SURSAR KEADAAN NI PORTIBI ON

3 | Jaga ma Hubunganmuna tu Keluarga dohot Donganmuna

BOASA PENTING

Tikki adong masalah manang terjadi bencana di sada daerah, pasti gabe tamba marsak do akka halak. Ala songon i situasina, olo do gabe dang dipikkirhon nasida be hubunganna tu keluargana dohot tu donganna.

Godang do saonari halak na mandao sian donganna.
Lam godang saonari suami istri na marbadai.
Godang do saonari natua-tua na so parduli tu perasaan ni anakkonna.

Na Porlu Diboto Hamu

Molo denggan hubungatta tu keluarga dohot donganta, pasti las do rohatta. Jala molo nga las rohatta, pasti tamba sehat do hita.
Boi do ro masalah na tidak terduga tu sada keluarga molo terjadi masalah manang bencana di daerah ni nasida.
Tikki dibege anakkonmuna berita buruk, boi do gabe mabiar nasida manang stres.

Na Porlu Diulahon Hamu Saonari

Na didok Bibel, “Sai dipatudu ale-ale do holong ni roha. Jala songon haha anggi do i tikki masa sitaonon.”—Poda 17:17.

Coba ma ingot ise donganmuna na sai rade mangurupi jala mangalehon saran tu hamu. Molo diboto hamu adong dongan na parduli tu hamu, pasti gabe lam barani do hamu menghadapi masalah.

CARA MENGHADAPI—Saran

Tikki sursar situasi, ihutton ma akka saran on asa boi denggan hubunganmuna tu keluarga dohot tu akka donganmuna

KOMPAK MA HAMU TU PASANGANMUNA

Kompak ma hamu tu pasanganmuna

Na didok Bibel, “Dumenggan do dua halak sian na sahalak . . . Ai molo madabu na sada, boi ma na sada nai manogu.” (Parjamita 4:9, 10) Ikkon kompak do suami dohot istri bekerja sama. Unang ma saling menyalahkan manang bersaing.

Tikki adong masalahmuna, unang ma gabe pasanganmuna na dimuruk-muruki hamu. Berusaha ma hamu asa boi tetap sabar.
Pillit ma waktu na pas lao makkatai tu pasanganmuna taringot masalah na dihadapi hamu. Ingot ma lao pasaehon masalahmuna i do tujuanmuna makkatai, dang lao mangalului ise na sala.
Lehon ma tikki lao rap mangulahon kegiatan na dihalomohon hamu.
Bahen ma tikki lao mangingot akka na diulahon hamu najolo. Misalna, mangida foto pernikahanmuna manang mangingot kenangan tikki marhallet hamu najolo.

“Memang dang selalu sadalan suami dohot istri. Alai tetap do nasida boi bekerja sama lao mencapai sada tujuan. Jadi molo nga dibahen nasida sada keputusan, ikkon bekerja sama do nasida lao mangulahon i.”—Si David.

KOMPAK MA HAMU TU AKKA DONGANMUNA

Kompak ma hamu tu akka donganmuna

Unang ma sai naeng diurupi hita, alai pikkirhon ma boha carana hita mangurupi halak na asing. Alana molo taurupi halak na asing, na patoguhon diritta sandiri do hita disi.
Berusaha ma hamu asa boi tiap ari manukkun kabar ni akka donganmuna.
Molo adong masalahmuna, coba ma sukkun donganmuna na hea menghadapi masalah sisongon i.

“Tikki adong masalahmuna, boi do donganmuna mangurupi asa denggan cara marpikkirmuna. Asing ni i, boi do nasida paingotton hamu lao mangulahon akka naung diboto hamu hian. Pasti parduli do sahalak dongan tu hita. Jala nasida pe, ikkon diboto nasida do na parduli hita tu ibana.”—Si Nicole.

KOMPAK MA HAMU TU ANAKKONMUNA

Kompak ma hamu tu anakkonmuna

Na didok Bibel, “Ganup halak ikkon hatop manangihon, manat makkatai.” (Jakobus 1:19) Olo do ra maila anakkonmuna paboahon na di roha dohot di pikkiran ni nasida. Jadi ikkon sabar do hamu manangihon nasida asa olo nasida terbuka tu hamu.

Berusaha ma hamu asa boi anakkonmuna nyaman paboahon perasaanna tu hamu. Adong do dakdanak na ummura paboahon perasaanna tikki santai situasina. Contohna, unlomo do nasida paboahon perasaanna pas tikki mardalani sian apala tikki di jabu.
Batasi ma anakkonmuna mangida berita buruk.
Paboa ma tu anakkonmuna akka aha naung dibahen hamu lao mambahen aman hamu na sakeluarga.
Bahen hian ma rencana na lao diulahon hamu molo masa situasi darurat jala marlatik ma hamu mangulahon i.

“Tikki makkatai hamu dohot anakkonmuna, sukkun ma songon dia perasaan ni nasida. Alana bisa jadi maila do nasida paboahon na lagi mabiar, marsak, manang muruk nasida. Paboa ma muse tu nasida hea do hamu mengalami perasaan sisongon i jala paboa ma aha na diulahon hamu lao mengatasi perasaan i.”—Si Bethany.