4. Naung Ditottuhon Debata do Hita Ikkon Susa?

Boasa Rikkot Taboto Alusna

Molo taboto alusna, gabe muba ma caratta marpikkir.

Pikkirhon ma on

Molo ikkon susa hita di tano on, boasa ma pola ikkon bagak ditoppa Debata tano on?

Adong na mandok hasusaan ma bukti (1) Dang margogo Debata, (2) Dang parduli Debata, (3) Dang adong Debata.

Toho do i?

HATORANGAN TAMBAHAN

Tonton ma video Songon dia do Hita Boi Porsea na Sintong Isi ni Bibel? di jw.org.

Na Didok Bibel

Dang na lao susa hita ditoppa Debata.

Lomo do roha ni Debata asa sonang ngolutta.

“Ndang adong na dumenggan di nasida, nda na marlas ni roha dohot na mambahen na denggan saleleng di ngoluna. Angkup ni tahe manang ise jolma na mangan dohot na minumi dohot marnida na denggan marhite sian ulaonna, silehonlehon ni Debata do nang i.”—PARJAMITA 3:12, 13.

Sian mulai ditoppa jolma na parjolo, dang adong hasusaan.

Dang lomo roha ni Debata susa jolma.

“Ninna Debata ma tu nasida: Marpinompari ma hamu, asa sopar hamu, jala gohi hamu sandok tano on, jala patunduk hamu.”—1 MUSA 1:28.

Jolma na parjolo mangalo tu Debata.

Ala mangalo tu Debata gabe susa ma nasida dohot akka pinopparna.

“Masuk do dosa i tu portibi on marhite sada jolma. Jala dosa i parohon hamatean. Ujungna rarat ma hamatean i tu sude jolma, ala nunga mardosa sude jolma.”—ROM 5:12.a

Dang ditoppa hita asa boi manottuhon dalatta sandiri.

Jolma ditoppa dang na lao mangolu di bagas aek, suang songon i ma dang ditoppa jolma asa boi manottuhon dalanna sandiri.

“Ndada guru di baoa pardalandalan, pahothon langkana.”—JEREMIA 10:23.

Dang lomo roha ni Debata hita susa.

Lomo do roha ni Debata asa unang susa hita, gariada diurupi do hita.

“Aut na diradoti roham angka patikki, jala doshon batang aek hasonanganmu.”—JESAYA 48:18.

a Molo di Bibel, hata “dosa” dipakke dang holan alani mangulahon na jahat. Alai tong do lapatanna, keadaan ni sude jolma ala na dibahen jolma na parjolo.