BOI DOPE BERTAHAN BUMI ON?
AEK NA IAS
DANG adong hangoluan di tano on molo dang adong aek, apalagi ma molo dang adong aek na ias. Na unggodang di daging ni makhluk hidup, i ma aek. Aek siinumon ni jolma dohot binatang boi ma dapotta sian tao, sunge, rawa-rawa, dohot sian toru ni tano. Jala porlu do tong aek tu akka suan-suanan.
Keadaan ni Aek Saonari
Hampir sude do isi ni tano on aek. Alai menurut Organisasi Meteorologi Dunia, “holan 0,5% do aek na ias na tersedia di tano on jala na aman lao dipakke”. Sebenarna cukkup do i lao memenuhi kebutuhan ni sude jolma. Alai na saotik i pe, nungnga godang na tercemar manang maol hian didapot. Alana lam tamba do godang ni jolma jala adong perubahan cuaca. Jadi akka pakar mandok molo songon i do torus keadaanna, 30 taon nai boi do sappe 5 miliar halak maol mandapot aek na ias.
Dirancang do Planet Bumi asa Boi Bertahan
Sebenarna dirancang do planetta on asa unang hurangan aek. Boi do tano, makhluk hidup na adong di aek, dohot mataniari mambahen ias aek di planet on. Parrohahon ma piga-piga bukti na patuduhon dirancang do planet on asa torus bertahan.
Boi do tano mambolokkon akka na mencemari aekta. Contohna, di rawa-rawa adong do akka tumbuhan na boi mambolokkon nitrogen, fosfor, dohot pestisida sian aek.
Nungnga diparsiajari akka ilmuwan songon dia carana asa boi tetap ias aek di tano on sian sampah organik. Bakteri na adong di aek na mengalir boi do mengurai sampah i.
Boi do kopa mambuat zat kimia na berbahaya sian aek holan di bagasan piga-piga ari. Jala dao do undenggan hasil penyaringanna i sian na boi dibahen pabrik pengolahan limbah.
Boi do torus adong aek di planetta on ala adong siklus air. Adong do muse akka siklus alam na asing na mambahen gabe dang hurangan aek planetta on.
Aha ma Naung Diulahon Saleleng on?
Molo tapadenggan oli ni kendaraanta na bocor jala dang asal tabolokkon sampah na mengandung zat kimia na berbahaya, tetap ma ias aek
Sai dipasingot akka ahli do hita asa hemat mamakke aek. Asing ni i asa unang gabe kotor aek na meresap tu tano, dipasingot nasida do muse hita asa tapadenggan oli ni kendaraanta na bocor. Unang ma tabolokkon akka obat tu toilet. Jala unang ma asal tabolokkon cairan na mengandung zat kimia.
Asa lam godang aek na ias na boi diinum, nungnga dibahen akka ilmuwan cara-cara baru lao mambolokkon kandungan garam sian air laut.
Alai masalahna dang boi dope diterappon cara on alana godang do biaya dohot energi na dihaporluhon tusi. Di laporan ni PBB taon 2021 dipaboa do, “Ikkon ditingkatton do upayatta dua hali lipat asa torus adong aek na ias.”
Bibel Paposson Rohatta
“Dibahen [Debata] do nakkok uap ni aek tu ginjang. Gabe ombun ma i, jala sian i ma ro udan. Dung i turun ma udan sian ombun i, tu atas ni sude jolma.”—Job 36:26-28.
Dibahen Debata do siklus alam asa boi torus adong aek di tano on.—Parjamita 1:7.
Pikkirhon ma: Molo boi do Panoppa i mambahen proses alami lao menyaring aek di tano on, tottu boi do Ibana mambahen ias aek di saluhut tano on. Ida ma artikel “Janji ni Debata Taringot Tano on” di halaman 15.