BAGIAN 4

Ditangihon Nasida do Sibolis—Aha Akibatna?

Ala mangalo si Adam dohot si Hawa tu Debata, gabe mate ma nasida. 1 Musa 3:6, 23

Diallang si Hawa ma parbue ni hau na dilarang i jala dilehon ma i muse tu si Adam

Ditangihon si Hawa do hata ni ulok i jala diallang ma parbue ni hau i. Dilehon ibana do deba tu si Adam jala diallang si Adam ma.

Si Adam dohot si Hawa tinggal di Taman Eden

Gabe mardosa ma nasida. Diusir Debata ma nasida sian Taman Eden.

Gabe susa ma ngolu ni nasida dohot akka ianakkonna. Gabe matua ma nasida jala mate. Dung mate, dang tu surgo nasida manang tu narokko, alai dang adong be nasida.

Songon tano do halak na mate, dang marhosa. 1 Musa 3:19

Akka halak na sian marragam bangso jala na mangolu di jaman na marasing-asing

Ala pinoppar ni si Adam dohot si Hawa do hita, gabe mate ma hita. Dang boi be halak na mate mangida, mambege, manang mangulahon manang aha pe.—Parjamita 9:5, 10.

Sahalak anak boru mate jala dikuburhon keluargana ma ibana

Dang lomo roha ni Jahowa mate jolma i. Satokkin nai, bahenonna ma mulak mangolu akka halak na mate. Jala molo dioloi nasida Debata, boi ma nasida mangolu saleleng ni lelengna.