohot pinopparmuna do deba topung na kasar gabe silehon-lehon tu Jahowa, i ma topung kasar na dibahen sian hasil panenmuna na parjolo.*

22 “‘Molo diulahon hamu na sala, jala dang diulahon hamu sude paretta naung dipasahat Jahowa tu si Musa, 23 i ma sude paretta na dipaboa Jahowa tu hamu marhite si Musa, na marlakku tu pinopparmuna mulai sian na dipaboa Jahowa paretta i sahat tu saleleng ni lelengna, 24 molo dang sengaja hamu mangulahon na sala i, jala dang diboto bangso i na diulahon dosa i, ikkon lehonon ni bangso i ma sada lombu jantan anakna gabe pelean situtungon na uapna palashon roha ni Jahowa. Dilehon ma i rap dohot pelean sipanganon, dohot pelean siinumon, songon aturan naung dibahen.+ Jala ikkon pelehononmuna do muse sada anak ni hambing gabe pelean hasesaan ni dosa.+ 25 Pangidoon ni malim ma tu Debata asa disesa dosa ni bangso i. Disesa ma dosa ni nasida+ ala dang sengaja nasida mangulahon na sala i. Jala nungnga diboan nasida pelean na ditutung dohot api tu Jahowa, dohot pelean hasesaan ni dosa tu jolo ni Jahowa alani sala ni nasida i. 26 Disesa ma sude dosa ni halak Israel i dohot sude dosa ni halak na sian bangso na asing na tinggal rap dohot nasida. Ai sude do nasida dang sengaja mangulahon i.

27 “‘Molo adong halak na so sengaja mangulahon dosa, ikkon dipelehon ibana do sada hambing boru-boru na marumur sataon manang hurang gabe pelean hasesaan ni dosa.+ 28 Pangidoon ni malim ma tu Jahowa asa disesa dosa ni halak na so sengaja mangulahon dosa i. Dung i, disesa Debata ma dosana.+ 29 Sarupa do patik na marlakku tu halak Israel dohot tu halak na sian bangso na asing na rap tinggal dohot nasida, i ma tikki adong na so sengaja mangulahon dosa.+

30 “‘Alai molo adong halak na sengaja mangulahon dosa,+ halak Israel manang halak na sian bangso na asing, ikkon dipamate do ibana. Ai nungnga dileai ibana Jahowa. 31 Leas do rohana tu hata ni Jahowa jala dialo ibana do parettana. Alani i ikkon dipamate do ibana.+ Alani dosana sandiri do ibana dipamate.’”+

32 Tikki di gurun dope halak Israel diida nasida ma sahalak bawa papunguhon soban di ari Sabat.+ 33 Diboan nasida ma bawa na papunguhon soban i tu jolo ni si Musa, si Aron, dohot bangso i. 34 Dihurung ma bawa i,+ ala dang diboto nasida dope aha na lao bahenon ni nasida tu ibana.

35 Didok Jahowa ma tu si Musa, “Ikkon dipamate do bawa i,+ jala ikkon didangguri bangso i do ibana pakke batu di luar ni perkemahan.”+ 36 Diboan bangso i ma ibana tu luar ni perkemahan, jala didangguri nasida ma ibana sappe mate, songon na diparettahon Jahowa tu si Musa.

37 Didok Jahowa ma muse tu si Musa, 38 “Dokkon ma tu halak Israel asa dibahen nasida rambu di pinggir ni baju ni nasida bagian toru. Jala ikkon dibahen nasida do muse bonang na balau di atas ni renda ni baju ni nasida i.+ Ikkon songon i do bahenon ni nasida dohot sude pinoppar ni nasida. 39 ‘Ikkon bahenonmuna do renda i. Ai tikki diida hamu i, ingotonmuna ma sude paretta ni Jahowa, jala ulahononmuna ma i.+ Unang ihutton hamu pangidoan ni rohamuna dohot pangidoan ni matamuna. Ai boi do i mambahen hamu dang setia* tu Debata.+ 40 Paretta on ma na mangurupi hamu asa mangingot jala mangulahon sude parettakku. Alani i, gabe badia ma hamu di jolo ni Debatamuna.+ 41 Au do Jahowa Debatamuna, na mamboan hamu kaluar sian Mesir lao patuduhon na Au do Debatamuna.+ Au do Jahowa Debatamuna.’”+

16 Marpungu ma si Kora,+ rap dohot si Datan, si Abiram, dohot si On. Si Kora, i ma anak ni si Ishar,+ anak ni si Kohat,+ anak ni si Lepi.+ Si Datan dohot si Abiram, i ma anak ni si Eliab.+ Jala si On anak ni si Pelet. Pinoppar ni si Ruben+ do si Datan, si Abiram, dohot si On. 2 Marsada ma nasida mangalo si Musa. Marsada ma nasida rap dohot 250 halak Israel, i ma akka pamimpin ni bangso i, na dipillit sian tonga-tonga ni nasida, jala akka halak na sangap. 3 Marpungu ma nasida sude mangalo+ si Musa dohot si Aron. Didok nasida ma, “Paso ma na binahenmuna i! Badia do bangso on,+ jala didongani Jahowa do nasida.+ Boasa ma pola dibahen hamu untimbo dirimuna sian bangso ni Jahowa?”

4 Dung dibege si Musa i, marsinggang ma ibana. 5 Dung i didok ibana ma tu si Kora dohot tu akka na mangihutton ibana, “Manogot, paboaon ni Jahowa ma ise do na gabe appunana,+ ise na badia, ise na ikkon jonok tu Ibana,+ jala ise pillitonna+ na boi jonok tu Ibana. 6 Alani i, ho Kora dohot na mangihutton ho,+ ulahon hamu ma on: Buat hamu ma inganan ni gara ni api,+ 7 jala bahen ma gara ni api tusi. Marsogot, tutung ma dupa di jolo ni Jahowa. Manang ise na dipillit Jahowa,+ ibana ma na badia. Ai nungnga malobihu pambahenanmuna, hamu akka pinoppar ni si Lepi!”+

8 Didok si Musa ma tu si Kora, “Hamu akka pinoppar ni si Lepi, tangihon hamu ma. 9 Ai didok rohamuna, hurang dope on di hamu? Sian sude halak Israel on, nungnga dipapulik Debata ni Israel hamu.+ Diloas do hamu jonok tu Ibana lao marhobas di tabernakel ni Jahowa. Jala dibahen do hamu jongjong di jolo ni bangso on lao marhobas di nasida.+ 10 Diboan Ibana do hamu asa jonok tu Ibana rap dohot akka haha anggimuna pinoppar ni si Lepi. Hurang dope i di hamu? Ninna rohamu, na ikkon hamu do na gabe malim?+ 11 Alani i, na mangalo Jahowa do ho dohot akka na mangihutton ho. Ai ise huroha si Aron i, umbahen na marungut-ungut hamu tu ibana?”+

12 Dung i, disuru si Musa ma halak manjou si Datan dohot si Abiram+ anak ni si Eliab i. Alai didok nasida do, “Dang olo hami ro! 13 Nungnga diboan ho hami kaluar sian luat na godang susu dohot madu lao pamatehon hami di gurun on.+ Hurang dope i di ho? Saonari naeng gabe pamimpin ma ho di hami?* 14 Nimmu naeng boanonmu do hami tu luat na godang susu dohot madu,+ jala naeng lehononmu do di hami ladang dohot porlak anggur gabe parbagianannami. Dia ma luat i? Maksudmu, ihuttonon ni akka jolma on ma ho songon halak na mapitung?* Dang olo hami ro!”

15 Gabe muruk situtu ma si Musa. Didok ibana ma tu Jahowa, “Unang ma olo Ho mangida pelean sipanganon* ni nasida. Dang hea hubuat nanggo sada pe halode ni nasida. Jala dang hea hubahen na jahat tu nasida.”+

16 Didok si Musa ma tu si Kora, “Marsogot, ikkon ro do hamu sude tu jolo ni Jahowa. Ikkon ro do ho, akka na mangihutton ho, dohot si Aron. 17 Ganup halak ikkon mamboan inganan ni gara ni apina be. Jala dibahen ma dupa tusi. Boan ma i tu jolo ni Jahowa, 250 ma sude inganan ni gara ni api i. Ro ma hamu sude rap dohot si Aron, boan hamu ma inganan ni gara ni apimuna be.” 18 Ro ma nasida, jala sude do nasida mamboan inganan ni gara ni apina be. Dibahen nasida ma api dohot dupa tusi. Ro ma nasida tu jolo ni pintu kemah parpunguan jala jongjong ma nasida rap dohot si Musa dohot si Aron. 19 Tikki disuru si Kora marpungu akka na mangihutton ibana i+ di jolo ni pintu kemah parpunguan, diida bangso i ma marsinondang hamuliaon ni Jahowa.+

20 Didok Jahowa ma tu si Musa dohot tu si Aron, 21 “Papulik hamu ma dirimuna sian punguan i, asa pittor hupamate nasida di bagasan satokkin.”+ 22 Dung i marsinggang ma si Musa dohot si Aron, ninna ma, “Ale Tuhan, Debata na mangalehon ngolu tu sude jolma.+ Naeng hukumonmu do sude bangso on alani dosa ni sahalak?”+

23 Didok Jahowa ma tu si Musa, 24 “Dok ma tu bangso i, ‘Padao hamu ma dirimuna sian sakaliling ni kemah ni si Kora, si Datan, dohot si Abiram!’”+

25 Dung i lao ma si Musa rap dohot akka pangituai*+ ni Israel mandapotton si Datan dohot si Abiram. 26 Didok si Musa ma tu bangso i, “Padao hamu ma dirimuna sian kemah ni halak na jahat on. Jala unang jama hamu akka appuna ni nasida, asa unang dohot hamu mate alani dosa ni nasida.” 27 Pittor lao ma nasida mandao sian sakaliling ni kemah ni si Kora, si Datan, dohot si Abiram. Kaluar ma si Datan dohot si Abiram jala jongjong di pintu kemah ni nasida be, rap dohot istri ni nasida, anakkonna, dohot poso-poso ni nasida.

28 Didok si Musa ma, “Marhite na masa on, botoonmuna ma na sinuru ni Jahowa do au mangulahon on jala dang na lomo-lomokku mambahen on:* 29 Molo sarupa do parmate ni halak on songon parmate ni halak na asing, jala sarupa hukuman na dijalo nasida songon na dijalo sude jolma, i patuduhon dang tutu au disuru Jahowa.+ 30 Alai molo dibahen Jahowa do tu nasida na so hea masa, jala molo mabola* tano on mamboddut nasida dohot sude appuna ni nasida, jala mangolu nasida masuk tu Kuburan* i, botoonmuna ma akka halak na mangaleai Jahowa do nasida.”

31 Dung sae si Musa makkatai, pittor mabola+ ma tano inganan ni nasida jongjong. 32 Bola dua ma tano i, diboddut ma nasida, keluarga ni nasida, dohot sude na mangihutton si Kora+ rap dohot sude na adong di nasida. 33 Jala mangolu do nasida masuk tu Kuburan* i rap dohot sude halak na mangihutton nasida. Tartutup ma muse tano i manutupi nasida. Songon i ma nasida dipamate sian tonga-tonga ni bangso i.+ 34 Marlarian ma sude halak Israel na adong di sakaliling ni nasida, jala na mambege angguk-angguk ni nasida. Didok nasida ma, “Mabiar do hami, sotung dohot hami diboddut tano i!” 35 Dung i ro ma api sian Jahowa.+ Ditutung ma na 250 halak na mamelehon dupa i.+

36 Didok Jahowa ma tu si Musa, 37 “Paboa ma tu si Eleasar anak ni Malim Aron i, asa dibuat sude inganan ni gara ni api i+ sian api i. Ai badia do i sude. Paboa ma tu ibana muse asa dao dipasserakkon ibana apina.* 38 Inganan ni gara ni api ni halak na mate alani dosa ni nasida i, ikkon dibahen do gabe lempengan na tipis lao mangalappis langgatan.+ Ai nungnga dipelehon nasida i tu jolo ni Jahowa, jadi badia do i. Ikkon gabe tanda ma i tu sude halak Israel.”+ 39 Dipapungu Malim Eleasar ma akka inganan ni gara ni api na sian tombaga na dipelehon ni akka halak naung ditutung i. Ditopa ibana ma i lao gabe lapis ni langgatan. 40 Diulahon ibana ma i dos songon na diparettahon Jahowa marhite si Musa. Gabe parningotan ma i di halak Israel, na so boi halak na asing* na so sian pinoppar ni si Aron ro tu labbung ni Jahowa manutung dupa di jolona.+ Jala asa unang adong be na songon si Kora dohot sude na mangihutton ibana.+

41 Marsogotna i, ro ma sude halak Israel marungut-ungut tu si Musa dohot tu si Aron.+ Didok nasida ma, “Nungnga mate be bangso ni Jahowa dibahen hamu na dua.” 42 Tikki marpungu bangso i mangalo si Musa dohot si Aron, diida nasida ma doppak kemah parpunguan i. Diida nasida ma ditutupi ombun kemah i. Jala diida nasida ma marsinondang hamuliaon ni Jahowa.+

43 Ro ma si Musa dohot si Aron tu jolo ni kemah parpunguan.+ 44 Didok Jahowa ma tu si Musa, 45 “Papulik hamu ma dirimuna sian bangso i, asa pittor hupamate nasida di bagasan satokkin.”+ Gabe marsinggang ma nasida.+ 46 Dung i, didok si Musa ma tu si Aron, “Buat ma inganan ni gara ni api jala bahen ma gara na sian langgatan+ tusi, tutung ma dupa. Hatop ma ho lao tu bangso i, jala pangido ma tu Debata asa disesa dosa ni bangso i.+ Ai nungnga muruk situtu Jahowa. Jala nungnga ro be jea tu bangso on!” 47 Pittor dibuat si Aron ma i songon na didok si Musa. Marlojong ma ibana tu tonga-tonga ni bangso i, hape nungnga sahat jea i tu nasida. Dibahen ibana ma dupa tu atas ni inganan ni gara i, jala dipangido ibana ma tu Debata asa disesa dosa ni bangso i. 48 Torus ma ibana jongjong di holang-kolang ni halak naung mate dohot na mangolu i. Dung i so ma jea i. 49 Jadi 14.700 halak ma na mate alani jea i, asing ni na mate alani si Kora. 50 Tikki mulak muse si Aron mandapotton si Musa tu pintu ni kemah parpunguan i, nungnga so be jea i.

17 Didok Jahowa ma tu si Musa, 2 “Makkatai ma ho tu bangso Israel i. Jalo ma sian pamimpin ni ganup marga*+ sada tukkot. Sada tukkot ma sian ganup marga,* jadi 12 ma sude tukkot i. Jala surat ma goar ni ganup pamimpin di tukkotna be. 3 Surat ma goar ni si Aron di tukkot ni marga Lepi. Ai sada do tukkot tu ganup pamimpin ni marga.* 4 Sippan ma sude tukkot i di kemah parpunguan di jolo ni poti inganan ni Patik i,+ i ma inganakku na somal pataridahon dirikku tu hamu.+ 5 Tukkot ni manang ise na martunas, ibana ma na hupillit.+ Songon i ma carana Au pasohon ungut-ungut ni halak Israel, asa unang marungut-ungut be nasida tu Au+ dohot tu hamu.”+

6 Makkatai ma si Musa tu halak Israel. Dilehon sude pamimpin ni halak Israel i ma tukkot tu si Musa. Sada ma tukkot sian pamimpin ni ganup marga. Jadi 12 ma sude tukkot i, jala dohot do disi tukkot ni si Aron. 7 Disippan si Musa ma sude tukkot i tu jolo ni Jahowa, di bagasan kemah inganan ni poti na marisi patik i.

8 Marsogotna i, masuk ma si Musa tu kemah inganan ni poti na marisi patik i. Diida ibana ma, nungnga martunas tukkot ni marga Lepi, i ma tukkot ni si Aron i. Nungnga marbunga tukkot i jala nungnga adong parbuena, i ma buah almond naung malamun. 9 Diboan si Musa ma sude tukkot i sian jolo ni Jahowa, jala diboan ma i tu jolo ni sude halak Israel asa diida nasida. Dung i, dibuat nasida ma tukkotna be.

10 Didok Jahowa ma tu si Musa, “Sippan ma tukkot ni si Aron+ di jolo ni poti inganan na marisi patik i. Sippan ma i gabe tanda parningotan+ tu akka pangalo i.+ Marhite i, dang marungut-ungut be nasida tu Au, asa unang mate nasida.” 11 Pittor diulahon si Musa ma i. Diulahon ibana do i dos songon na diparettahon Jahowa tu ibana.

12 Didok halak Israel ma tu si Musa, “Saonari, mate nama hami. Pasti mate nama hami. Pamateonna nama hami sude! 13 Manang ise na jonok tu tabernakel ni Jahowa ikkon mate do.+ Alani i, pamateonna nama hami sude?”+

18 Didok Jahowa ma tu si Aron, “Ho dohot akka anakmu, nang akka pinopparmu ma na martanggung jawab molo adong na mangalanggar aturan taringot tu inganan na badia i.+ Jala ho dohot akka anakmu ma na martanggung jawab molo adong na mangalanggar aturan taringot tu ulaon ni malim.+ 2 Boan ma akka haha anggim na sian marga Lepi, marga ni bapakmi. Boan ma nasida asa dohot nasida mangurupi hamu+ dohot akka anakmu di jolo ni kemah inganan ni poti na marisi patik i.+ 3 Ikkon diulahon nasida do sude tugas na dilehon hamu tu nasida, dohot sude tugas na ikkon diulahon nasida taringot tu kemah parpunguan.+ Alai dang boi nasida ro tu labbung ni akka peralatan na di inganan na badia dohot na di langgatan, asa unang mate nasida dohot hamu.+ 4 Nasida ma na rap karejo dohot hamu. Ikkon diulahon nasida do tanggung jawab ni nasida taringot tu kemah parpunguan i, jala marhobas do nasida di kemah i. Alai halak na asing,* dang boi ro tu labbungmuna.+ 5 Ikkon ulahononmuna do tanggung jawabmuna di inganan na badia+ dohot di langgatan,+ asa unang muruk+ be Au tu halak Israel. 6 Au sandiri do na papulikkon donganmuna samarga halak Lepi i sian tonga-tonga ni halak Israel. Jala hulehon ma nasida tu hamu songon silehon-lehon.+ Dilehon do nasida gabe appuna ni Jahowa, jala na lao marhobas di kemah parpunguan.+ 7 Hamu dohot pinopparmuna ma na mangulahon tugas ni akka malim na diulahon di langgatan dohot di balik ni tire i.+ Hamu ma na ikkon mangulahon i.+ Songon sada silehon-lehon do di hamu tugas na hulehon i. Molo adong halak na asing* na jonok tu inganan na badia i, ikkon dipamate do.”+

8 Dung i, didok Jahowa ma tu si Aron, “Nungnga hupillit ho lao mangurus sude sumbangan na dilehon tu Au.+ Sian sude sumbangan na badia na dilehon halak Israel, adong do hulehon gabe bagianmu dohot pinopparmu. Jala i ma na gabe bagianmuna saleleng ni lelengna.+ 9 Bagianmuna do akka na massai badia na dibuat sian pelean na ditutung dohot api. Dibuat ma i sian pelean na diboan ni halak Israel tu Au, dohot ma i pelean sipanganon,*+ pelean hasesaan ni dosa,+ dohot pelean hasalaan.+ Ikkon massai badia do i di hamu dohot di akka pinopparmu. 10 Ikkon allangonmuna do i di inganan na massai badia.+ Boi do i allangon ni ganup bawa. Jala ikkon badia do i di hamu.+ 11 Bagianmuna do muse silehon-lehon na dilehon+ halak Israel rap dohot sude pelean na diayunhon.+ Nungnga hulehon sudena i tu hamu dohot tu anakmuna, songon i nang tu borumuna. Akka i ma bagianmuna saleleng ni lelengna.+ Manang ise na so ramun* di jabumuna boi do mangallang i.+

12 “Hulehon do tu hamu sude hasil na parjolo+ jala na dumenggan na dipelehon halak Israel tu Au, Jahowa. Hulehon do tu hamu miak, gandum,* dohot anggur na baru na dilehon nasida tu Au.+ 13 Hulehon do muse tu ho sude parbue ni hau na parjolo malamun sian ladang ni nasida na dilehon nasida tu Au, Jahowa.+ Manang ise na so ramun di jabum boi do mangallang i.

14 “Bagianmuna do sude na dipapulik* halak Israel tu Debata.+

15 “Bagianmuna do sude anak siakkangan ni nasida dohot sude binatang ni nasida na parjolo tubu+ na dilehon tu Au, Jahowa. Alai, ikkon tobusonmuna+ do anak siakkangan ni nasida+ dohot anak ni binatang na ramun na parjolo tubu. 16 Molo dung marumur sabulan tu ginjang anak siakkanganna i, tobus ma i mangihutton arga naung ditottuhon. Lima sekel* perak+ ma argana mangihutton ukkuran sekel na dipakke di inganan na badia,* i ma 20 gera.* 17 Alai dang boi ditobus hamu anak ni lombu na parjolo tubu, manang anak ni biru-biru na jantan na parjolo tubu, manang anak ni hambing na parjolo tubu.+ Ai badia do i. Ikkon dipispisson hamu do mudarna tu langgatan,+ jala ikkon ditutung hamu do tabo-tabona gabe pelean na ditutung dohot api asa nakkok timusna jala uapna i palashon roha ni Jahowa.+ 18 Bagianmuna ma jagal ni binatang i. Songon andora na sian pelean na diayunhon dohot pat na di sabola kanan, bagianmuna ma i.+ 19 Sude sumbangan na badia na lao dilehon halak Israel tu Jahowa+ nungnga hulehon tu ho, tu anakmu, dohot tu borum. Hulehon ma i gabe bagianmuna saleleng ni lelengna.+ On ma na gabe parjanjian sira* na dibahen Jahowa tu hamu dohot tu akka pinopparmu. Marlakku do on saleleng ni lelengna.”

20 Didok Jahowa ma tu si Aron, “Dang adong parbagiananmu di Israel jala dang adong tano ni nasida na gabe bagianmu.+ Ai Au do na manjaga jala na mangalehon na porlu di ho* di tonga-tonga ni halak Israel.+

21 “Nungnga hulehon be saparsappulu+ sian sude appuna ni halak Israel tu halak Lepi. Hulehon do i gabe parbagianan ni nasida, ala nungnga marhobas nasida di kemah parpunguan. 22 Dang boi ro halak Israel i tu jonok ni kemah parpunguan i. Molo diulahon nasida i, mardosa ma nasida jala mate. 23 Ikkon diulahon halak Lepi do tanggung jawab ni nasida di kemah parpunguan. Nasida ma na martanggung jawab tu hasalaan ni bangso i.+ Jala dang adong parbagianan ni nasida di tonga-tonga ni bangso Israel.+ Marlakku do peraturan on tu hamu dohot tu pinopparmuna saleleng ni lelengna. 24 Ai nungnga hulehon tu halak Lepi sumbangan na dilehon halak Israel tu Jahowa, i ma sumbangan na saparsappulu i. Hulehon do i gabe parbagianan ni nasida. Alani i do hudok tu halak Lepi, sian sude halak Israel dang adong jaloon ni nasida parbagianan ni nasida.”+

25 Dung i, didok Jahowa ma tu si Musa, 26 “Songon on ma dokkon tu halak Lepi, ‘Ikkon jaloonmuna do sumbangan ni halak Israel na saparsappulu i. Ai i do hulehon gabe bagianmuna.+ Alai sian bagianmuna i, ikkon lehononmuna do saparsappulu gabe sumbanganmuna tu Jahowa.+ 27 Dos ma i songon sumbangan na dilehon hamu sian gandum manang barli* na sian inganan pardegeanmuna,+ manang hira songon miak manang anggur na massai godang na sian inganan pamoroan. 28 Marhite songon i, lehononmuna ma sumbangan tu Jahowa. Dijalo hamu do sumbangan ni halak Israel na saparsappulu, jala sian na dijalomuna i dilehon hamu do tu Malim Aron lao gabe sumbanganmuna tu Jahowa. 29 Sian sude sumbangan na dilehon tu hamu, lehon hamu ma na dumenggan sumbanganmuna tu Jahowa.+ Ai badia do i.’

30 “Dokkon ma tu halak Lepi i, ‘Molo dung dilehon hamu akka na dumenggan sian sumbangan i, appunamuna ma na tinggal i. Dos ma i songon hasil na sian inganan pardegeanmuna, manang songon miak, manang songon anggur na sian inganan pamoroan. 31 Manang didia pe hamu, boi do allangonmuna i dohot keluargamuna. Ai upamuna do i ala nungnga marhobas di kemah parpunguan.+ 32 Dang mardosa hamu molo dilehon hamu na dumenggan sian akka sumbangan na dijalo hamu. Jala dang boi bahenonmuna ramun akka na badia na sian halak Israel asa unang mate hamu.’”+

19 Makkatai ma muse Jahowa tu si Musa dohot tu si Aron, ninna ma, 2 “On ma aturan na diparettahon Jahowa, ‘Dokkon ma tu halak Israel asa dibuat sada lombu na merah di ho. Ikkon sehat do lombu i, dang cacat,+ jala dang hea manarik boban.* 3 Lehon ma i tu Malim Eleasar, asa diboan ibana lombu i tu luar ni perkemahan. Ikkon di jolona do diseat lombu i. 4 Ikkon buaton ni Malim Eleasar ma deba mudar ni lombu i mamakke jari-jarina, jala dipispisson ma i pitu hali doppak kemah parpunguan.+ 5 Ditutung ma lombu i di jolona. Ikkon ditutung do sude kulitna, jagalna, mudarna dohot kotoranna.+ 6 Buaton ni malim ma hau ares, suan-suanan hisop,*+ dohot kain na merah. Dung i, disappatton ma sudena i tu api na manutung lombu i. 7 Disussi malim i ma bajuna jala maridi ma ibana. Dukkon i pe asa boi ibana masuk tu perkemahan. Alai ramun* ma ibana sahat tu na bonom mataniari.

8 “‘Ikkon sussion ni halak na manutung lombu i do bajuna, jala ikkon maridi do ibana. Alai ramun ma ibana sahat tu na bonom mataniari.

9 “‘Sasahalak na so ramun ikkon papunguhon abu ni lombu i.+ Jala ikkon disippan ma i di sada inganan naung ditottuhon di luar ni perkemahan. Ikkon disippan halak Israel do i, asa adong pakkeon ni nasida tikki paradehon aek na dipakke tu ulaon pabadiahon,+ i ma pelean hasesaan ni dosa. 10 Halak na papunguhon abu i ikkon manussi bajuna jala gabe ramun sahat tu na bonom mataniari.

“‘On ma peraturan na marlakku saleleng ni lelengna tu halak Israel dohot tu halak na sian bangso na asing na rap tinggal dohot hamu.+ 11 Manang ise pe na manjama bakke ni halak, gabe ramun ma ibana saleleng pitu ari.+ 12 Ikkon dipabadia ibana do dirina mamakke aek i di ari na patoluhon, jala di ari na papituhon dang ramun be ibana. Alai molo dang dipabadia ibana dirina di ari na patoluhon, toktong dope ibana ramun di ari na papituhon. 13 Molo adong halak na manjama bakke ni jolma, alai dang dipabadia ibana dirina, nungnga ramun be dibahen ibana tabernakel ni Jahowa.+ Alani i, ikkon dipamate do ibana.+ Ai dang dipispisson dope tu ibana aek na dipakke tu ulaon pabadiahon i.+ Jadi, toktong ma ibana ramun.

14 “‘On ma patik na marlakku molo adong halak na mate di sada kemah: Manang ise na masuk tu kemah i jala manang ise na adong di kemah i gabe ramun ma saleleng pitu ari. 15 Jala ramun+ do sude inganan na so gomos ditutup.* 16 Manang ise na manjama bakke ni halak na mate di luar ni perkemahan, manang na manjama holi-holi ni jolma na mate, manang na manjama halak na dipamate pakke podang, manang na manjama kuburan, gabe ramun ma ibana saleleng pitu ari.+ 17 Lao pabadiahon halak na ramun i, ikkon buaton ni nasida do saotik abu ni pelean hasesaan ni dosa na ditutung i. Dibahen ma i tu sada inganan, jala diusehon ma aek na ias tusi. 18 Dung i, buaton ni sasahalak na so ramun+ ma suan-suanan hisop,+ jala disornoppon ma tu aek i. Ikkon dipispisson ibana ma i tu kemah, tu sude baskom, dohot tu sude halak na adong disi, tu halak na manjama holi-holi, manang bakke, manang kuburan, manang na manjama halak na dibunu. 19 Ikkon dipispisson halak na so ramun i do aek i muse tu halak na ramun i di ari na patoluhon dohot di ari na papituhon.+ Jala di ari na papituhon, ikkon dipabadia do halak na ramun i. Dung i, disussi halak na ramun i ma bajuna jala maridi ma ibana. Dung bonom mataniari, dang ramun be ibana.

20 “‘Alai ikkon dipamate do halak na ramun na so pabadiahon dirina.+ Ai nungnga dibahen ibana ramun inganan na badia ni Jahowa. Dang dipispisson aek na dipakke tu ulaon pabadiahon i tu ibana, alani i ramun ma ibana.

21 “‘On ma peraturan na marlakku tu hamu saleleng ni lelengna: Ikkon disussi halak na mamispisson aek na dipakke tu ulaon pabadiahon i+ do bajuna, jala halak na manjama aek i gabe ramun sahat tu na bonom mataniari. 22 Manang aha pe na dijama halak na ramun i, gabe ramun do. Jala manang ise pe na manjama i gabe ramun do sahat tu na bonom mataniari.’”+

20 Di bulan na parjolo, sahat ma sude halak Israel di Gurun Zin. Tinggal ma nasida di Kades.+ Disi ma si Miryam+ mate jala dikuburhon.

2 Di sada tikki, dang juppang ni bangso i aek di nasida.+ Alani i, marpungu ma nasida lao mangalo si Musa dohot si Aron. 3 Marsoal ma halak Israel dohot si Musa.+ Didok ma, “Tumagon hian do mate hami rap dohot akka haha angginami i di jolo ni Jahowa! 4 Boasa ma pola boanonmu bangso ni Jahowa on tu gurun on? Na lao pamateonmu do hami dison rap dohot binatang na hupiaro hami?+ 5 Boasa ma pola boanonmu hami kaluar sian Mesir tu inganan na ngeri on?+ Ai so tubu manang aha dison, so tubu dison hau ara, anggur, dohot delima. Haru aek pe so adong dison.”+ 6 Lao ma si Musa dohot si Aron sian jolo ni bangso i. Lao ma nasida tu pintu kemah parpunguan. Marsinggang ma nasida disi. Dung i, diida nasida ma marsinondang hamuliaon ni Jahowa.+

7 Didok Jahowa ma tu si Musa, 8 “Buat ma tukkotmi. Jala lao ma ho dohot abangmu si Aron manjou bangso i marpungu. Di jolo ni nasida, dokkon ma tu dolok batu i asa dipakaluar aek. Ai sian dolok batu i do pakaluaronmu aek lao inumon ni nasida. Dung i, lehon ma aek i inumon ni nasida dohot akka binatang na dipiaro nasida.”+

9 Dibuat si Musa ma tukkotna i sian jolo ni Jahowa,+ songon na diparettahon i tu ibana. 10 Dung i dijou si Musa dohot si Aron ma bangso i asa ro nasida marpungu di jolo ni dolok batu i. Didok ma tu bangso i, “Hamu ale akka pangalo, bege hamu ma! Ikkon pakaluaronnami do di hamu aek sian dolok batu on?”+ 11 Diangkat si Musa ma tanganna, jala diattuk ibana ma dolok batu i pakke tukkotna dua hali. Dung i, kaluar ma aek massai godang sian batu i. Minum ma bangso i dohot akka binatang ni nasida.+

12 Didok Jahowa ma muse tu si Musa dohot tu si Aron, “Dang porsea hamu tu Au, jala dang dipasangap hamu Au di jolo ni bangso Israel marhite patuduhon na badia Au. Alani i, dang hamu be na mamboan bangso on tu luat na lao lehonokki tu nasida.”+ 13 On ma Mual Meriba.*+ Disi do halak Israel marsoal dohot Jahowa. Jala di tikki i do dipatudu Ibana tu nasida na Debata na badia Ibana.

14 Disuru si Musa ma halak sian Kades mandapotton raja ni halak Edom.+ Didok halak na sinuruna i ma, “Songon on do hata ni halak Israel anggimi,+ ‘Takkas do diboto ho tuan songon dia sitaononnami. 15 Najolo, lao do akka ompunami tu Mesir.+ Jala leleng do hami tinggal disi.+ Alai porsuk do ngolunami dohot akka ompunami dibahen halak Mesir.+ 16 Mangangguki ma hami tu Jahowa.+ Jala ditangihon Ibana do hami. Disuru Ibana ma suru-suruanna.+ Diboan ma hami kaluar sian Mesir. Saonari nungnga sahat hami di Kades, kota parbatasan ni luat ni tuan on. 17 Alani i, paloas ma hami mamolus sian luat ni tuan on. Dang pola lewat hami sian ladang manang porlak anggur. Dang pola huinum hami aek na sian sumur manang na didia pe di luatmon. Holan mardalan sian Dalan ni Raja* i pe hami, dang pola manirpang hami tu kiri manang na tu kanan sappe tu na sae hubolus hami luat ni tuan on.’”+

18 Alai didok raja ni halak Edom ma, “Dang boi hamu lewat sian luatnami on. Molo lewat hamu, ro ma au mamboan podang lao mangalo hamu.” 19 Didok halak Israel i ma tu ibana, “Holan na lewat sian jalan raya i do hami. Molo adong pe sian hami manang binatang na hupiaro hami manginum aek ni tuan, hugarar hami pe.+ Holan na lewat sabbing do hami tuan.”+ 20 Alai didok raja i ma, “Dang boi hamu lewat.”+ Dung i ro ma raja ni halak Edom rap dohot akka tentarana na godang jala na gogo mangalo halak Israel. 21 Songon i ma raja ni halak Edom i mangabbati halak Israel lewat sian luatna i. Alani i, mamutar ma halak Israel i.+

22 Borhat ma bangso i, i ma sude halak Israel i sian Kades, jala sahat ma nasida di Dolok Hor.+ 23 Makkatai ma Jahowa tu si Musa dohot tu si Aron di Dolok Hor, di parbatasan ni huta Edom. Didok ma, 24 “Mate nama si Aron, jala dikuburhon songon akka ompuna.*+ Dang boi ibana dohot masuk tu luat na lao hulehon i tu halak Israel. Ai dialo hamu na dua do parettakku taringot tu Mual Meriba i.+ 25 Togihon ma si Aron dohot si Eleasar anakna i nakkok tu Dolok Hor. 26 Bukka ma baju malim na dipakke si Aron i,+ jala pakkehon ma i tu anakna si Eleasar.+ Ai mate disi nama si Aron.”*

27 Diulahon si Musa ma songon i dos songon na diparettahon Jahowa. Nakkok ma nasida tu Dolok Hor, jala sude do bangso i mangida nasida. 28 Dibukka si Musa ma baju malim ni si Aron i, jala dipakkehon ma i tu anakna si Eleasar. Mate ma si Aron di pussu ni dolok i.+ Dung i, turun ma si Musa dohot si Eleasar sian dolok i. 29 Tikki diboto bangso i naung mate si Aron, mangandungi ma nasida sude saleleng 30 ari.+

21 Dung dibege Raja Arad,+ i ma halak Kanaan na maringanan di Negeb i, na mardalan halak Israel sian Atarim, ro ma ibana mangalo halak Israel jala ditakkup ibana do deba halak Israel i. 2 Marjanji ma halak Israel tu Jahowa, didok nasida ma, “Molo dipasahat Ho do tu tangannami bangso on, pasti boi do dihancurhon hami akka kota ni nasida.” 3 Ditangihon Jahowa do pangidoan ni halak Israel i. Dipasahat ma halak Kanaan i tu nasida. Dipamate nasida ma akka pangisi ni kota i jala dihancurhon nasida ma akka kotana. Alani i ma digoari nasida luat i Horma.*+

4 Sian Dolok Hor,+ mardalan ma nasida tu arah Laut Merah. Mardalan do nasida sian i asa unang lewat nasida sian huta Edom.+ Alani pardalanan i, gabe loja ma nasida. 5 Torus ma nasida marungut-ungut tu Debata dohot tu si Musa.+ Didok nasida ma, “Boasa pola boanonmuna hami kaluar sian Mesir? Asa pamateonmuna do hami di gurun on? So adong sipanganon dison, aek pe so adong.+ Jala nungnga magigi hami mangallang manna* na so marguna on.”+ 6 Diparo Jahowa ma akka ulok na marbisa tu tonga-tonga ni bangso i. Dipargut ulok i ma bangso i jala godang ma na mate.+

7 Dijuppangi nasida ma si Musa. Didok ma, “Nungnga mardosa be hami. Ai nungnga marungut-ungut hami tu Jahowa dohot tu ho.+ Martangiang ma ho tu Jahowa asa dipalao Ibana akka ulok on sian hami.” Dung i, martangiang ma si Musa tu Debata humokkop bangso i.+ 8 Didok Jahowa ma tu si Musa, “Bahen ma sada patung ni ulok na marbisa, jala bahen ma i di sada tiang. Molo adong halak na dipargut ulok, ikkon idaonna ma tusi asa toktong ibana mangolu.” 9 Pittor dibahen si Musa ma sada ulok sian tombaga,+ jala dibahen ma i tu sada tiang.+ Molo adong halak na dipargut ulok, diida ma tu ulok na sian tombaga i, gabe mangolu ma ibana.+

10 Dung i, borhat ma muse halak Israel, markemah ma nasida di Obot.+ 11 Borhat ma muse nasida sian Obot, jala markemah di Iye-abarim,+ di gurun na di sabola timur, na di jolo ni Moab. 12 Sian i, borhat ma muse nasida jala markemah di Rura* Zered.+ 13 Borhat ma muse nasida sian i, jala markemah ma nasida di luat na di Arnon.+ Di gurun do Arnon i jala luatna mulai sian parbatasan ni halak Amori. Jala gurun on do muse parbatasan tu luat ni halak Moab, i ma batas ni luat ni halak Moab tu halak Amori. 14 Alani i ma disurat di Bukku Parporangan ni Jahowa taringot tu “Waheb na di Supa dohot akka rura* na di Arnon, 15 jala marganjang do akka rura* i sahat tu Ar dohot tu parbatasan ni Moab”.

16 Dung i sahat ma nasida tu Beer.* Di sumur on do hea didok Jahowa songon on tu si Musa, “Papungu ma bangso i asa hulehon nasida minum.”

17 Laos di tikki i marende ma halak Israel. Songon on ma endena:

“Marbuhal-buhal ma aekmu ale sumur! Marende ma hamu alani aek i!

Dung i, borhat ma nasida sian gurun i tu Matana. 19 Sian Matana tu Nahaliel, sian Nahaliel tu Bamot.+ 20 Sian Bamot tu rura na di luat* Moab,+ na di ginjang ni Pisga,+ na di jolo ni Yesyimon.*+

21 Dung i, disuru halak Israel ma piga-piga halak mandapotton si Sihon raja ni halak Amori. Didok nasida ma,+ 22 “Paloas ma hami mamolus sian luat ni tuan on. Dang pola lewat hami sian ladang manang porlak anggur. Dang pola huinum hami aek na sian sumur manang na didia pe di luatmon. Holan mardalan sian Dalan ni Raja* i pe hami, sappe tu na sae hubolus hami luat ni tuan on.”+ 23 Alai dang dipaloas si Sihon halak Israel lewat sian luatna i. Gariada dipapungu ibana do sude tentarana. Lao ma nasida tu gurun mangalo halak Israel. Sahat ma nasida di Jahas, jala marporang ma nasida mangalo halak Israel.+ 24 Alai talu ma ibana dibahen halak Israel. Dipamate ma akka tentarana i mamakke podang.+ Jala dibuat halak Israel ma luatna i,+ mulai sian Arnon+ sahat tu Jabok,+ luat na jonok tu luat ni halak Ammon. Ai sahat tu luat Jaser+ do na dibuat nasida, i ma parbatasan na tu luat ni halak Ammon.+

25 Dibuat halak Israel ma sude kota i jala tinggal ma nasida di kota ni halak Amori,+ di Hesbon, dohot di sude kota na di sakalilingna. 26 Di Hesbon i do inganan ni si Sihon raja ni halak Amori. Ibana do na hea marporang dohot raja ni Moab jala na mambuat sude luatna sahat tu Arnon. 27 Alani i do dibahen puisi on lao mangarehei,

“Ro ma hamu tu Hesbon.

Lok ma dipajongjong kota ni si Sihon jala lok ma dibahen togu.

28 Nungnga kaluar api sian Hesbon, api na marsigor-gor sian kota ni si Sihon.

Api na manutung huta Ar na di Moab, akka nappuna inganan na timbo* na di Arnon.

29 Marjea ma ho ale Moab! Hancurhononna nama ho, ale bangso na mardebatahon Kamos!+

Bahenonna ma akka anakmu gabe buronan, ditakkup si Sihon raja ni halak Amori i ma akka borum.

Lok ma ditutung api sudena i sahat tu Medeba.”+

31 Dung i tinggal ma halak Israel di luat ni halak Amori. 32 Disuru si Musa ma piga-piga halak gabe mata-mata tu Jaser.+ Ditaluhon nasida ma akka kota na di sakalilingna. Jala diusir nasida ma halak Amori na adong disi. 33 Dung i marbalik ma nasida jala mardalan sian Dalan Basan. Ro ma si Og+ raja ni Basan rap dohot akka tentarana marporang mangalo nasida di Edrei.+ 34 Didok Jahowa ma tu si Musa, “Unang pola mabiar ho tu ibana.+ Ai pasahatonku do ibana, sude tentarana, dohot luatna i tu tanganmu.+ Bahenonmu do tu ibana dos songon na dibahen ho tu si Sihon raja ni halak Amori na tinggal di Hesbon i.”+ 35 Dipamate nasida ma ibana, akka anakna, dohot sude tentarana. Dang adong nanggo sahalak pe na dipasombu mangolu.+ Dung i, dibuat nasida ma luatna i.+

22 Dung i, borhat ma halak Israel jala markemah ma nasida di Gurun Moab na di bariba ni Sunge Jordan, na di jolo ni kota Jeriko.+ 2 Jadi dibege si Balas+ anak ni si Zippor ma sude na dibahen halak Israel tu halak Amori. 3 Gabe mabiar situtu ma halak Moab i alani godang ni halak Israel. Makkahitir ma nasida jala mandele alani bangso i.+ 4 Alani i, didok halak Moab ma tu akka pamimpin ni halak Midian,+ “Bodduton ni bangso i nama sude luat na di sakalilingta, songon lombu na mamboddut duhut-duhut na di ladang.”

Di tikki i, si Balas anak ni si Zippor do na gabe raja ni Moab. 5 Disuru ibana ma piga-piga halak manjou si Bileam anak ni si Beor na tinggal di Petor+ huta hatubuanna, na jonok tu Sunge Euprat. Didok ibana ma, “Ida ma! Adong sada bangso na kaluar sian Mesir. Nungnga digohi nasida be luat* on.+ Nungnga massai jonok nasida markemah tu luatnami. 6 Alani i, ro ma jo ho. Burai ma jo bangso on,+ ai umgogo do nasida sian hami. Atik boha boi taluhonokku nasida, jala huusir sian luat on. Ai takkas do huboto, dapotan pasu-pasu do nasa na dipasu-pasu ho, jala hona bura do nasa na diburai ho.”

7 Jadi lao ma akka pamimpin ni halak Moab dohot Midian mandapotton si Bileam. Diboan nasida do hepeng lao upa ni si Bileam+ mamburai halak Israel. Jala dipasahat nasida ma hata ni si Balas i tu ibana. 8 Didok si Bileam ma tu nasida, “Dison ma jo hamu marborngin, asa hupaboa tu hamu songon dia didok Jahowa tu au.” Alani i, marborngin ma akka pamimpin ni halak Moab i di inganan ni si Bileam.

9 Dung i ro ma Debata* mandapotton si Bileam. Didok ma,+ “Akka ise do donganmi?” 10 Didok si Bileam ma tu Debata na sittong, “Akka halak na sinuru ni si Balas anak si Zippor raja ni Moab i do i. Disuru do nasida mandok tu au, 11 ‘Ida ma! Adong sada bangso na kaluar sian Mesir. Nungnga digohi nasida be luat* on. Alani i, ro ma jo ho. Burai ma jo bangso on.+ Atik boha boi taluhonokku nasida, jala huusir sian luat on.’” 12 Alai didok Debata ma tu si Bileam, “Unang olo ho lao rap dohot nasida. Jala unang burai bangso i. Ai nungnga hupasu-pasu nasida.”+

13 Manogotna i dungo ma si Bileam jala didok ma tu akka pejabat ni si Balas, “Mulak ma hamu tu hutamuna, ai dang diloas Jahowa au lao rap dohot hamu.” 14 Mulak ma akka pamimpin ni Moab i tu si Balas. Didok nasida ma, “Dang olo si Bileam ro rap dohot hami.”

15 Alai disuru si Balas ma muse ro akka pejabatna. Unggodang do nasida jala ussangap sian na parjolo i. 16 Dijuppangi nasida ma si Bileam jala didok ma, “Songon on ma hata ni si Balas anak ni si Zippor, ‘Tolong ma jo, ro ma ho. Sotung adong be na mangabbati ho lao ro. 17 Sangap situtu pe ho bahenonku jala huulahon pe manang aha na didok ho. Alani i tolong ma, ro ma jo ho, burai ma bangso on.’” 18 Alai dialusi si Bileam ma akka halak na disuru si Balas i, “Haru dilehon si Balas pe di au jabuna na gok perak dohot mas i, dang olo au mangalanggar paretta ni Jahowa Debatakku. Atik na gelleng pe paretta i manang na balga.+ 19 Alai nang pe songon i, dison ma jo hamu marborngin asa huboto songon dia do didok Jahowa tu au.”+

20 Di borngin i ro ma Debata mandapotton* si Bileam, ninna ma, “Molo na mangalap ho do nasida ro, lao ma ho rap dohot nasida. Alai holan hata na hudok do na boi dohononmu.”+ 21 Manogotna i dungo ma si Bileam. Diparade ibana ma halodena* jala borhat ma ibana rap dohot akka pejabat ni Moab.+

22 Massai muruk situtu ma Debata ala lao ibana. Tikki marhalode si Bileam dohot dua pangurupina na mandongani ibana, jongjong ma suru-suruan ni Jahowa di dalan lao mangabbati ibana. 23 Diida halode i ma suru-suruan ni Jahowa jongjong di dalan huhut maniop podang di tanganna. Gabe manirpang ma halode i tu ladang. Alai dipukkul si Bileam ma halodena i asa mulak muse tu dalanna hian. 24 Jongjong ma muse suru-suruan ni Jahowa i di dalan na soppit, di holang-kolang ni dua porlak anggur. Martembok na sian batu do sabola kiri dohot sabola kanan ni dalan i. 25 Tikki diida halode i suru-suruan ni Jahowa, gabe dihapitton ibana ma dirina tu dinding ni tembok i, hapit ma pat ni si Bileam tu tembok i. Ujungna, dipukkul si Bileam ma muse halode i.

26 Dung i, pinda ma muse suru-suruan ni Jahowa i tu jolo ni halode i. Jongjong ma ibana di dalan na soppit, na so adong dalan na boi mambahen manirpang tu kiri manang tu kanan. 27 Tikki diida halode i suru-suruan ni Jahowa, manukkap ma halode i hape hundul dope si Bileam di ginjangna. Gabe muruk situtu ma si Bileam jala sai dipukkul ibana ma halodena i pakke tukkotna. 28 Ujungna, dibahen Jahowa ma makkatai halode*+ ni si Bileam. Didok ma, “Ai aha huroha hubahen tu ho umbahen na dipukkuli ho au sappe tolu hali?”+ 29 Dialusi si Bileam ma halodena i, “Ai diparmeam-meam ho do au. Autsugari adong podang di tanganku, nga hupamate ho!” 30 Didok halode i ma muse tu si Bileam, “Ai dang au halodem na sai toktong mamboan ho saleleng ni ngolum sahat tu saonari? Hea hubahen tu ho songon i saleleng on?” Dialusi si Bileam ma, “Daong nian.” 31 Dung i dibukka Jahowa ma mata ni si Bileam.+ Diida ibana ma suru-suruan ni Jahowa jongjong di dalan huhut maniop podang. Pittor marsinggang ma ibana.

32 Dung i didok suru-suruan ni Jahowa i ma tu ibana, “Nungnga tolu hali dipukkul ho halodemi. Boasa dibahen ho songon i tu halodemi? Ida ma, au do na ro mangabbat dalanmu. Ai maralo do na niulahonmon tu lomo ni rohakku.+ 33 Nungnga tolu hali diida halodemi au, jala mangelak do ibana sian au.+ Autsugari dang mangelak ibana sian au, nungnga mate hian ho hubahen. Alai molo halodemi pasombuonku do mangolu.” 34 Didok si Bileam ma tu suru-suruan ni Jahowa i, “Nungnga mardosa be au. Ai dang huboto, tuan do hape na jongjong di dalan i lao manjuppangi au. Molo dang lomo roham hutorusson pardalanakkon, mulak pe au.” 35 Alai didok suru-suruan ni Jahowa i ma tu si Bileam, “Lao ma ho rap dohot nasida. Alai holan hata na hudok ma dokkon tu nasida.” Dung i lao ma si Bileam rap dohot akka pejabat ni si Balas.

36 Dung dibege si Balas naung ro si Bileam, pittor ro ma ibana mandapotton si Bileam tu kota Moab, di topi ni Rura Arnon, parbatasan ni kota i. 37 Didok si Balas ma tu si Bileam, “Nungnga husuru halak mangalap ho, alai boasa dang ro ho? Na dirippu ho do dang sanggup au mambahen ho gabe halak na sangap situtu?”+ 38 Dialusi si Bileam ma si Balas, ninna ma, “Saonari nga dison be au tuan. Alai dang diloas au mandok manang aha pe, asing ni hata na dipaboa Debata tu au.”+

39 Lao ma si Bileam rap dohot si Balas, sahat ma nasida di Kiriat-huzzot. 40 Dipelehon si Balas ma lombu dohot biru-biru jala dikirim ma deba tu si Bileam dohot tu akka pejabat na rap dohot ibana. 41 Manogotna i, dialap si Balas ma si Bileam jala lao ma nasida tu Bamot-baal. Sian i, diida nasida ma bangso Israel.+

23 Didok si Bileam ma tu si Balas, “Pajongjong ma pitu langgatan di inganan on.+ Jala parade ma pitu lombu jantan dohot pitu biru-biru jantan di au.” 2 Pittor diulahon si Balas ma na nidok ni si Bileam i. Dipelehon si Balas dohot si Bileam ma sada lombu jantan dohot sada biru-biru jantan di ganup langgatan i.+ 3 Didok si Bileam ma tu si Balas, “Paima ma au tuan di labbung ni pelean situtungon on, asa lao au. Atik boha ro Jahowa manjuppangi au. Hupaboa pe tu ho manang aha na nidokna tu au.” Dung i lao ma si Bileam tu pussu ni sada dolok.

4 Dung i ro ma Debata manjuppangi si Bileam.+ Didok si Bileam ma tu Ibana, “Nungnga hupajongjong pitu langgatan. Jala nungnga hupelehon sada lombu jantan dohot sada biru-biru jantan di ganup langgatan i.” 5 Dipaboa Jahowa ma aha na ikkon dohonon ni si Bileam.*+ Jala didok Ibana ma, “Mulak ma ho tu si Balas. Jala ikkon songon i do dohononmu tu ibana.” 6 Dung i mulak ma si Bileam. Diida ibana ma si Balas rap dohot akka pejabat ni halak Moab jongjong di labbung ni pelean situtungon. 7 Didok ibana ma puisi on:+

Didok do, ‘Ro ma ho mamburai si Jakkob.

Ro ma ho mangaleai halak Israel.’+

 8 Boha ma bahenokku mamburai halak na so diburai Debata?

Songon dia ma bahenokku mangaleai halak na so dileai Jahowa?+

11 Dung i didok si Balas ma tu si Bileam, “Aha do na binahenmon? Hujou pe ho, na lao mamburai musukku do. Hape gabe dipasu-pasu ho do nasida.”+ 12 Dialusi si Bileam ma, “Holan na dipaboa Jahowa do na boi dohonokku tu ho.”+

13 Didok si Balas ma, “Beta, lao ma hita tu inganan na asing, asa idaonmu nasida sian i. Alai holan deba do sian nasida boi idaonmu, dang boi idaonmu nasida sude. Sian i ma burai nasida.”+ 14 Diboan si Balas ma si Bileam tu Zofim, tu pussu ni Pisga.+ Dipajongjong si Balas ma pitu langgatan jala dipelehon ibana ma sada lombu jantan dohot sada biru-biru jantan di ganup langgatan i.+ 15 Jadi didok si Bileam ma tu si Balas, “Paima ma au dison tuan, di labbung ni pelean situtungon on, asa lao au mandapotton Debata doppak an.” 16 Ro ma Jahowa mandapotton si Bileam. Jala dipaboa ma aha na ikkon dohononna.+ Didok ma, “Mulak ma ho tu si Balas. Jala ikkon songon i do dohononmu tu ibana.” 17 Dung i mulak ma si Bileam. Diida ibana ma si Balas paimahon di labbung ni pelean situtungon i. Rap do ibana dohot akka pejabat ni halak Moab. Disukkun si Balas ma, “Songon dia do didok Jahowa?” 18 Didok ibana ma puisi on:+

“Jongjong ma ho ale Balas jala bege ma.

Tangihon ma, ale anak ni si Zippor.

Tikki adong didok Ibana janjina, sai na pasautonna do i.

Tikki adong didok Ibana hatana, pasti ulahononna do i.+

22 Diboan Debata do nasida kaluar sian Mesir.+

Songon tanduk ni lombu jantan liar do Ibana di nasida.+

Saonari dohonon ni halak ma taringot tu si Jakkob dohot Israel:

‘Ida ma akka na binahen ni Debata!’

25 Didok si Balas ma tu si Bileam, “Molo so boi diburai ho nasida, unang pola pasu-pasu.” 26 Dialusi si Bileam ma si Balas, “Kan nungnga hudok tu ho, ‘Na nidok ni Jahowa do ulahonokku!’”+

27 Didok si Balas ma tu si Bileam, “Attong beta ma tu inganan na asing. Atik boha molo sian i, paloason ni Debata na sittong i ho mamburai bangso i.”+ 28 Diboan si Balas ma si Bileam tu pussu ni Peor, na di jolo ni Yesyimon.*+ 29 Didok si Bileam ma tu si Balas, “Pajongjong ma pitu langgatan di inganan on. Jala parade ma pitu lombu jantan dohot pitu biru-biru jantan di au.”+ 30 Diulahon si Balas ma na nidok ni si Bileam i. Dipelehon si Balas ma sada lombu jantan dohot sada biru-biru jantan di ganup langgatan i.

24 Dung diboto si Bileam na lomo roha ni* Jahowa mamasu-masu halak Israel, dang dilului ibana be ilmu ramal na boi parohon jea tu bangso i.+ Alai diida ibana ma doppak gurun. 2 Disi, diida ibana ma halak Israel markemah mangihutton margana be.+ Ro ma tondi parbadia ni Debata tu ibana.+ 3 Didok ibana ma puisi on:+

10 Muruk situtu ma si Balas tu si Bileam. Jut hian do rohana, jala martopak ma ibana huhut mandok, “Na lao mamburai musukku do umbahen na hujou ho.+ Hape gabe dipasu-pasu ho do nasida tolu hali. 11 Saonari mulak ma ho. Sasittongna naeng bahenokku hian do ho gabe halak na massai sangap.+ Alai diabbati Jahowa do ho mandapot i.”

12 Didok si Bileam ma tu si Balas, “Kan nga hudok hian tu halak na sinurumi, 13 ‘Haru dilehon si Balas pe di au jabuna na gok perak dohot mas i, dang olo au mangulahon lobi sian na diparettahon Jahowa. Atik na denggan pe paretta i manang na roa. Holan hata na lao didok Jahowa do na ikkon paboaokku.’+ 14 Saonari, mulak nama au tu bangsokku. Jala hudok ma tu ho aha na lao bahenon ni bangso on tu bangsom haduan.”* 15 Didok si Bileam ma puisi on:+

20 Tikki diida si Bileam halak Amalek, didok ma muse puisi on:

21 Tikki diida ibana halak Keni,+ didok ibana ma puisi on:

“Aman do ingananmu tinggal, jala di dolok batu do ho maringanan.

22 Alai ro ma sasahalak manutung halak Keni.*

Sadia leleng nai ma ro halak Asiria asa diboan hamu tu luat ni nasida?”

23 Ditorusson ibana ma muse puisi on:

“Marjea ma ho! Dang adong na boi malua molo dibahen Debata songon on.

Alai ibana pe lao dihancurhon do.”

25 Dung i lao ma si Bileam+ mulak tu hutana. Jala si Balas pe mulak ma.

25 Tikki di Sitim+ halak Israel, mangulahon seks ma akka bawa ni halak Israel dohot akka boru ni halak Moab.+ 2 Ditogihon akka borua i ma akka bawa i lao mangalehon pelean tu debata ni nasida.+ Dohot ma akka bawa i mangallang pelean i, jala marsomba tu akka debata ni nasida.+ 3 Jadi dohot ma halak Israel manomba Baal Peor.+ Alani i, gabe muruk situtu ma Jahowa tu halak Israel. 4 Didok Jahowa ma tu si Musa, “Boan ma akka pamimpin* ni bangso i. Bunu ma nasida jala gattung ma di jolo ni sude jolma.* Ikkon digattung do nasida di jolo ni Jahowa, asa unang muruk be Jahowa tu bangso i.” 5 Jadi didok si Musa ma tu akka hakim ni halak Israel,+ “Ikkon pamateonmuna do manang ise pe na dohot manomba Baal Peor.”+

6 Tikki mangandungi halak Israel di pintu kemah parpunguan, ro ma sahalak bawa sian halak Israel mamboan boru ni halak Midian+ tu perkemahan. Diida si Musa dohot sude halak Israel do na binahenna i. 7 Diida si Pinehas+ anak ni si Eleasar, pahoppu ni Malim Aron do na masa i. Pittor jongjong ma ibana jala lao sian tonga-tonga ni punguan i. Dung i dibuat ibana ma sada tombak.* 8 Pittor masuk ma ibana tu kemah ni bawa i. Ditusuk ibana ma bawa halak Israel i dohot borua i. Sappe tombus do butuha* ni borua i ditusuk. Dung i, so ma sahit na posi na pamatehon halak Israel.+ 9 Jadi 24.000 halak ma na mate alani sahit i.+

10 Dung i, didok Jahowa ma tu si Musa, 11 “Nungnga dipalambok si Pinehas+ anak ni si Eleasar, pahoppu ni Malim Aron i rohakku. Alani i, dang muruk be Au tu halak Israel. Ai dang dipasombu ibana disomba nasida debata na asing, asing ni Au.+ Alani i do dang hupamate sude halak Israel i, nang pe sasittongna holan Au do na ikkon sombaon ni nasida.+ 12 Jadi paboa ma tu ibana bahenokku nama parjanjian dame dohot ibana. 13 Alani parjanjian i, gabe malim ma ibana dohot akka pinopparna saleleng ni lelengna.+ Ai dang dipasombu ibana bangso i manomba debata na asing, asing ni Au.+ Jala nungnga dipangido ibana asa disesa dosa ni bangso i.”

14 Si Zimri do goar ni halak Israel na dipamate rap dohot boru ni halak Midian i. Anak ni si Salu do ibana, pamimpin ni keluarga sian pihak ni bapakna na sian marga Simeon. 15 Jala si Kosbi do goar ni boru ni halak Midian i. Boru ni si Zur+ do ibana, pamimpin ni sada marga di Midian.+

16 Didok Jahowa ma muse tu si Musa, 17 “Marporang ma hamu mangalo halak Midian i, jala bunu ma nasida.+ 18 Ai nungnga dialo jala diakkali nasida hamu taringot tu debata Peor i,+ dohot taringot tu si Kosbi boru ni pamimpin ni halak Midian, na dipamate+ tikki ro sahit na posi alani debata Peor i.”+

26 Dung salpu sahit na posi i,+ makkatai ma Jahowa tu si Musa dohot tu si Eleasar anak ni Malim Aron. Ninna ma, 2 “Bahen ma sensus tu sude halak Israel na marumur 20 taon tu ginjang. Etong ma nasida mangihutton marga dohot keluarga na sian pihak ni bapakna. Etong ma sadia godang sian nasida na boi gabe tentara ni halak Israel.”+ 3 Dipaboa si Musa dohot Malim Eleasar+ ma i tu bangso i di Gurun Moab+ na di bariba ni Sunge Jordan, na di jonok ni kota Jeriko.+ Didok ma, 4 “Bahen hamu ma sensus lao mangetong sadia godang bawa na marumur 20 taon tu ginjang, songon na diparettahon Jahowa tu si Musa.”+

On ma akka pinoppar ni halak Israel na kaluar sian Mesir: 5 Sian marga Ruben+ anak siakkangan ni si Israel i ma:+ sian si Hanok, keluarga pinoppar ni si Hanok, sian si Pallu keluarga pinoppar ni si Pallu, 6 sian si Hezron keluarga pinoppar ni si Hezron, dohot sian si Karmi keluarga pinoppar ni si Karmi. 7 Akka i ma keluarga sian pinoppar ni si Ruben. Jadi 43.730 halak ma sude nasida na didaftar.+

8 Anak ni si Pallu i ma si Eliab. 9 Anak ni si Eliab i ma si Nemuel, si Datan, dohot si Abiram. Si Datan dohot si Abiram on ma na dipillit gabe pamimpin sian tonga-tonga ni bangso i. Alai dohot do nasida mangalo si Musa+ dohot si Aron. Dohot do nasida mangalo Jahowa+ rap dohot akka dongan ni si Kora.+

10 Bola dua ma tano i, diboddut ma nasida. Alai anggo si Kora, mate do ibana ditutung api rap dohot 250 halak+ na mangihutton ibana. Gabe sipasingot ma na masa i tu na asing.+ 11 Alai anggo akka anak ni si Kora dang dohot mate.+

12 Sian marga Simeon+ mangihutton keluargana i ma: sian si Nemuel, keluarga pinoppar ni si Nemuel. Sian si Jamin, keluarga pinoppar ni si Jamin. Sian si Jakin, keluarga pinoppar ni si Jakin. 13 Sian si Jara, keluarga pinoppar ni si Jara. Jala sian si Saul, keluarga pinoppar ni si Saul. 14 Akka i ma keluarga sian pinoppar ni si Simeon. Godang ni bawa na didaftar, i ma 22.200 halak.+

15 Sian marga Gad+ mangihutton keluargana i ma: sian si Zepon keluarga pinoppar ni si Zepon. Sian si Haggi, keluarga pinoppar ni si Haggi. Sian si Suni, keluarga pinoppar ni si Suni. 16 Sian si Osni, keluarga pinoppar ni si Osni. Sian si Eri, keluarga pinoppar ni si Eri. 17 Sian si Arod, keluarga pinoppar ni si Arod. Jala sian si Areli, keluarga pinoppar ni si Areli. 18 Akka i ma keluarga sian pinoppar ni si Gad. Jadi 40.500 halak ma sude nasida na didaftar.+

19 Akka anak ni si Juda,+ i ma si Er dohot si Onan.+ Alai mate do si Er dohot si Onan di tano Kanaan.+ 20 Sian marga Juda mangihutton keluargana i ma: sian si Sela,+ keluarga pinoppar ni si Sela. Sian si Peres,+ keluarga pinoppar ni si Peres. Sian si Jara,+ keluarga pinoppar ni si Jara. 21 Akka pinoppar ni si Peres i ma: sian si Hezron,+ keluarga pinoppar ni si Hezron. Sian si Hamul,+ keluarga pinoppar ni si Hamul. 22 Akka i ma keluarga sian pinoppar ni si Juda. Godang ni bawa na didaftar, i ma 76.500 halak.+

23 Sian marga Isasar+ mangihutton keluargana i ma: sian si Tola,+ keluarga pinoppar ni si Tola. Sian si Puwa, keluarga pinoppar ni si Puwa. 24 Sian si Jashub, keluarga pinoppar ni si Jashub. Sian si Simron, keluarga pinoppar ni si Simron. 25 Akka i ma keluarga sian pinoppar ni si Isasar. Godang ni bawa na didaftar, i ma 64.300 halak.+

26 Sian marga Zebulon+ mangihutton keluargana i ma: sian si Sered, keluarga pinoppar ni si Sered. Sian si Elon, keluarga pinoppar ni si Elon. Sian si Jalel, keluarga pinoppar ni si Jalel. 27 Akka i ma keluarga sian pinoppar ni si Zebulon. Godang ni bawa na didaftar, i ma 60.500 halak.+

28 Akka pinoppar ni si Josep+ mangihutton keluargana, i ma si Manasse dohot si Epraim.+ 29 Akka pinoppar ni si Manasse+ i ma: sian si Mahir,+ keluarga pinoppar ni si Mahir. Anak ni si Mahir i ma si Gilead,+ sian si Gilead keluarga pinoppar ni si Gilead. 30 Akka on ma pinoppar ni si Gilead i ma: sian si Ieser, keluarga pinoppar ni si Ieser. Sian si Helek, keluarga pinoppar ni si Helek. 31 Sian si Asriel, keluarga pinoppar ni si Asriel. Sian si Sikem, keluarga pinoppar ni si Sikem. 32 Sian si Semida, keluarga pinoppar ni si Semida. Sian si Heper, keluarga pinoppar ni si Heper. 33 Alai anggo si Zelapehat+ anak ni si Heper dang adong anakna, holan boruna do.+ Goar ni nasida, i ma si Mala, si Noah, si Hoglah, si Milka, dohot si Tirza. 34 Akka i ma keluarga sian pinoppar ni si Manasse. Jadi 52.700 halak ma sude nasida na didaftar.+

35 Sian marga Epraim+ mangihutton keluargana i ma: sian si Sutelah,+ keluarga pinoppar ni si Sutelah. Sian si Beker, keluarga pinoppar ni si Beker. Sian si Tahan, keluarga pinoppar ni si Tahan. 36 Akka on ma pinoppar ni si Sutelah: sian si Eran, keluarga pinoppar ni si Erani. 37 Akka i ma keluarga sian pinoppar ni si Epraim. Jadi 32.500 halak ma sude nasida na didaftar.+ Akka i ma pinoppar ni si Josep mangihutton keluargana.

38 Sian marga Benjamin+ mangihutton keluargana i ma: sian si Bela,+ keluarga pinoppar ni si Bela. Sian si Asbel, keluarga pinoppar ni si Asbel. Sian si Ahiram, keluarga pinoppar ni si Ahiram. 39 Sian si Sheshupam, keluarga pinoppar ni si Sheshupam. Sian si Hupham, keluarga pinoppar ni si Hupham. 40 Akka pinoppar ni si Bela, i ma si Ared dohot si Naaman.+ Sian si Ared, keluarga pinoppar ni si Ared, sian si Naaman keluarga pinoppar ni si Naaman. 41 Akka i ma keluarga sian pinoppar ni si Benjamin. Jadi 45.600 halak ma sude nasida na didaftar.+

42 Sian marga Dan+ mangihutton keluargana i ma: sian si Suham, keluarga pinoppar ni si Suham. I ma keluarga sian marga Dan mangihutton keluargana. 43 Na tardaftar sian sude keluarga pinoppar ni si Suham, i ma 64.400 halak.+

44 Sian marga Aser+ mangihutton keluargana i ma: sian si Innah, keluarga pinoppar ni si Innah. Sian si Ispi, keluarga pinoppar ni si Ispi. Sian si Beria, keluarga pinoppar ni si Beria. 45 Sian pinoppar ni si Beria i ma: sian si Heber, keluarga pinoppar ni si Heber. Sian si Malkiel, keluarga pinoppar ni si Malkiel. 46 Goar ni boru ni si Aser, i ma si Serah. 47 Akka i ma keluarga sian pinoppar ni si Aser. Jadi 53.400 halak ma sude nasida na didaftar.+

48 Sian marga Naptali+ mangihutton keluargana i ma: sian si Jazeel, keluarga pinoppar ni si Jazeel. Sian si Guni, keluarga pinoppar ni si Guni. 49 Sian si Yezer, keluarga pinoppar ni si Yezer. Sian si Shillem, keluarga pinoppar ni si Shillem. 50 Akka i ma keluarga sian pinoppar ni si Naptali. Jadi 45.400 halak ma sude nasida na didaftar.+

51 Jadi 601.730 halak ma sude bangso Israel na didaftar i.+

52 Dung i, didok Jahowa ma tu si Musa, 53 “Lehon ma tano i gabe parbagianan ni nasida. Bagi ma i mangihutton sadia godang nasida na didaftar i.*+ 54 Molo godang do nasida sapunguan, tambai ma parbagiananna. Alai molo otik do nasida sapunguan orui ma parbagianan ni nasida.+ Ikkon bagionmu do parbagianan i mangihutton godang ni nasida na tardaftar di sada punguan. 55 Alai ikkon marhite undi do tano i dibagi.+ Lehon ma i tu nasida gabe parbagianan ni nasida mangihutton marga ni ompu ni nasida. 56 Sude parbagianan i ditottuhon marhite undi. Dibagi ma i tu sude punguan, na balga manang na gelleng.”

57 On ma pinoppar ni marga Lepi+ na didaftar mangihutton keluargana: sian si Gerson, keluarga pinoppar ni si Gerson. Sian si Kohat,+ keluarga pinoppar ni si Kohat. Sian si Merari, keluarga pinoppar ni si Merari. 58 Akka on ma keluarga sian pinoppar ni si Lepi: keluarga pinoppar ni si Libni,+ keluarga pinoppar ni si Hebron,+ keluarga pinoppar ni si Mahli,+ keluarga pinoppar ni si Musi,+ keluarga pinoppar ni si Kora.+

Anak ni si Kohat i ma si Amram.+ 59 Goar ni istri ni si Amram, i ma si Jokhebed+ boru ni si Lepi na ditubuhon di Mesir. Ditubuhon ibana do anak di si Amram, i ma si Aron, si Musa, dohot si Miryam iboto ni nasida.+ 60 Akka anak ni si Aron i ma si Nadab, si Abihu, si Eleasar, dohot si Itamar.+ 61 Alai nungnga mate si Nadab dohot si Abihu ala dipelehon nasida tu Jahowa dupa na so adong didok di patik.+

62 Godang ni sude bawa na didaftar na marumur sabulan tu ginjang, i ma 23.000 halak.+ Pulik do dibahen daftar ni nasida sian halak Israel.+ Ai dang mandapot parbagianan nasida di tonga-tonga ni halak Israel.+

63 Akka i ma halak na didaftar si Musa dohot Malim Eleasar. Didaftar do bangso i di Gurun Moab na di bariba ni Sunge Jordan, na di jonok ni kota Jeriko. 64 Alai dang adong be sian nasida akka halak na hea didaftar si Musa dohot Malim Aron tikki disensus halak Israel di Gurun Sinai.+ 65 Ai nungnga didok Jahowa hian songon on taringot nasida, “Na lao mate do nasida sude di gurun.”+ Alani i, dang adong sian nasida na tinggal asing ni si Kaleb anak ni si Jepune dohot si Josua anak ni si Nun.+

27 Ro ma akka boru ni si Zelapehat,+ anak ni si Heper. Si Heper i ma anak ni si Gilead, si Gilead i ma anak ni si Mahir, si Mahir i ma anak ni si Manasse, jala si Manasse i ma anak ni si Josep. Goar ni akka boru ni si Zelapehat i ma si Mala, si Noah, si Hoglah, si Milka, dohot si Tirza. 2 Jongjong ma nasida di jolo ni si Musa, Malim Eleasar, akka pamimpin ni bangso i,+ dohot di jolo ni sude bangso i di pintu ni kemah parpunguan. Didok ma, 3 “Nungnga mate bapaknami di gurun. Alai dang ala na dohot ibana mangalo Jahowa rap dohot akka na mangihutton si Kora.+ Alai alani dosana sandiri do ibana mate. Jala dang adong anakna bawa. 4 Alai unang ma ala dang adong bawa anak ni bapaknami i, gabe mago goarna sian tonga-tonga ni keluargana. Lehon ma tu hami parbagianan ni bapaknami i dos songon haha anggi ni bapaknami.” 5 Dung i dipaboa si Musa ma parsoalan i tu Jahowa.+

6 Songon on ma didok Jahowa tu si Musa, 7 “Sittong do na nidok ni boru ni si Zelapehat i. Ikkon lehononmu do parbagianan di nasida songon parbagianan ni akka haha anggi ni bapak ni nasida. Lehon ma parbagianan ni bapak ni nasida i tu nasida.+ 8 Jala paboa ma songon on tu halak Israel, ‘Molo mate sahalak ama alai dang adong anakna bawa, ikkon lehononmuna do parbagiananna i tu akka boruna. 9 Jala molo dang adong boruna, lehon hamu ma parbagiananna i tu haha anggina. 10 Molo dang adong haha anggina, lehon hamu ma parbagiananna i tu haha anggi ni bapakna. 11 Molo dang adong haha anggi ni bapakna i, lehon hamu ma parbagiananna i tu keluarga na samudar dohot ibana. Lok ma gabe appuna ni keluargana parbagiananna i. On ma aturan na ditottuhon tu sude halak Israel, songon na diparettahon Jahowa tu si Musa.’”

12 Dung i didok Jahowa ma tu si Musa, “Nakkok ma ho tu Dolok Abarim+ on, asa tatap luat na lao lehonokki tu halak Israel.+ 13 Dung ditatap ho luat i, mate ma ho songon abangmu si Aron+ jala dikuburhon songon akka ompumuna.*+ 14 Ai tikki marsoal bangso i tu Au di Gurun Zin, dilanggar hamu do parettakku. Dang dipasangap hamu Au di jolo ni bangso Israel marhite patuduhon na badia Au, tikki na hulehon i aek+ tu nasida di Mual Meriba+ na di Kades,+ di Gurun Zin.”+

15 Dung i didok si Musa ma tu Jahowa, 16 “Ale Jahowa, Debata Silehon ngolu tu sude jolma, Ho ma na mamillit sahalak bawa na gabe pamimpin ni bangso on. 17 Bawa i ma na mamimpin nasida di sude ulaon ni nasida jala na manogu-nogu nasida, asa unang songon biru-biru na so adong parmahanna bangso ni Jahowa i.” 18 Didok Jahowa ma tu si Musa, “Pillit ma si Josua anak ni si Nun, sahalak bawa na boi dihaporseai gabe pamimpin.* Appehon ma tanganmu tu ibana.+ 19 Suru ma ibana jongjong di jolo ni Malim Eleasar dohot di jolo ni sude halak Israel i. Ikkon di jolo ni nasida do ditugasson ho ibana gabe pamimpin.+ 20 Ikkon lehononmu do deba huasomi* tu ibana,+ asa ditangihon bangso Israel ibana.+ 21 Ikkon jongjong do ibana di jolo ni Malim Eleasar. Ai si Eleasar do na mamakke Urim*+ lao mangido tudu-tudu sian Jahowa, asa diboto si Josua songon dia keputusan ni Debata. Molo dung dijalo paretta i, ikkon ulahonon ni nasida ma i. Ikkon ulahononna ma i dohot sude bangso Israel.”

22 Diulahon si Musa ma i dos songon paretta ni Jahowa. Diboan ibana ma si Josua jongjong di jolo ni Malim Eleasar dohot di jolo ni bangso i. 23 Diappehon ibana ma tanganna tu si Josua jala dipillit ma ibana gabe pamimpin,+ dos songon na diparettahon Jahowa tu si Musa.+

28 Dung i didok Jahowa ma tu si Musa, 2 “Paboa ma paretta on tu halak Israel, ‘Ikkon lehononmuna do peleanmuna na songon sipanganon* i di Au di tikki naung ditottuhon.+ Ikkon ditutung do pelean i dohot api na uapna palashon rohakku.’

3 “Paboa ma tu nasida, ‘On ma pelean na ditutung na ikkon dilehon hamu tu Jahowa: dua biru-biru jantan na sehat jala na marumur sataon. Ikkon dilehon hamu do i ganup ari lao gabe pelean situtungon.+ 4 Pelehon ma sada biru-biru jantan i di manogotna, jala dung bonom* mataniari pelehon ma na sada nai.+ 5 Pelehon ma i rap dohot saparsappulu epa* topung na halus na dicampur dohot saparopat hin* miak jetun. Pelehon ma i gabe pelean sipanganon.*+ 6 Akka i ma pelean situtungon na ikkon dilehon ganup ari,+ naung ditottuhon di Dolok Sinai. Akka i ma na gabe pelean na ditutung dohot api tu Jahowa, jala uapna palashon rohana. 7 Tikki mamelehon sada biru-biru, pelehon hamu ma saparopat hin siinumon na maralkohol lao gabe pelean siinumon.+ Usehon ma i di inganan na badia gabe pelean siinumon tu Jahowa. 8 Jala dung bonom* mataniari pelehon ma biru-biru na sada nai. Songon na dibahen ganup manogot, ikkon pelehononmuna do muse pelean sipanganon dohot pelean siinumon na sarupa lao gabe pelean na ditutung dohot api tu Jahowa, jala uapna palashon rohana.+

9 “‘Alai di ari Sabat,+ ikkon pelehononmuna do dua biru-biru jantan na sehat jala na marumur sataon. Pelehon ma i rap dohot dua parsappulu epa topung na halus na dicampur dohot miak, lao gabe pelean sipanganon rap dohot pelean siinumon. 10 Akka i ma pelean situtungon na ikkon dilehon di ari Sabat, tamba ni pelean situtungon na ikkon dilehon ganup ari rap dohot pelean siinumonna.+

11 “‘Di mula ni ganup bulan, ikkon lehononmuna do dua lombu jantan na poso, sada biru-biru jantan, dohot pitu biru-biru jantan na sehat jala na marumur sataon lao gabe pelean situtungon tu Jahowa.+ 12 Ganup dipelehon hamu sada lombu jantan, ikkon pelehononmuna do tolu parsappulu epa topung na halus na dicampur dohot miak lao gabe pelean sipanganon.+ Jala ganup dipelehon sada biru-biru jantan, ikkon dipelehon hamu do dua parsappulu epa topung na halus na dicampur dohot miak lao gabe pelean sipanganon.+ 13 Ganup dipelehon hamu sada biru-biru jantan anakna, pelehon hamu ma saparsappulu epa topung na halus na dicampur dohot miak gabe pelean sipanganon. Pelehon ma sudena i gabe pelean situtungon, na ditutung dohot api na uapna palashon roha ni Jahowa.+ 14 Ikkon dipelehon hamu do muse pelean siinumon satonga hin anggur tu ganup lombu jantan,+ sapartolu hin anggur tu ganup biru-biru jantan,+ jala saparopat hin anggur tu ganup biru-biru jantan anakna.+ Akka i ma pelean situtungonmuna ganup bulan di bagasan sataon. 15 Jala ikkon dilehon hamu do muse sada hambing na poso lao gabe pelean hasesaan ni dosa tu Jahowa, tamba ni pelean na ikkon dilehon hamu ganup ari rap dohot pelean siinumonna.

16 “‘Di ari na pasappulu opatton, di bulan na parjolo, i ma ari Paska tu Jahowa.+ 17 Jala adong do perayaan di ari na pasappulu limahon di bulan i. Ikkon mangallang roti na so marragi do hamu saleleng pitu ari.+ 18 Di ari na parjolo, ikkon marpungu do hamu manomba Au. Jala dang adong sian hamu na boi karejo. 19 Ikkon dipelehon hamu do dua lombu jantan na poso, sada biru-biru jantan, dohot pitu biru-biru jantan anakna na marumur sataon lao gabe pelean situtungon tu Jahowa. Ikkon na sehat do sude binatang na lao dipelehon i.+ 20 Sudena i ikkon dipelehon rap dohot pelean sipanganon, i ma topung na halus na dicampur dohot miak.+ Tolu parsappulu epa ma tu sada lombu jantan, dua parsappulu epa ma tu biru-biru jantan, 21 jala saparsappulu epa ma tu ganup biru-biru jantan anakna na pitu i. 22 Ikkon dipelehon hamu do muse sada hambing lao gabe pelean hasesaan ni dosa, na lao dipakke tikki dipangido asa disesa dosamuna. 23 Ikkon dipelehon hamu do sudena i tamba ni pelean situtungon na dilehon hamu ganup ari di tikki manogot. 24 Bahen hamu ma songon i saleleng pitu ari. Ikkon dipelehon hamuna do i ganup ari gabe songon sipanganon.* I ma na gabe pelean na ditutung dohot api, na uapna palashon roha ni Jahowa. Ikkon dipelehon do i rap dohot pelean situtungon na dilehon ganup ari rap dohot pelean siinumonna. 25 Di ari na papituhon, ikkon marpungu do hamu manomba Au.+ Jala dang adong sian hamu na boi karejo.+

26 “‘Ikkon marpungu do hamu manomba Au tikki Perayaan Dung Pitu Minggu,+ i ma tikki dibuat hamu hasil panen na parjolo sahali sian ladangmuna+ jala tikki diboan hamu pelean sipanganon na baru tu Jahowa.+ Dang boi hamu karejo di ari i.+ 27 Ikkon boanonmuna do dua lombu jantan na poso, sada biru-biru jantan jala pitu biru-biru jantan anakna na marumur sataon. Pelehon ma i gabe pelean situtungon, na uapna palashon roha ni Jahowa.+ 28 Jala pelehon ma muse topung na halus na dicampur dohot miak lao gabe pelean sipanganon. Pelehon ma tolu parsappulu epa tu sada lombu jantan, dua parsappulu epa tu biru-biru jantan, 29 jala saparsappulu epa tu ganup biru-biru jantan anakna na pitu i. 30 Jala pelehon hamu ma sada hambing na poso lao dipakke tikki dipangido asa disesa dosamuna.+ 31 Ikkon dipelehon hamu do sudena i rap dohot pelean siinumonna tamba ni pelean situtungon na dilehon ganup ari rap dohot pelean sipanganonna. Sude binatang na dipelehon i ikkon na sehat do.+

29 “‘Di ari na parjolo, di bulan na papituhon, ikkon marpungu do hamu manomba Au. Ikkon ombusonmuna do tarompet di ari i+ jala dang boi hamu karejo.+ 2 Ikkon pelehononmuna do sada lombu jantan na poso, sada biru-biru jantan, dohot pitu biru-biru jantan anakna na marumur sataon. Pelehon ma i gabe pelean situtungon na uapna palashon roha ni Jahowa. Sude binatang na dipelehon i ikkon na sehat. 3 Ikkon pelehononmuna do muse topung na halus na dicampur dohot miak lao gabe pelean sipanganon.* Bahen ma tolu parsappulu epa tu lombu jantan jala dua parsappulu tu biru-biru jantan. 4 Jala ikkon dibahen hamu do saparsappulu epa tu ganup biru-biru jantan na pitu i. 5 Pelehon ma muse sada hambing jantan na poso lao gabe pelean hasesaan ni dosa, na dipakke tikki dipangido asa disesa dosamuna. 6 Ikkon dipelehon do sudena i tamba ni pelean situtungon na dilehon ganup bulan, rap dohot pelean sipanganonna.+ Jala pelehon ma i tamba ni pelean situtungon na dilehon ganup ari, rap dohot pelean sipanganonna+ dohot pelean siinumonna.+ Dilehon do i mangihutton aturan naung ditottuhon. Akka i ma pelean na ditutung dohot api jala uapna palashon roha ni Jahowa.

7 “‘Di ari na pasappuluhon di bulan na papituhon i, ikkon marpungu do hamu manomba Au.+ Jala ikkon dipatudu hamu do na manolsoli hamu alani dosamuna.* Dang boi hamu karejo di ari i.+ 8 Ikkon pelehononmuna do sada lombu jantan na poso, sada biru-biru jantan, dohot pitu biru-biru jantan anakna na marumur sataon. Pelehon ma i gabe pelean situtungon na uapna palashon roha ni Jahowa. Sude binatang na dipelehon i ikkon na sehat.+ 9 Ikkon pelehononmuna do muse topung na halus na dicampur dohot miak lao gabe pelean sipanganon. Bahen ma tolu parsappulu epa tu lombu jantan, dua parsappulu tu biru-biru jantan, 10 jala saparsappulu epa tu ganup biru-biru jantan anakna na pitu i. 11 Pelehon ma muse sada hambing na poso lao gabe pelean hasesaan ni dosa. Pelehon ma i tamba ni pelean hasesaan ni dosa+ na dilehon di Ari Pardamean.* Jala tamba ni pelean situtungon na dilehon ganup ari, rap dohot pelean sipanganonna dohot pelean siinumonna.

12 “‘Di ari na pasappulu limahon di bulan na papituhon i, ikkon marpungu do hamu manomba Au. Dang boi hamu karejo di ari i. Ikkon bahenonmuna do perayaan lao pasangappon Jahowa saleleng pitu ari.+ 13 Ikkon pelehononmuna do 13 lombu jantan na poso, 2 biru-biru jantan, dohot 14 biru-biru jantan anakna na marumur sataon lao gabe pelean situtungon.+ Sude binatang na dipelehon i ikkon na sehat.+ Akka i ma pelean na ditutung dohot api jala uapna palashon roha ni Jahowa. 14 Ikkon pelehononmuna do muse topung na halus na dicampur dohot miak lao gabe pelean sipanganon. Bahen ma tolu parsappulu epa tu ganup lombu jantan na 13 i, dua parsappulu tu ganup biru-biru jantan na 2 i, 15 jala saparsappulu epa tu ganup biru-biru jantan anakna na 14 i. 16 Pelehon ma muse sada hambing na poso lao gabe pelean hasesaan ni dosa. Pelehon ma i tamba ni pelean situtungon na dilehon ganup ari, rap dohot pelean sipanganonna dohot pelean siinumonna.+

17 “‘Di ari na paduahon ikkon pelehononmuna do 12 lombu jantan na poso, 2 biru-biru jantan, jala 14 biru-biru jantan anakna na marumur sataon. Sude binatang na dipelehon i ikkon na sehat.+ 18 Pelehon ma muse pelean sipanganon dohot pelean siinumon rap dohot lombu jantan i, biru-biru jantan, dohot biru-biru jantan anakna i sesuai tu godang ni pelean naung ditottuhon hian. 19 Pelehon ma muse sada hambing na poso lao gabe pelean hasesaan ni dosa. Pelehon ma i tamba ni pelean situtungon na dilehon ganup ari, rap dohot pelean sipanganonna dohot pelean siinumonna.+

20 “‘Di ari na patoluhon ikkon pelehononmuna do 11 lombu jantan, 2 biru-biru jantan, jala 14 biru-biru jantan anakna na marumur sataon. Sude binatang na dipelehon i ikkon na sehat.+ 21 Pelehon ma muse pelean sipanganon dohot pelean siinumon rap dohot lombu jantan i, biru-biru jantan, dohot biru-biru jantan anakna i sesuai tu godang ni pelean naung ditottuhon hian. 22 Pelehon ma muse sada hambing lao gabe pelean hasesaan ni dosa. Pelehon ma i tamba ni pelean situtungon na dilehon ganup ari, rap dohot pelean sipanganonna dohot pelean siinumonna.+

23 “‘Di ari na paopatton, ikkon pelehononmuna do 10 lombu jantan, 2 biru-biru jantan, jala 14 biru-biru jantan anakna na marumur sataon. Sude binatang na dipelehon i ikkon na sehat.+ 24 Pelehon ma muse pelean sipanganon dohot pelean siinumon rap dohot lombu jantan i, biru-biru jantan, dohot biru-biru jantan anakna i sesuai tu godang ni pelean naung ditottuhon hian. 25 Pelehon ma muse sada hambing na poso lao gabe pelean hasesaan ni dosa. Pelehon ma i tamba ni pelean situtungon na dilehon ganup ari, rap dohot pelean sipanganonna dohot pelean siinumonna.+

26 “‘Di ari na palimahon ikkon pelehononmuna do 9 lombu jantan, 2 biru-biru jantan, jala 14 biru-biru jantan anakna na marumur sataon. Sude binatang na dipelehon i ikkon na sehat.+ 27 Pelehon ma muse pelean sipanganon dohot pelean siinumon rap dohot lombu jantan i, biru-biru jantan, dohot biru-biru jantan anakna i sesuai tu godang ni pelean naung ditottuhon hian. 28 Pelehon ma muse sada hambing lao gabe pelean hasesaan ni dosa. Pelehon ma i tamba ni pelean situtungon na dilehon ganup ari, rap dohot pelean sipanganonna dohot pelean siinumonna.+

29 “‘Di ari na paonomhon ikkon pelehononmuna do 8 lombu jantan, 2 biru-biru jantan, jala 14 biru-biru jantan anakna na marumur sataon. Sude binatang na dipelehon i ikkon na sehat.+ 30 Pelehon ma muse pelean sipanganon dohot pelean siinumon rap dohot lombu jantan i, biru-biru jantan, dohot biru-biru jantan anakna i sesuai tu godang ni pelean naung ditottuhon hian. 31 Pelehon ma muse sada hambing lao gabe pelean hasesaan ni dosa. Pelehon ma i tamba ni pelean situtungon na dilehon ganup ari, rap dohot pelean sipanganonna dohot pelean siinumonna.+

32 “‘Di ari na papituhon, ikkon pelehononmuna do 7 lombu jantan, 2 biru-biru jantan, jala 14 biru-biru jantan anakna na marumur sataon. Sude binatang na dipelehon i ikkon na sehat.+ 33 Pelehon ma muse pelean sipanganon dohot pelean siinumon rap dohot lombu jantan i, biru-biru jantan, dohot biru-biru jantan anakna i sesuai tu godang ni pelean naung ditottuhon hian. 34 Pelehon ma muse sada hambing lao gabe pelean hasesaan ni dosa. Pelehon ma i tamba ni pelean situtungon na dilehon ganup ari, rap dohot pelean sipanganonna dohot pelean siinumonna.+

35 “‘Di ari na paualuhon, ikkon marpungu do hamu lao manomba Au. Dang boi hamu karejo di ari i.+ 36 Ikkon pelehononmuna do sada lombu jantan, sada biru-biru jantan, jala pitu biru-biru jantan anakna na marumur sataon. Pelehon ma i gabe pelean situtungon na uapna palashon roha ni Jahowa. Sude binatang na dipelehon i ikkon na sehat.+ 37 Pelehon ma muse pelean sipanganon dohot pelean siinumon rap dohot lombu jantan i, biru-biru jantan, dohot biru-biru jantan anakna i sesuai tu godang ni pelean naung ditottuhon hian. 38 Pelehon ma muse sada hambing lao gabe pelean hasesaan ni dosa. Pelehon ma i tamba ni pelean situtungon na dilehon ganup ari, rap dohot pelean sipanganonna dohot pelean siinumonna.+

39 “‘Akka i ma na ikkon dipelehon hamu tu Jahowa ganup adong perayaan.+ Pelehon ma i tamba ni pelean situtungon+ na dilehon hamu ala mambahen janji+ dohot tamba ni pelean na dilehon sian na nionjar ni roha.+ Jala lehon ma i tamba ni pelean sipanganon,+ pelean siinumon,+ dohot pelean pardamean.’”*+ 40 Dipaboa si Musa ma tu halak Israel sude na diparettahon Jahowa tu ibana.

30 Dung i makkatai ma si Musa tu akka pamimpin+ ni marga ni Israel. Didok ma, “Songon on ma paretta ni Jahowa: 2 Molo adong sahalak bawa mambahen janji+ tu Jahowa manang marsumpa+ lao marpattang mangulahon sada ulaon, dang boi sundatanna janjina i.+ Ikkon bahenonna do sude cara lao pasautton janjina i.+

3 “Molo adong sahalak borua na poso na tinggal di jabu ni bapakna dope, mambahen janji tu Jahowa manang marsumpa lao marpattang mangulahon sada ulaon, 4 jala molo dibege bapakna do ibana mambahen janji manang sumpa, alai dang diorai ibana, toktong do marlakku janjina i. Ikkon ulahononna ma sude na nidokna di janjina i. 5 Alai molo diorai bapakna do ibana dung dibege dibahen ibana janji manang sumpana i, dang marlakku be janjina i. Sesaon ni Jahowa do dosana, ai na diorai bapakna do ibana mambahen janji i.+

6 “Alai molo nungnga muli ibana, hape dibahen ibana janji manang sumpa, dang jolo dipikkiri ibana, 7 jala dibege suamina do janjina i, alai dang diorai ibana, toktong do marlakku janjina manang sumpana i. 8 Alai molo diorai suamina do ibana tikki dibege janji manang sumpana i, boi do disundati suamina janji manang sumpa na binahenna so jolo dipikkiri.+ Sesaon ni Jahowa do dosa ni borua i.

9 “Alai molo adong sahalak ina na mabalu manang borua na disirakkon mambahen janji, toktong do marlakku manang aha pe na nidokna di janjina.

10 “Alai molo adong sahalak borua mambahen janji, manang marsumpa lao marpattang mangulahon sada ulaon tikki di jabu ni suamina ibana, 11 jala tikki dibege suamina janjina i, setuju do ibana tu janji i jala dang diorai, toktong do marlakku janji manang sumpana i. 12 Alai tikki dibege suamina janji i, jala disundati suamina i do janji manang sumpana lao marpattang mangulahon sada ulaon, dang marlakku be sude na nidokna di janji i.+ Sesaon ni Jahowa do dosa ni borua i. Ai na disundati suamina do ibana mambahen janji. 13 Suamina do na marhak lao mangorai manang paloasson ibana mambahen janji manang sumpa lao marpattang mangulahon sada ulaon manang marjanji lao mangulahon sada ulaon. 14 Molo dang disundati suamina i janji ni istrina sian ari tu ari, on patuduhon setuju do suamina i tu sude na nidokna di janji manang sumpana i. Alana, dang diorai suamina ibana mambahen janjina tikki dibege ibana janjina i. Alani i, nungnga setuju suamina tu sude sumpa ni istrina i. 15 Alai molo disundati suamina do janji i di pudian ni ari, manang piga-piga ari dung dibege ibana janji ni istrina i, suamina i ma na mananggung akibat ni sala ni istrina.+

16 “Songon i ma paretta ni Jahowa tu si Musa taringot tu suami dohot istri, jala taringot tu sahalak ama dohot boruna na poso dope na tinggal di jabuna.”

31 Dung i, didok Jahowa ma tu si Musa, 2 “Bunu ma halak Midian i,+ baloshon+ ma na binahen ni nasida tu halak Israel. Dung diulahon ho i, mate nama ho.”*+

3 Makkatai ma si Musa tu bangso i. Didok ma, “Parade ma akka bawa sian tonga-tongamuna lao marporang mangalo halak Midian. Baloshon hamu ma pambahenan ni halak Midian i songon na didok Jahowa. 4 Parade ma 1.000 tentara sian ganup marga ni Israel lao marporang.” 5 Sian marribu halak Israel+ diparade ma 1.000 halak sian ganup marga. Alani i, gabe 12.000 ma bawa na diparade lao marporang.

6 Disuru si Musa ma lao 1.000 tentara sian ganup marga lao marporang. Borhat ma nasida rap dohot si Pinehas+ anak ni Malim Eleasar. Ibana do na mamboan akka barang na badia dohot akka tarompet na dipakke lao mambahen tanda.+ 7 Maju ma nasida marporang mangalo halak Midian songon na diparettahon Jahowa tu si Musa. Dibunu nasida ma sude akka bawa. 8 Asing ni i, dipamate nasida do lima raja ni Midian, i ma si Evi, si Rekem, si Zur, si Hur, dohot si Reba. Dibunu nasida do muse si Bileam+ anak ni si Beor pakke podang. 9 Alai diboan nasida do akka borua dohot dakdanak ni halak Midian. Dibuat nasida do muse akka lombu, hambing, biru-biru, sude binatang na dipiaro, dohot sude arta ni halak Midian i. 10 Ditutung nasida ma sude kota na diingani halak Midian dohot sude perkemahan ni nasida.* 11 Ditakkup nasida ma akka jolma na disi, diboan nasida ma sude arta ni halak Midian i, dohot akka binatang ni nasida. 12 Dung i diboan nasida ma akka jolma na ditakkup i tu si Musa, tu Malim Eleasar dohot tu jolo ni bangso Israel. Diboan do muse arta dohot akka binatang ni halak Midian i. Diboan nasida ma i tu perkemahan na di Gurun Moab+ na di bariba ni Sunge Jordan, na di jonok ni kota Jeriko.

13 Dung i ro ma si Musa, Malim Eleasar, dohot sude pamimpin ni halak Israel manjuppangi nasida tu luar ni perkemahan. 14 Alai muruk ma si Musa tu akka bawa na dipillit gabe pamimpin ni akka tentara i, i ma pamimpin ni na sasaribu dohot pamimpin ni na sasaratus na mulak sian parporangan i. 15 Didok si Musa ma tu nasida, “Boasa dipasombu hamu mangolu akka borua? 16 Ai nasida do na manggoda halak Israel alani hata ni si Bileam. Dibahen nasida do halak Israel dang setia+ tu Jahowa jala gabe manomba debata Peor.+ Alani i do umbahen na masa sahit na posi tu bangso ni Jahowa.+ 17 Saonari bunu hamu ma sude dakdanak bawa dohot sude borua na hea mangulahon seks dohot bawa. 18 Alai anggo anak boru na so hea dope mangulahon seks dohot bawa, pasombu hamu ma mangolu.+ 19 Saleleng pitu ari, ikkon di luar ni perkemahan do hamu markemah. Sude halak naung mambunu dohot na manjama bakke ni halak na hona bunu,+ ikkon pabadiahon dirina+ di ari na patoluhon dohot di ari na papituhon. Ikkon ulahononmuna do i rap dohot akka jolma na binoanmuna i. 20 Ikkon dipabadia hamu do sude baju, sude barang na sian kulit, sude barang na sian hau, dohot sude barang na dibahen sian ibbulu ni hambing.”

21 Dung i didok Malim Eleasar ma tu akka tentara na lao marporang i, “On ma patik naung ditottuhon Jahowa marhite si Musa, 22 ‘Holan mas, perak, tombaga, bosi, timah putih, timah hitam, 23 dohot sude barang na tahan api do na ikkon ditutung asa gabe badia. Alai ikkon dipabadia do i muse dohot aek na dipakke tu ulaon pabadiahon.+ Jala sude barang na so tahan api ikkon disussi dohot aek. 24 Di ari na papituhon, ikkon disussi hamu do bajumuna, asa unang ramun* be hamu. Dukkon i, boi ma hamu masuk tu perkemahan.’”+

25 Didok Jahowa ma muse tu si Musa, 26 “Bahen ma daftar ni akka barang dohot binatang na diboan hamu, jala etong ma sadia godang halak na ditakkup jala na diboan hamu i. Ulahon ma i rap dohot Malim Eleasar dohot akka pamimpin na sian keluarga pihak bapak ni bangso i. 27 Bagi dua hamu ma akka arta na diboan hamu i. Bagi ma sabagian tu akka tentara na marporang jala na sabagian nai tu akka halak Israel na deba nai.+ 28 Sian bagian ni akka tentara na dohot marporang i, ikkon buatonmu do bagian ni Jahowa. Buat ma sada* sian ganup 500 jolma gabe bagian ni Debata. Jala buat ma muse sada sian ganup 500 lombu, halode, biru-biru, dohot hambing. 29 Buat ma i sian bagian ni akka tentara na dohot marporang, jala lehon ma tu Malim Eleasar gabe sumbangan tu Jahowa.+ 30 Sian bagian ni halak Israel, buat ma sada sian ganup 50 bilangan ni jolma, halode, biru-biru, hambing, dohot sude binatang na dipiaro. Lehon ma i tu halak Lepi+ na martugas di tabernakel ni Jahowa.”+

31 Jadi diulahon si Musa dohot Malim Eleasar ma songon na diparettahon ni Jahowa tu si Musa. 32 Godang ni akka barang na sisa na diboan akka halak na marporang i, i ma 675.000 hambing dohot biru-biru, 33 lombu 72.000 ekor, 34 jala halode 61.000 ekor. 35 Godang ni akka borua na so hea dope mangulahon seks dohot bawa,+ i ma 32.000 halak. 36 Godang ni hambing dohot biru-biru na gabe bagian ni akka tentara na dohot marporang, i ma 337.500 ekor. 37 Godang ni hambing dohot biru-biru na gabe bagian ni Jahowa, i ma 675 ekor. 38 Godang ni lombu bagian ni nasida i ma 36.000 ekor. Jala 72 ekor ma na gabe bagian ni Jahowa. 39 Godang ni halode bagian ni nasida, i ma 30.500 ekor. Jala 61 ekor ma na gabe bagian ni Jahowa. 40 Godang ni jolma na gabe bagian ni nasida, i ma 16.000 halak. Jala 32 halak ma na gabe bagian ni Jahowa. 41 Dung i, dilehon si Musa ma i tu Malim Eleasar+ gabe sumbangan tu Jahowa, dos songon na diparettahon Jahowa tu si Musa.

42 On ma bagian ni halak Israel na dipapulik si Musa sian akka arta na binoan ni tentara na marporang i: 43 hambing dohot biru-biru 337.500 ekor, 44 lombu 36.000 ekor, 45 halode 30.500 ekor, 46 jala 16.000 ma akka jolma. 47 Sian bagian ni halak Israel, dibuat si Musa ma sada sian ganup 50 bilangan ni jolma dohot akka binatang. Dilehon ma i tu halak Lepi+ na martugas di tabernakel ni Jahowa,+ dos songon na diparettahon Jahowa tu si Musa.

48 Dung i ro ma akka bawa na dipillit gabe pamimpin ni akka tentara i, i ma pamimpin ni na sasaribu+ dohot pamimpin ni na sasaratus manjuppangi si Musa. 49 Didok nasida ma, “Nungnga dietong hami be tuan akka tentara na huboan hami marporang. Dang adong sahalak pe sian nasida na mago.+ 50 Alani i, naeng lehononnami ma akka barang na dapotnami gabe pelean tu Jahowa. Lehononnami ma akka barang na sian mas, golang ni pat, golang ni tangan, cincin cap, anting, dohot perhiasan na asing, lao mangido tu Jahowa asa disesa dosanami.”

51 Dung i dijalo si Musa dohot Malim Eleasar ma mas dohot sude perhiasan i sian nasida. 52 Godang ni mas na disumbangkon nasida tu Jahowa, i ma 16.750 sekel.* Pamimpin ni na sasaribu dohot pamimpin ni na sasaratus do na mangalehon i. 53 Dibuat akka tentara i ma bagian ni nasida be sian akka barang na binoan ni nasida i. 54 Dijalo si Musa dohot Malim Eleasar ma mas i sian pamimpin ni na sasaribu dohot pamimpin ni na sasaratus. Diboan nasida ma i tu kemah parpunguan asa gabe parningotan i tu halak Israel di jolo ni Jahowa.

32 Massai godang situtu do binatang na dipiaro pinoppar ni si Ruben+ dohot pinoppar ni si Gad.+ Denggan situtu do diida nasida luat Jaser+ dohot luat Gilead lao gabe inganan ni nasida marmahan. 2 Alani i, dijuppangi nasida ma si Musa, Malim Eleasar, dohot akka pamimpin ni bangso i. Didok nasida ma, 3 “Nungnga huida hami luat Atarot, Dibon, Jaser, Nimra, Hesbon,+ Eleale, Sebam, Nebo,+ dohot Beon.+ 4 Akka luat na ditaluhon Jahowa do i di jolo ni halak Israel.+ Denggan do luat i gabe inganannami marmahan. Ai godang situtu do binatang na dipiaro+ hami tuan.” 5 Didok nasida ma muse, “Molo denggan do di roha ni tuan, lehon ma akka luat i gabe appunanami. Jala unang pola suru hami manaripari Sunge Jordan on.”

6 Dung i didok si Musa ma tu akka pinoppar ni si Gad dohot tu pinoppar ni si Ruben, “Denggan do di rohamuna haha anggimuna lao marporang, hape hamu tinggal dison? 7 Boasa dibahen hamu gabe mabiar halak Israel manaripar tu luat na dijanjihon Jahowa i? 8 Songon i do na dibahen akka ompumuna, tikki husuru nasida mangida luat i sian Kades-barnea.+ 9 Tikki nakkok nasida tu Rura* Eskol+ jala diida luat i, dibahen nasida do marmetmet ni roha halak Israel. Gabe dang olo bangso i masuk tu luat na lao lehonon ni Jahowa.+ 10 Gabe muruk situtu ma Jahowa di tikki i, jala marsumpa ma Ibana songon on,+ 11 ‘Dang adong nanggo sahalak pe na kaluar sian Mesir, na marumur 20 taon tu ginjang na boi masuk tu luat na hujanjihon+ tu si Abraham, si Isak, dohot tu si Jakkob.+ Ai dang diihutton nasida Au sian nasa roha ni nasida. 12 Holan si Kaleb+ anak ni si Jepune halak Kenaz i dohot si Josua+ anak ni si Nun do na boi mangida luat i. Ai diihutton nasida do Jahowa sian nasa roha ni nasida.’+ 13 Di tikki i, muruk situtu do Jahowa tu halak Israel. Dibahen Ibana ma marhaliang-haliang nasida di gurun saleleng 40 taon,+ sappe mate sude nasida* na mangulahon na jahat i di jolo ni Jahowa.+ 14 Saonari, naeng dohot ma hamu mangulahon dosa songon akka ompumuna i, na mambahen muruk muse Jahowa tu bangso Israel. 15 Molo dang diihutton hamu Ibana, tinggalhononna ma muse bangso on di gurun. Jala alani hamu gabe hancur ma sude bangso on.”

16 Di pudian ni ari, ro ma muse nasida mandapotton si Musa. Didok nasida ma, “Paloas ma hami mambahen akka kandang* ni binatangnami dison dohot akka kota tu akka ianakkonnami. 17 Alai dohot pe hami lao marporang.+ Jala torus pe hami di jolo ni halak Israel sahat tu na diboan hami nasida tu inganan ni nasida. Lok ma tinggal akka ianakkonnami di akka kota na martembok, asa unang diganggu akka pangisi ni luat on nasida. 18 Jala dang mulak hami tu jabunami, saleleng so dapot ni halak Israel luat parbagianan ni nasida be.+ 19 Dang pola be buatonnami tano parbagianan ni halak Israel na di bariba ni Sunge Jordan. Ai nungnga hujalo hami tano parbagianannami na di sabola timur ni Sunge Jordan on.”+

20 Didok si Musa ma tu nasida, “Attong molo songon i, bahen hamu ma songon on: Parade hamu ma dirimuna di jolo ni Jahowa lao marporang.+ 21 Taripari hamu ma Sunge Jordan di jolo ni Jahowa. Molo dung diusir Jahowa akka musuna sian jolona jala ditaluhon Ibana luat i sian jolona,+ 22 boi ma hamu mulak.+ Dang pola be marsala hamu di jolo ni Jahowa dohot di jolo ni halak Israel. Jala dukkon i loason ni Jahowa ma luat i gabe appunamuna.+ 23 Alai molo dang diulahon hamu i, mardosa ma hamu di jolo ni Jahowa. Taononmuna ma akibat ni dosamuna i. 24 Pajongjong hamu ma akka kota lao tu ianakkonmuna dohot akka kandang ni binatangmuna.+ Alai ikkon diulahon hamu do janjimuna i.”

25 Didok pinoppar ni si Gad dohot pinoppar ni si Ruben ma tu si Musa, “Huulahon hami pe songon na nidokmi tuan. 26 Lok ma tinggal di akka kota na di Gilead akka ianakkonnami, istrinami, hambing, biru-biru, lombu, dohot sude binatang na hupiaro hami.+ 27 Alai anggo hami, akka bawa na rade marporang di jolo ni Jahowa,+ borhat pe hami manaripar songon na nidok ni tuan i.”

28 Alani i dibahen si Musa ma sada paretta taringot nasida. Dipaboa ma i tu Malim Eleasar, tu si Josua anak ni si Nun, dohot tu akka pamimpin keluarga pihak bapak ni sude marga ni halak Israel. 29 Didok si Musa ma tu nasida, “Molo borhat pinoppar ni si Gad dohot pinoppar ni si Ruben manaripari Sunge Jordan rap dohot hamu, jala rade nasida marporang di jolo ni Jahowa, dung i ditaluhon akka jolma na di luat i di jolomuna, ikkon lehononmuna do luat na di Gilead gabe parbagianan ni nasida.+ 30 Alai molo dang rade nasida marporang jala dang manaripar nasida rap dohot hamu, ikkon tinggal do nasida rap dohot hamu di Kanaan.”

31 Didok pinoppar ni si Gad dohot pinoppar ni si Ruben ma, “Manang aha pe didok Jahowa, songon i do ulahononnami. 32 Rade pe hami marporang dohot manaripar tu luat Kanaan di jolo ni Jahowa.+ Alai, luat na di sabola timur ni Sunge Jordan on do na gabe parbagianannami.” 33 Dilehon si Musa ma parbagianan ni pinoppar ni si Gad, pinoppar ni si Ruben,+ dohot satonga marga Manasse,+ i ma anak ni si Josep i. Dilehon ibana ma tu nasida tano na di akka kota na di harajaon ni si Sihon+ raja ni halak Amori, dohot harajaon ni si Og+ raja ni Basan. Jala dilehon do muse akka kota na di sakaliling ni harajaon i.

34 Dipajongjong pinoppar ni si Gad ma kota Dibon,+ Atarot,+ Aroer,+ 35 Atarot-sopan, Jaser,+ Jogbehat,+ 36 Bet-nimra,+ dohot Bet-haran.+ Akka i ma kota na martembok. Jala dipajongjong nasida do muse kandang na sian batu inganan ni binatang ni nasida. 37 Jala dipajongjong pinoppar ni si Ruben do kota Hesbon,+ Eleale,+ Kiriataim,+ 38 Nebo,+ Baal-meon+ (nungnga digatti akka goarna), dohot Sibna. Digatti nasida do goar ni akka kota na dipajongjong nasida i.

39 Lao ma pinoppar ni si Mahir+ anak ni si Manasse tu Gilead. Ditaluhon nasida ma luat i jala dipalao ma halak Amori na adong disi. 40 Dilehon si Musa ma luat na di Gilead tu pinoppar ni si Mahir anak ni si Manasse. Jala disi ma nasida tinggal.+ 41 Lao ma muse si Jair anak ni si Manasse manaluhon akka perkemahan na di huta na di Gilead. Dibahen ibana ma goar ni akka kota i Hawot-jair.*+ 42 Lao ma si Nobah jala ditaluhon ma luat Kenat dohot akka kota na di sakalilingna. Dibahen ibana ma goarna Nobah songon goarna sandiri.

33 On ma pardalanan ni halak Israel dung kaluar nasida sian Mesir,+ mangihutton punguan* ni nasida be+ na dipimpin ni si Musa dohot si Aron.+ 2 Songon paretta ni Jahowa, sai disurat si Musa do goar ni akka inganan ni nasida markemah saleleng di pardalanan i. Songon on ma pardalanan ni nasida sian sada inganan tu inganan na asing:+ 3 Di ari na pasappulu limahon di bulan na parjolo,+ borhat ma nasida sian Ramses.+ Tikki i pas ma sadari dukkon Paska,+ i ma tikki kaluar halak Israel sian Mesir jala dang adong biar ni nasida di jolo ni sude halak Mesir. 4 Laos di tikki i ma dikuburhon halak Mesir anak siakkangan ni nasida na mate dibahen Jahowa.+ Ai dihukum Jahowa do akka debata ni nasida.+

5 Borhat ma halak Israel sian Ramses jala markemah ma nasida di Sukot.+ 6 Dung i borhat ma muse nasida sian Sukot jala markemah di Etham,+ di topi ni gurun. 7 Dung i borhat ma nasida sian Etham jala mamutar doppak Pihakirot, i ma na di jolo ni Baal-zephon.+ Markemah ma nasida di jolo ni Migdol.+ 8 Borhat ma nasida sian Pihakirot. Mardalan ma nasida sian tonga-tonga ni laut+ lao tu gurun.+ Mardalan ma nasida torus saleleng tolu ari di Gurun Etham,+ jala markemah ma nasida di Mara.+

9 Borhat ma nasida sian Mara jala sahat ma di Elim. Di Elim, adong 12 mata mual jala 70 hau palem. Alani i markemah ma nasida disi.+ 10 Borhat ma nasida sian Elim jala markemah di jonok ni Laut Merah. 11 Borhat ma nasida sian Laut Merah jala markemah di Gurun Sin.+ 12 Borhat ma nasida sian Gurun Sin jala markemah di Dopka. 13 Borhat ma nasida sian Dopka jala markemah di Alus. 14 Borhat ma nasida sian Alus jala markemah di Rapidim,+ disi dang adong aek siinumon ni bangso i. 15 Dung i borhat ma nasida sian Rapidim jala markemah di Gurun Sinai.+

16 Borhat ma nasida sian Gurun Sinai jala markemah di Kibrot-hataawa.+ 17 Borhat ma nasida sian Kibrot-hataawa jala markemah di Hazerot.+ 18 Dung i borhat ma nasida sian Hazerot jala markemah di Ritma. 19 Borhat ma nasida sian Ritma jala markemah di Rimmon-peres. 20 Dung i borhat ma nasida sian Rimmon-peres jala markemah di Libna. 21 Borhat ma nasida sian Libna jala markemah di Risa. 22 Dung i borhat ma nasida sian Risa jala markemah di Kehelata. 23 Dung i borhat ma nasida sian Kehelata jala markemah di Dolok Seper.

24 Borhat ma nasida sian Dolok Seper jala markemah di Harada. 25 Borhat ma nasida sian Harada jala markemah di Makelot. 26 Borhat ma nasida+ sian Makelot jala markemah di Tahat. 27 Dung i borhat ma nasida sian Tahat jala markemah di Tera. 28 Borhat ma nasida sian Tera jala markemah di Mitka. 29 Borhat ma nasida sian Mitka jala markemah di Hasmona. 30 Borhat ma nasida sian Hasmona jala markemah di Moserot. 31 Borhat ma nasida sian Moserot jala markemah di Bene-jaakan.+ 32 Borhat ma nasida sian Bene-jaakan jala markemah di Hor-gidgad. 33 Borhat ma nasida sian Hor-gidgad jala markemah di Jobata.+ 34 Borhat ma nasida sian Jobata jala markemah di Abrona. 35 Borhat ma nasida sian Abrona jala markemah di Esion-geber.+ 36 Borhat ma nasida sian Esion-geber jala markemah di Gurun Zin+ na di Kades.

37 Dung i borhat ma nasida sian Kades jala markemah di Dolok Hor+ na di parbatasan ni luat Edom. 38 Nakkok ma Malim Aron tu Dolok Hor, songon na diparettahon Jahowa. Mate ma ibana disi di ari na parjolo di bulan na palimahon,+ i ma dung 40 taon halak Israel kaluar sian Mesir. 39 Marumur 123 taon ma si Aron tikki mate ibana di Dolok Hor.

40 Di tikki i, dibege raja ni Arad+ ma naung ro halak Israel. Halak Kanaan do ibana na tinggal di Negeb, na di luat ni Kanaan.

41 Dung piga-piga leleng, borhat ma halak Israel sian Dolok Hor+ jala markemah ma nasida di Salmona. 42 Borhat ma nasida sian Salmona jala markemah di Punon. 43 Borhat ma nasida sian Punon jala markemah di Obot.+ 44 Borhat ma nasida sian Obot jala markemah di Iye-abarim na di parbatasan ni luat Moab.+ 45 Dung i, borhat ma nasida sian Iyim jala markemah di Dibon-gad.+ 46 Borhat ma nasida sian Dibon-gad jala markemah di Almon-diblataim. 47 Borhat ma nasida sian Almon-diblataim jala markemah di Dolok Abarim+ na di jolo ni Nebo.+ 48 Ujungna, borhat ma nasida sian Dolok Abarim jala markemah di Gurun Moab, na di topi ni Sunge Jordan, jonok ni kota Jeriko.+ 49 Toktong do nasida markemah di topi ni Sunge Jordan, mulai sian Bet-jesimot sahat tu Abel-sitim,+ na di Gurun Moab.

50 Makkatai ma Jahowa tu si Musa di Gurun Moab na di topi ni Sunge Jordan, jonok ni kota Jeriko. Didok ma, 51 “Songon on ma dokkon tu halak Israel, ‘Ikkon ditaripari hamu do Sunge Jordan lao tu luat Kanaan.+ 52 Ikkon diusir hamu do sude pangisi ni luat i sian jolomuna. Ikkon dihancurhon hamu do sude batu na dipahat nasida,+ patung* ni nasida,+ dohot sude inganan panombaon* ni nasida.+ 53 Buatonmuna ma luat i gabe appunamuna jala tinggal ma hamu disi. Ai pasti do lehonokku luat i gabe appunamuna.+ 54 Bagi-bagi hamu ma luat i gabe appuna ni keluargamuna mamakke undi.+ Molo godang do nasida sapunguan, tambai ma parbagiananna. Alai molo otik do nasida sapunguan, orui ma parbagianan ni nasida.+ Parbagianan ni sasahalak ditottuhon sian hasil ni undi. Jaloonmuna ma parbagiananmuna mangihutton parbagianan na dilehon tu marga ni ompumuna.+

55 “‘Alai molo dang diusir hamu pangisi ni luat i sian jolomuna,+ jala dipasombu hamu nasida tinggal rap dohot hamu, gabe songon pasir ma nasida di matamuna jala songon suga di gottingmuna. Ai bahenon ni nasida ma hamu susa di luat ingananmuna tinggal i.+ 56 Jala hukumokku ma hamu dos songon na naeng bahenokku tu nasida.’”+

34 Dung i didok Jahowa ma muse tu si Musa, 2 “Paboa ma aturan on tu halak Israel, ‘Molo dung masuk hamu tu luat Kanaan,+ luat parbagiananmuna i, on ma parbatasan ni luat i.+

3 “‘Parbatasanna di sabola selatan, i ma mulai sian Gurun Zin na saganjang ni parbatasan ni luat Edom. Jala parbatasan di sabola timurna di bagian selatan, i ma mulai sian ujung ni Laut Sira.*+ 4 Sian i, belok ma muse tu sabola selatan, i ma tu Tanjakan Akrabim+ sahat tu Zin jala marujung di Kades-barnea+ na di sabola selatan. Dung i torus ma muse parbatasan i tu Hazar-adar+ sahat tu Azmon. 5 Sian Azmon, belok ma parbatasan i tu Rura* Mesir jala marujung ma i di Laut na Balga.*+

6 “‘Parbatasanna di sabola barat, i ma Laut na Balga dohot topi ni laut i. On ma na gabe parbatasanmuna di sabola barat.+

7 “‘On ma parbatasan ni luat i di sabola utara: Mulai ma i sian Laut na Balga sahat tu Dolok Hor. 8 Sian Dolok Hor torus ma i tu Lebo-hamat,*+ jala marujung ma i di Jedad.+ 9 Torus ma muse parbatasan i tu Sipron jala marujung di Hasor-enan.+ On ma na gabe parbatasanmuna di sabola utara.

10 “‘Jala parbatasanmuna di sabola timur, i ma mulai sian Hasor-enan sahat tu Sepam. 11 Sian Sepam torus ma muse parbatasan i tu Ribla na di sabola timur ni Ain, dung i turun ma muse tu rura na di topi ni Laut Kineret.*+ 12 Torus ma muse tu Sunge Jordan jala marujung di Laut Sira.+ Akka i ma na gabe luatmuna+ dohot akka parbatasan na di sakalilingna.’”

13 Dipaboa si Musa ma muse songon on tu halak Israel, “On ma akka luat na gabe parbagiananmuna na dibagi mamakke undi.+ Dilehon ma i tu na sia satonga marga nai, songon na diparettahon Jahowa. 14 Ai nungnga dibuat marga Ruben, marga Gad, dohot satonga sian marga Manasse tano parbagianan ni nasida mangihutton keluarga sian pihak bapak ni nasida be.+ 15 Nungnga dibuat na dua satonga marga i tano parbagianan ni nasida, i ma na di sabola timur ni Sunge Jordan na di jonok ni Jeriko doppak parbissar ni mataniari.”+

16 Didok Jahowa ma muse tu si Musa, 17 “Goar ni akka bawa na mambagi luat na gabe parbagiananmuna, i ma Malim Eleasar+ dohot si Josua+ anak ni si Nun. 18 Jala pillit ma sada pamimpin sian ganup marga lao mambagi luat parbagiananmuna i.+ 19 Akka on ma goar ni bawa i: sian marga Juda,+ i ma si Kaleb+ anak ni si Jepune. 20 Sian marga Simeon,+ i ma si Semuel anak ni si Amihud. 21 Sian marga Benjamin,+ i ma si Elidad anak ni si Kilson. 22 Pamimpin na sian marga Dan,+ i ma si Bukki anak ni si Jogli. 23 Sian pinoppar ni si Josep,+ i ma sian marga Manasse.+ Pamimpinna i ma si Hanniel anak ni si Epod. 24 Pamimpin sian marga Epraim,+ i ma si Kemuel anak ni si Siptan. 25 Pamimpin sian marga Zebulon,+ i ma si Elisapan anak ni si Parnak. 26 Pamimpin sian marga Isasar,+ i ma si Paltiel anak ni si Azan. 27 Pamimpin sian marga Aser,+ i ma si Ahihud anak ni si Selomi. 28 Jala pamimpin sian marga Naptali,+ i ma si Pedahel anak ni si Amihud.” 29 Akka i ma bawa na dipillit Jahowa lao mambagi luat Kanaan tu sude halak Israel.+

35 Makkatai ma muse Jahowa tu si Musa di Gurun Moab, na di topi ni Sunge Jordan+ di jonok ni kota Jeriko. Didok ma, 2 “Suru ma halak Israel mangalehon akka kota sian parbagianan ni nasida tu halak Lepi lao gabe inganan ni nasida tinggal.+ Jala ikkon lehonon ni nasida do muse akka inganan parmahanan na di sakaliling ni kota i.+ 3 Disi ma halak Lepi tinggal, jala di inganan parmahanan i ma dibahen nasida akka binatang na dipiaro nasida, akka barang ni nasida, dohot sude binatang ni nasida na asing. 4 Ikkon dilehon nasida do inganan parmahanan i tu halak Lepi, bidangna 1.000 asta.* Dietong ma i sian pinggir ni tembok na di sakaliling ni kota i. 5 Di luar ni kota i, ikkon diukkur hamu do 2.000 asta tu sabola timur, 2.000 asta tu sabola selatan, 2.000 asta tu sabola barat, jala 2.000 asta tu sabola utara. Kota i ma na gabe di tonga-tonga. Jala akka i ma inganan parmahanan ni kota i.

6 “Ikkon lehononmuna do tu halak Lepi 42 kota tamba ni 6 kota parlinggoman.+ Tu kota parlinggoman i ma lari akka halak na mambunu.+ 7 Godang ni kota na ikkon dilehon tu halak Lepi, i ma 48 kota dohot ma i inganan parmahanan ni kota i.+ 8 Akka kota i dibuat sian kota parbagianan ni halak Israel.+ Molo godang do nasida sapunguan, godang ma dibuat sian nasida. Alai molo saotik do nasida sapunguan, saotik ma dibuat sian nasida.+ Ganup punguan ikkon mangalehon deba kota ni nasida tu halak Lepi mangihutton parbagianan na dijalo nasida.”

9 Didok Jahowa ma muse tu si Musa, 10 “Songon on ma dokkon tu halak Israel i, ‘Ikkon ditaripari hamu do Sunge Jordan lao tu luat Kanaan.+ 11 Pillit hamu ma akka kota na cocok dihilala hamu gabe kota parlinggoman. Molo adong halak na so sengaja mambunu sasahalak, ikkon lari do ibana tu kota i.+ 12 Akka kota i ma na gabe inganan parlinggoman ni halak na mambunu i sian keluarga ni na mate i na naeng mambalos ibana,*+ asa unang dipamate ibana andorang so diadili di jolo ni bangso i.+ 13 I ma guna ni onom kota parlinggoman na dipillit hamu. 14 Pillit hamu ma tolu kota di sabola timur ni Sunge Jordan+ jala tolu kota di luat Kanaan+ lao gabe kota parlinggoman. 15 Gabe inganan parlinggoman ma onom kota i di halak Israel, halak na sian bangso na asing,+ dohot halak panoppang na rap tinggal dohot nasida. Molo adong sian nasida na so sengaja mambunu sasahalak, lari ma ibana tusi.+

16 “‘Alai molo adong halak na mangattuk sasahalak mamakke alat na sian bosi, jala mate do halak na diattuk i, pambunu do ibana. Ikkon dipamate do pambunu i.+ 17 Molo diattuk ibana do sasahalak i mamakke batu na boi mambahen halak mate, jala mate do halak na diattuk i, pambunu do ibana. Ikkon dipamate do pambunu i. 18 Molo diattuk ibana do sasahalak i mamakke hau na boi mambahen halak mate, jala mate do halak na diattuk i, pambunu do ibana. Ikkon dipamate do pambunu i.

19 “‘Halak na marhak pamatehon pambunu i, i ma keluarga ni na mate i. Molo pajuppang nasida, boi do pamateon ni keluargana i pambunu i. 20 Molo dionjar ibana sasahalak ala sogo rohana, manang didanggurhon ibana manang aha ala naeng mangulahon na jahat, jala gabe mate sasahalak i,+ 21 manang alani sogo ni rohana, diattuk ibana sasahalak mamakke tanganna, jala mate halak na diattuk i, ikkon dipamate do ibana. Ai pambunu do ibana. Molo pajuppang ibana dohot keluarga ni na mate i, pamateonna do ibana.

22 “‘Alai molo dang sengaja ibana mangonjar sasahalak i, manang dang ala na sogo rohana, manang didanggur ibana sasahalak alai dang naeng mangulahon na jahat ibana,+ 23 jala molo didanggur ibana batu, hape dang diboto ibana adong disi sasahalak, jala dang na marmusu ibana tu sasahalak i, manang dang naeng mangulahon na jahat ibana tu sasahalak i, hape mate halak na hona batu i, 24 ikkon diihutton bangso i do akka aturan i tikki diadili nasida ibana dohot keluarga ni na mate na naeng mambalos ibana.+ 25 Ikkon diselamatton bangso i do halak na mambunu i sian keluarga ni na mate na naeng mambalos i. Ikkon dipaulak do halak na mambunu i tu kota parlinggoman, ingananna lari hian. Ikkon disi do ibana tinggal sahat tu na mate sintua ni malim na dipillit mamakke miak na badia.*+

26 “‘Alai molo kaluar halak na mambunu i sian batas ni kota parlinggoman, ingananna lari i, 27 jala pajuppang ibana dohot halak na lao mambalos i di luar ni batas kota parlinggoman i, dung i dipamate ma ibana, dang marsala halak na mambalos i. 28 Alani i, ikkon toktong do ibana tinggal di kota parlinggoman i sahat tu na mate sintua ni malim. Alai molo dung mate sintua ni malim, boi ma ibana mulak tu hutana hian.+ 29 Akka on ma aturan na ikkon pakkeonmuna dohot akka pinopparmuna tikki mangadili manang na didia pe hamu tinggal.

30 “‘Manang ise na pamatehon sasahalak, ikkon dipamate do ibana ala nungnga mambunu.+ Ikkon dipamate do ibana mangihutton hatorangan ni akka saksi.+ Alai molo holan sada do saksina, dang boi ibana dipamate. 31 Unang ma jalo tobusan ni sahalak pambunu na patut dipamate. Ai ikkon dipamate do ibana.+ 32 Jala unang ma jalo tobusan ni halak na lari tu kota parlinggoman, i ma tobusan na dilehon asa boi ibana mulak tu hutana andorang so mate dope sintua ni malim.

33 “‘Unang bahen hamu ramun* tano ingananmuna tinggal. Ai gabe ramun do tano dibahen mudar.+ Jala dang boi tano i gabe badia molo so diusehon mudar ni halak na mangusehon mudar i tu tano i.+ 34 Unang bahen hamu ramun tano ingananmuna tinggal, ai disi do Au tinggal. Au do Jahowa na maringanan di tonga-tonga ni halak Israel.’”+

36 Dung i ro ma akka kepala keluarga na sian pinoppar ni si Gilead, anak ni si Mahir,+ anak ni si Manasse, na sian pinoppar ni si Josep manjuppangi si Musa dohot akka pamimpin ni halak Israel. 2 Didok nasida ma, “Nungnga disuru Jahowa tuan mambagi luat on mamakke undi+ gabe tano parbagianan ni halak Israel. Jala disuru Jahowa do tuan mangalehon tano parbagianan ni si Zelapehat dongan tubunami i tu akka boruna.+ 3 Molo muli nasida tu bawa na sian marga na asing sian halak Israel, buaton ni bawa i ma tano parbagianan ni akka boru ni si Zelapehat i, i ma na dibuat sian parbagianan ni ompunami i. Tambaanna ma tano parbagianan i tu tano parbagianan ni bawa na sian marga na asing i. Gabe moru ma tano parbagianannami na dibagi marhite undi i. 4 Molo masa taon Yobel+ di Israel, ditambahon do muse tano parbagianan ni borua i tu tano parbagianan ni bawa na sian marga na asing i. Alani i, dibuat ma muse tano parbagianan ni ompunami i lao gabe tano parbagianan ni nasida.”

5 Dung i dipaboa si Musa ma tu halak Israel akka paretta ni Jahowa, “Sittong do na nidok ni marga na sian pinoppar ni si Josep i. 6 Songon on ma paretta ni Jahowa tu akka boru ni si Zelapehat, ‘Boi do nasida muli tu manang ise pe lomo ni roha ni nasida. Alai ikkon muli tu bawa na sian marga ni bapakna do nasida. 7 Dang boi pinda tano parbagianan ni halak Israel sian sada marga tu marga na asing. Ikkon hot do toktong di halak Israel tano parbagianan ni marga ni ompu ni nasida. 8 Ganup borua na mandapot tano parbagianan di tonga-tonga ni marga ni Israel, ikkon muli tu sahalak bawa na sian pinoppar ni marga ni bapakna.+ Marhite songon i ma boi toktong hot tano parbagianan ni ompuna be. 9 Dang boi pinda tano parbagianan ni halak Israel sian sada marga tu marga na asing. Ai ikkon dipartahatton ganup marga ni Israel do tano parbagianan ni ompu ni nasida.’”

10 Diulahon akka boru ni si Zelapehat do sude songon na diparettahon Jahowa tu si Musa.+ 11 Alani i, muli ma akka boru ni si Zelapehat,+ i ma si Mala, si Tirza, si Hoglah, si Milka, dohot si Noah tu pinoppar ni haha anggi ni bapakna. 12 Gabe istri ni akka bawa na sian pinoppar ni si Manasse anak ni si Josep ma nasida. Jala toktong ma tano parbagianan ni nasida i gabe appuna ni marga ni bapak ni nasida.

13 Akka i ma paretta dohot aturan na dilehon Jahowa tu halak Israel marhite si Musa. Dilehon do i di Gurun Moab na di bariba ni Sunge Jordan, na di jonok ni kota Jeriko.+