Jolo Mardame ma jo Ho Dohot Donganmi—Songon dia Carana?

Bayangkon ma molo tading hamu di Galilea di tingki ngolu ni Jesus. Naeng laho ma hamu tu Ari Raya Parlapelapean di Jerusalem. Torop ma halak na ro sian na dao laho mangulahon panombaon. Diboan hamu ma hambing laho mangalehon pelean tu Jahowa. Jala, maol do laho masuk tu joro alani godang ni halak. Dung sahat hamu disi, nunga godang halak laho mangalehon pelean. Dungkon dapot tingkina di hamu mangalehon pelean, tompu ma diingot hamu, adong dope parsoalanmuna tu sada donganmu. Dipaboa Jesus do aha na ingkon ulahononmuna. (Jaha Mateus 5:24.) Songon dia hamu dohot donganmuna i mangihuthon tudutudu ni Jesus asa mardame? Di toru on, tandai hamu ma na dia alusna.

INGKON . . .

• mangkatai do hamu dohot donganmi molo tutu do ibana na sintong

• pasingothonmu do donganmi asa unang mura hansit rohana manang mangalului ise na sala

• denggan manangihon hatorangan sian donganmi, jala nang pe ndang diantusi hamu sude, pintor rade ma hamu mangangku sala

DONGANMUNA I INGKON . . .

• paboahon tu angka dongan di huria, jala didok do hamu na sala

• murukmuruk tu hamu, patorangkon sude parsoalan i asa olo hamu mangangku sala

• mangantusi pangkilalaanmuna, ala nunga dipatudu hamu serep ni roha laho mangkatai tu ibana, jala rade manalpuhon hasalaanmuna

Nang pe saonari ndang mamboan pelean sisongon i hita laho manomba Jahowa, parsiajaran aha do na boi tadapot sian hatorangan ni Jesus taringot mardame dohot donganta asa dijalo Debata peleanta?