Mangargai Keluarga

BOASA PORLU TAARGAI KELUARGA?

• Bukku Disayang Suami Sampai Mati mandok, molo saling mangargai suami dohot istri, gabe mura ma nasida patuduhon holong ni rohana tu pasanganna “dang ikkon marhite cara na luar biasa alai boi do tong marhite cara na sederhana arian nang borngin”.

• Sada penelitian paboahon, molo nungnga sian dakdanak sasahalak diajari mangargai halak na asing, gabe lam percaya diri ma ibana, lam kompak tu natua-tuana, jala dang mura hona gangguan mental.

NA BOI DIULAHON HAMU

Bahas ma rap dohot keluargamuna. Na parjolo, pastihon ma asa sude anggota keluargamuna mangattusi aha do lapatan ni mangargai halak na asing. Na paduahon, suratton ma aha na ikkon diulahon dohot na so boi diulahon nasida. Na patoluhon, hatai ma i rap dohot anggota keluargamuna asa sude mangattusi boha do carana mangargai halak na asing.

Bahen ma sitiruon. Tikki adong na sala dibahen anggota keluargamuna, pittor disonggak hamu do nasida? Tikki dang setuju hamu tu pandapot ni nasida, pittor diparekkeli hamu do nasida? Olo do hamu manangihon anggota keluargamuna tikki makkatai?

Saran: Torus ma argai hamu pasanganmuna dohot gellengmuna, dang soal diargai manang na dang hamu.

Torus ma argai nasida. Tikki marsoal hamu dohot anggota keluargamuna, unang ma dokkon “torus do ho . . . ” manang “dang hea ho . . . ” Alana boi do gabe haccit roha ni nasida mambege hatamuna i, jala boi do i mambahen gabe tubu parbadaan.

NA DIULAHON HAMI

Sai dijujui Saksi Jahowa do akka keluarga asa saling mangargai. Sering do dibahen hami topik taringot i di artikel, bukku, brosur, dohot videonami jala gratis do i.

TU SUAMI ISTRI: Adong do artikel berseri na marjudul Na Boi Mangurupi Keluarga. Boi do artikel on mangurupi suami istri asa . . .

• denggan manangihon pasanganna

• dang sai sip-sip tu pasanganna

• dang sai marbadai

(Bukka ma situs web jw.org/bbc, ketik ma “Na Boi Mangurupi Keluarga” di kotak pencarian)

TU NATUA-TUA: Adong do artikel berseri na marjudul Na Boi Mangurupi Keluarga. Boi do artikel on mangurupi natua-tua mangajari gellengna asa . . .

• unduk tu nasida

• olo mangurupi karejo di jabu

• olo mandok “tolong” dohot “mauliate”

(Bukka ma situs web jw.org/bbc, ketik ma “Mangajari Dakdanak” dohot “Mangajari Akka na Poso” di kotak pencarian)

Jaha ma muse artikel, “Onom Sifat na Porlu Dipelajari Dakdanak” di majalah Dungo ma! No. 2, 2019 dohot artikel “12 Cara na Boi Mambahen Keluarga Bahagia” di majalah Dungo ma! No. 2, 2018, halaman 8-11. (Jaha ma artikel on di situs web jw.org)

TU NA POSO: Di bagian Akka na Poso di situs web jw.org/bbc adong do artikel dohot video na boi mangurupi akka na poso asa . . .

• kompak tu natua-tua dohot tu haha anggina

• sopan makkatai tu natua-tua taringot aturan di jabu

• pos roha ni natua-tuana tu ibana

(Bukka ma situs web jw.org/bbc, ketik ma “Akka na Poso” di kotak pencarian)

Gratis do molo naeng mambukka situs web jw.org. Dang porlu dilehon hamu informasi pribadimuna, dang porlu mandaftar, manang marlangganan.