Angka Aleale ni Debata Manundalhon Angka na Roa

Dielaela Sibolis do angka jolma asa mangulahon angka na roa. Sasahalak na laho aleale ni Debata ingkon manghagigihon aha na dihagigihon Jahowa. (Psalmen 97:10) On ma pigapiga na ingkon ditundalhon angka aleale ni Debata:

Giotgiot ni daging. ”Unang ho mangalangkup.” (2 Musa 20:14) Sampur andorang so marsaripe ulaon na sala.—1 Korint 6:18.

Angka parmabuk. ”Ndang sitean harajaon ni Debata . . . angka siparmabuk.”—1 Korint 6:9, 10.

Mambunu, Mangarurus. ”Unang ho mambunu.”—2 Musa 20:13.

Panangko. ”Unang ho manangko.”—2 Musa 20:15.

Gabus. Dihagigihon Jahowa do ”dila pargapgap.”—Poda 6:17.

Hajahaton dohot Rimas na so tarorom. ”Alai dihosom roha [ni Jahowa] do parjahat i dohot na manghaholongi hajahaton.” (Psalmen 11:5) ”Parulaon ni daging [songon] . . . rimasrimas.”—Galatia 5:19, 20.

Parjuji. ’Na so jadi saor hamu dohot halak pangahut.’—1 Korint 5:11.

Hasogoon tu Houm dohot halak na asing. ”Holong ma rohamu di musumuna; tangiangkon hamu ma angka na paburuburu hamu.”—Mateus 5:43, 44.

Angka na pinaboa ni Debata marlaba tu hita. Ndang sai mura hita manundalhon angka na jahat. Marhite pangurupion ni Jahowa dohot angka SitindangiNa, hamu boi manundalhon angka ulaon na so dihalomohon roha ni Debata.—Jesaya 48:17; Pilippi 4:13; Heber 10:24, 25.