Na So Sanggup Dipatorang Ilmuwan

Molo taida, hira na sude do di alam semesta on diparsiajari akka ilmuwan. Alai sasittongna, godang dope sukkun-sukkun taringot parngoluon na so boi dialusi nasida.

Tutu do diboto akka ilmuwan sian dia sasittongna asal usul ni alam semesta dohot hangoluan i? Dang diboto nasida. Adong na mandok, boi do dipatorang kosmologi (sada sian cabang ni astronomi) asal usul ni alam semesta on. Alai adong do na so setuju taringot on. Si Marcelo Gleiser sahalak profesor astronomi di Dartmouth College jala sahalak agnostik mandok, “Sahat tu saonari, dang boi dope dipatorang hami sian dia asal usul ni alam semesta on.”

Songon i do tong na dipaboa majalah Science News taringot asal usul ni hangoluan on. Sada sian artikel di majalah i mandok, “Hira na so mungkin do boi ditottuhon mulai sian nandigan adong hangoluan di tano on. Memang, adong do fosil dohot akka batu na boi patuduhon aha na terjadi tikki terbentuk planet Bumi on. Alai, nungnga hancur be fosil dohot akka batu i.” Jadi kesimpulanna, dang boi dope dialusi ilmu pengetahuan sukkun-sukkun on: Songon dia do asal usul ni alam semesta dohot hangoluan on?

Mungkin ro do tu pikkiranmuna, ‘Molo dirancang do hangoluan na di tano on, ise ma na merancang i? Manang, molo tutu do malo na manoppa alam semesta on jala holong rohana tu jolma, boasa ma dipasombu Ibana jolma na ditoppana i menderita? Boasa ma dipasombu Ibana massai godang agama, hape na diajarhon maralo do? Boasa ma dipasombu Ibana mangolu akka halak na mangakku maragama mangulahon na jahat?’

Dang boi dipaboa akka ilmuwan alus ni sukkun-sukkun i. Alai sebenarna, adong do alusna jala nungnga godang halak na mandapot alusna sian Bibel.

Adong do akka ilmuwan naung marsiajar Bibel jala porsea do nasida na tutu adong na manoppa alam semesta on. Boasa? Molo naeng diboto hamu alusna, bukka ma situs web jw.org/bbc jala ketik ma Pandapot taringot tu Mula ni Hangoluan di kotak pencarian.

Ilmu Pengetahuan dohot Bibel Paposson Roha ni Nasida

Georgiy N. Koidan, ahli kimia

“‘Manusun’ molekul do karejokku. Mirip do on songon main catur. Porlu do huatur urutan na dia na parjolo hubahen. Holan sada pe urutanna na sala, boi do gabe sega sude molekul i. Rumit do ulaonkon. Alai, dang sadia dope i molo dibandingkon tu sel ni makhluk hidup. Di bagasan sada sel, adong do marribu reaksi kimia na terjadi asa boi dihasilhon akka molekul na massai rumit on. On ma na paposson rohakku na tutu do adong Ahli Kimia na dao umhebat, i ma Sitoppa saluhutna.

“Dung huparsiajari Bibel, gabe huboto ma dang songon bukku na biasa Bibel i. Nang pe nungnga hampir 2.000 taon naung salpu disurat, alai anggo isi ni Bibel i marguna do sahat tu saonari. Dung huulahon poda na di Bibel, gabe lam denggan ma hubunganku tu keluarga, tu donganku sakarejo, dohot tu halak na asing. Boi ma husimpulhon, poda sisongon i pasti sian Debata do na dao umhebat sian jolma.”

Yan-Der Hsuuw, ahli embriologi

“Tikki berkembang embrio, ikkon bekerja sama do sude sel asa boi terbentuk sel tertentu na gabe saraf, sibuk, holi-holi, mudar, dohot akka jaringan na asing, sappe ujungna boi terbentuk sada bayi. Sahat tu saonari, dang boi dope takkas diattusi songon dia proses perkembangan ni embrio on. Jadi menuruttu, pasti adong do na merancang hangoluan on jala massai malo do Ibana.

“Di Bibel, di Psalmen 139:15, 16 dipaboa do taringot perkembangan ni embrio na di rahim ni sahalak ina. Mirip do isi ni ayat i tu hasil penelitian ni akka ilmuwan saleleng marpulu taon on. Jadi, molo dang sian Sitoppa saluhutna Bibel i, masuk akkal do didok rohamuna boi songon i sittongna hatorangan naung disurat marribu taon naung salpu i?”

Tonton ma video Rocío Picado Herrero: Guru Kimia Menjelaskan Imannya di situs web jw.org/id. Lao mangida videona, ketik ma judul ni video i di kotak pencarian.