Lam tu Dengganna Marbarita​—Marbarita sian Kamera manang Interkom

BOASA RIKKOT: Ala nga lam godang masa hajahaton gabe mabiar do akka jolma mambukka pintu molo ro halak na so ditanda. Dipasang ma kamera CCTV dohot interkom di jabuna. Olo do ra gabe mabiar hita molo marbarita sian kamera CCTV manang interkom, ala halak i boi mangida hita hape hita dang boi mangida nasida. Tabahas ma songon dia caratta marbarita sian interkom manang kamera CCTV. Cara on pe marguna do tikki marbarita hita sian telepon.

CARA MANGULAHON I:

• Ikkon positip do pikkiranta. Alana sai adong do parjabu na mamasang kamera CCTV manang interkom na olo makkatai tu hita

• Taingot ma, kamera CCTV i nga mangarekam hita andorang so tapincit dope bel. Nungnga diparrohahon parjabu i ra hita tikki masuk tu jabuna

• Tikki dialusi parjabu i, makkatai ma hamu sian interkom manang kamera CCTV songon na langsung makkatai tu parjabu i. Senyum ma hamu jala unang gugup. Pasahat hamu ma barita na naung diparade hamu. Molo adong kamerana, unang ma pajonokhu bohimuna tu kamera i. Molo dang dialusi parjabu i, unang pola tinggalhon pesan

• Dung sae hamu makkatai dohot parjabu i, ingot ma diparrohahon parjabu i dope hamu